સ્પોર્ટ્સ ડેસ્ક2 કલાક પેહલા
- કૉપી લિંક
BCCIના ભૂતપૂર્વ પ્રમુખ સૌરવ ગાંગુલીનું માનવું છે કે વિરાટ કોહલીએ જૂનમાં યોજાનાર T20 વર્લ્ડ કપમાં રોહિત શર્મા સાથે ઓપનિંગ કરવી જોઈએ. IPLમાં દિલ્હી કેપિટલ્સના ડિરેક્ટર ગાંગુલીએ સોમવારે એક મીડિયા ઇવેન્ટમાં કહ્યું કે, વિરાટ કોહલી અને રોહિત શર્માએ આ વર્ષના T20 વર્લ્ડ કપમાં ભારત માટે ઓપનિંગ કરવું જોઈએ, વિરાટ 40 બોલમાં 100 રન બનાવી શકે છે.
T20 વર્લ્ડ કપ 2024 જૂનમાં અમેરિકા અને વેસ્ટ ઈન્ડિઝમાં રમાશે. સંભવિત ખેલાડીઓની યાદી 1 મે સુધીમાં ઇન્ટરનેશનલ ક્રિકેટ કાઉન્સિલ (ICC)ને સબમિટ કરવાની રહેશે.
મીડિયા રિપોર્ટ્સમાં એવો પણ દાવો કરવામાં આવ્યો છે કે વિરાટ-રોહિત ઓપનિંગ કરશે
હાલમાં જ મીડિયા રિપોર્ટમાં દાવો કરવામાં આવ્યો હતો કે રોહિત શર્મા અને વિરાટ કોહલી T20 વર્લ્ડ કપમાં ઓપનિંગ કરશે. પરંતુ, આ સમાચારના થોડા દિવસો બાદ રોહિતે આ સમાચારને નકારી કાઢ્યા હતા.
કોહલીએ આંતરરાષ્ટ્રીય ક્રિકેટમાં ઓપનિંગ કર્યું છે
કોહલીએ 2008માં શ્રીલંકા સામેની ODIમાં ઓપનિંગ બેટર તરીકે પોતાની આંતરરાષ્ટ્રીય કારકિર્દીની શરૂઆત કરી હતી. થોડા સમય પછી તે 3 નંબરના સ્લોટ પર ગયો. T20 ઈન્ટરનેશનલમાં ઓપનર બેટર તરીકે કોહલીનો રેકોર્ડ ઘણો સારો છે. પૂર્વ કેપ્ટને 9 મેચમાં 400 રન બનાવ્યા છે.
IPLની વર્તમાન સિઝનથી જ ઓરેન્જ કેપ હોલ્ડર
IPLની છેલ્લી કેટલીક સિઝનમાં કોહલી રોયલ ચેલેન્જર્સ બેંગલુરુ (RCB) માટે ઓપનિંગ કરી રહ્યો છે. આ સિઝનમાં ઓપનિંગ કરતી વખતે પણ તે 8 મેચમાં 150.39ના સ્ટ્રાઈક રેટથી 379 રન સાથે ઓરેન્જ કેપ હોલ્ડર છે. આ દરમિયાન તેણે સદી પણ ફટકારી છે.
