4 કલાક પેહલા
- કૉપી લિંક
સલમાન ખાન શનિવારે સાંજે મરાઠી ફિલ્મ ‘ધર્મવીર 2’ના ટ્રેલર લૉન્ચ ઇવેન્ટમાં પહોંચ્યો હતો. આ ઇવેન્ટમાં મહારાષ્ટ્રના સીએમ એકનાથ શિંદે પણ સામેલ થયા હતા. સ્ટેજ પર, એકનાથ શિંદેએ સલમાનને શાલ ઓઢાડી સન્માન કર્યું હતું. આ ઇવેન્ટમાં મહારાષ્ટ્રના નાયબ મુખ્યમંત્રી દેવેન્દ્ર ફડણવીસ પણ હાજર હતા.
સલમાનનું શાલ ઓઢાડીને સન્માન કરતા સીએમ એકનાથ શિંદે.
સલમાન કડક સુરક્ષા સાથે ઈવેન્ટમાં પ્રવેશ્યો હતો.
‘ધર્મવીર 2’ 2022માં રિલીઝ થયેલી ફિલ્મ ધર્મવીરની સિક્વલ છે. આ ફિલ્મ એકનાથ શિંદેના રાજકીય ગુરુ અને શિવસેનાના દિવંગત નેતા આનંદ દિઘેના જીવન પર આધારિત છે. તેમના જીવન અને રાજકીય કારકિર્દીની ઝલક આ ફિલ્મમાં જોવા મળશે. ફિલ્મ ‘ધર્મવીર 2’ આ વર્ષે 9 ઓગસ્ટના રોજ સિનેમાઘરોમાં રિલીઝ થવા જઈ રહી છે. તે જ વર્ષે, અભિનેતા બોબી દેઓલ અને સીએમ એકનાથ શિંદે દ્વારા ફિલ્મનું પોસ્ટર રિલીઝ કરવામાં આવ્યું હતું.
ફિલ્મનો પહેલો ભાગ પણ દર્શકોને ખૂબ જ પસંદ આવ્યો હતો. પહેલા ભાગમાં પ્રસાદ ઓક, ક્ષિતીશ દાતે, મકરંદ પાધ્યા, સ્નેહલ તરડે અને શ્રુતિ મરાઠે જેવા કલાકારો જોવા મળ્યા હતા. બીજા ભાગમાં પણ આ જ કલાકારો છે. એ જ રીતે પહેલા ભાગની જેમ બીજા ભાગનું પણ નિર્દેશન પ્રવીણ તરડે કરી રહ્યા છે. તેમણે ફિલ્મની વાર્તા પણ લખી છે.
ઓગસ્ટ 2001માં આનંદ દિઘેનું થાણેની એક હોસ્પિટલમાં અવસાન થયું હતું. તેમના મૃત્યુનું કારણ હાર્ટ એટેક હોવાનું જણાવાયું હતું.
