રાજસ્થાનથી પાલનપુર તરફ જઈ રહેલા એક ટ્રેલરમાં આજે રાત્રે ઈકબાલગઢ ગામ નજીક અચાનક આગ લાગવાની ઘટના બની હતી. ટ્રેલરના પાછળના ટાયરમાં અચાનક આગ લાગતાં ચાલક અને ખલાસીએ તાત્કાલિક વાહનને રોડની સાઈડમાં ઊભું રાખ્યું હતું. જો કે, ટાયરમાંથી શરૂ થયેલી આગે જોતજોતામા
.
ઘટનાની જાણ થતાં ઈકબાલગઢ આઉટ પોસ્ટ અને અમીરગઢ પોલીસ તુરંત જ ઘટનાસ્થળે પહોંચી ગઈ હતી. પોલીસે પ્રથમ ટ્રેલરના ચાલક અને ખલાસીને સુરક્ષિત બહાર કાઢ્યા હતા. વધુ નુકસાન અટકાવવા માટે પોલીસે ભારે જહેમત ઉઠાવીને ટ્રેલરના આગળના ભાગને અલગ કરવામાં સફળતા મેળવી હતી.
ફાયર બ્રિગેડની ટીમે ઘટનાસ્થળે પહોંચીને સતત પાણીનો મારો ચલાવી આગ પર કાબુ મેળવ્યો હતો. દરમિયાન, હાઈવે પર વાહનોની અવરજવર અટકી ન પડે તે માટે એલ એન્ડ ટી વિભાગ અને અમીરગઢ પોલીસે ટ્રાફિક વ્યવસ્થાપન કર્યું હતું. સમયસર કરવામાં આવેલી કામગીરીને કારણે મોટી દુર્ઘટના ટળી હતી અને કોઈ જાનહાનિ થઈ ન હતી. પોલીસ દ્વારા જણાવ્યું હતું કે ટ્રેલરનો ચાલક સુરક્ષિત છે અને તે આબુરોડ તરફથી આવી રહ્યો હતો.ટ્રેલરના પાછળ ભાગના એક ટાયરમા અચાનક આગ લાવી હતી, બાદમા બધા જ ટાયરમા આગ લાગી હતી.
