નવી દિલ્હી2 કલાક પેહલા
- કૉપી લિંક
આ સપ્તાહે સોના અને ચાંદીના ભાવમાં ઘટાડો જોવા મળ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) ની વેબસાઈટ અનુસાર, બુલિયન માર્કેટમાં આ સપ્તાહની શરૂઆતમાં એટલે કે 1 જાન્યુઆરીએ સોનું રૂ. 63,302 પર હતું, જે હવે 6 જાન્યુઆરીએ ઘટીને રૂ. 62,540 પ્રતિ 10 ગ્રામ પર આવી ગયું છે. એટલે કે આ અઠવાડિયે તેની કિંમતમાં 762 રૂપિયાનો ઘટાડો થયો છે.
2024માં પણ સોનાની કિંમતમાં વધારો જોવા મળી શકે છે. આ વર્ષે સોનું 70 હજાર રૂપિયા પ્રતિ 10 ગ્રામ સુધી જઈ શકે છે.
ચાંદીના ભાવમાં રૂ.2 હજારથી વધુનો ઘટાડો થયો
IBJA વેબસાઈટ અનુસાર, આ સપ્તાહે ચાંદીમાં 2 હજાર રૂપિયાથી વધુનો ઘટાડો જોવા મળ્યો છે. આ સપ્તાહની શરૂઆતમાં તે રૂ. 73,624 પર હતી, જે હવે ઘટીને રૂ. 71,550 પ્રતિ કિલો પર આવી ગઈ છે. એટલે કે આ અઠવાડિયે તેની કિંમતમાં રૂ. 2,074નો ઘટાડો થયો છે.
2023માં સોનું 8 હજાર રૂપિયાથી વધુ મોંઘુ થયું
વર્ષ 2023ની શરૂઆતમાં સોનું 54,867 રૂપિયા પ્રતિ ગ્રામ હતું, જે 31 ડિસેમ્બરના રોજ 63,246 રૂપિયા પ્રતિ ગ્રામે પહોંચ્યું હતું. એટલે કે વર્ષ 2023માં તેની કિંમત રૂ. 8,379 (16%) વધી. તેમજ ચાંદી પણ રૂ. 68,092થી વધીને રૂ. 73,395 પ્રતિ કિલોગ્રામ પર પહોંચી ગઈ છે.
સોનું 70 હજાર રૂપિયા સુધી જઈ શકે છે
નિષ્ણાતોના મતે 2024માં પણ સોનાની કિંમતમાં વધારો જોવા મળી શકે છે. જેના કારણે આ વર્ષે સોનું 70 હજાર રૂપિયા પ્રતિ 10 ગ્રામ સુધી જઈ શકે છે. જો ચાંદીની વાત કરીએ તો તે 85 હજાર રૂપિયા પ્રતિ કિલો સુધી જઈ શકે છે.
