મુંબઈ51 મિનિટ પેહલા
- કૉપી લિંક
આજે એટલે કે 29 એપ્રિલે સપ્તાહના પ્રથમ ટ્રેડિંગ દિવસે શેરબજારમાં તેજી જોવા મળી રહી છે. સેન્સેક્સ 300થી વધુ પોઈન્ટના વધારા સાથે 74,000 ના સ્તર પર કારોબાર કરી રહ્યો છે.
નિફ્ટીમાં પણ 50 પોઈન્ટથી વધુનો ઉછાળો જોવા મળી રહ્યો છે, તે 22,500 ના સ્તર પર ટ્રેડ થઈ રહ્યો છે. સેન્સેક્સના 30 શેરોમાંથી 27માં વધારો અને 3માં ઘટાડો જોવા મળી રહ્યો છે. બેન્કિંગ અને ફાર્મા શેર્સમાં વધુ ફાયદો છે.
યુકો બેંક સહિત અનેક કંપનીઓના આજે પરિણામ
આજે, 29 એપ્રિલે, ઘણી કંપનીઓ નાણાકીય વર્ષ 2023-24ના ચોથા ક્વાર્ટરના પરિણામો જાહેર કરશે. આ કંપનીઓમાં યુકો બેંક, શોપર્સ ટોપ, ટાટા કેમિકલ, ટ્રેન્ટ, જના સ્મોલ ફાઇનાન્સ બેંક અને પૂનેલા ફિનકોર્પનો સમાવેશ થાય છે.
શુક્રવારે બજારમાં ઘટાડો જોવા મળ્યો હતો
આ પહેલા ગત સપ્તાહના છેલ્લા ટ્રેડિંગ દિવસે એટલે કે 26 એપ્રિલ શુક્રવારે શેરબજારમાં ઘટાડો જોવા મળ્યો હતો. સેન્સેક્સ 609 પોઈન્ટના ઘટાડા સાથે 73,730 પર બંધ રહ્યો હતો. તેમજ, નિફ્ટીમાં પણ 150 પોઈન્ટનો ઘટાડો જોવા મળ્યો હતો, તે 22,419 ના સ્તર પર બંધ થયો હતો.