41 મિનિટ પેહલા
- કૉપી લિંક
એક્ટર અખિલેન્દ્ર મિશ્રાએ સલમાન ખાન અભિનીત ફિલ્મ ‘વીરગતિ’નો એક કિસ્સો સંભળાવ્યો. આ ફિલ્મમાં અખિલેન્દ્રએ વિલનની ભૂમિકા ભજવી હતી. તેમણે કહ્યું કે આ ફિલ્મ માટે સલમાને ઘણી મહેનત કરી છે. રિપોર્ટ્સ અનુસાર, આ સલમાનની પહેલી એક્શન ફિલ્મ હતી. આ ફિલ્મમાં સલમાન ખાને પહેલીવાર પોતાના સિક્સ પેક એબ્સ બતાવ્યા હતા.
ફિલ્મ ‘વીરગતિ’માં સલમાન ખાન
રાજશ્રી અનપ્લગ્ડને આપેલા ઇન્ટરવ્યૂમાં અખિલેન્દ્ર મિશ્રાએ કહ્યું કે ભલે ઈન્ડસ્ટ્રીએ આ ફિલ્મને ફ્લોપ ગણાવી હતી. પરંતુ આ ફિલ્મ માટે સલમાન ખાને ઘણી મહેનત કરી હતી. દરેક શોટ પહેલાં તે આખી રાત કસરત કરતો હતો. ક્લાઈમેક્સ વિશે વાત કરતાં કહ્યું કે ‘વીરગતિ’ના ક્લાઈમેક્સને શૂટ કરવામાં ઘણા દિવસો લાગ્યા હતા. પરફેક્ટ શોટ્સ આપવા માટે સલમાન ખાન આખી રાત વેઈટ લિફ્ટિંગ કરતો હતો.
અખિલેન્દ્ર મિશ્રાએ ‘વીરગતિ’માં વિલનનો રોલ નિભાવ્યો હતો
જોકે, આ એક્શન ફિલ્મ દર્શકોને ખાસ પસંદ આવી ન હતી. આ ફિલ્મ પણ બોક્સ ઓફિસ પર એટલું સારું પર્ફોર્મન્સ કરી શકી ન હતી. પરંતુ, આ ફિલ્મ 100 દિવસ સુધી સિનેમાઘરોમાં ચાલી હતી.
આ ફિલ્મમાં એક્ટ્રેસ દિવ્યા દત્તા, અતુલ અગ્નિહોત્રી, હિમાની શિવપુરી, ફરીદા જલાલ, પૂજા ડડવાલ, સુદેશ બેરી અને સુધીર પાંડે સહિત ઘણા અનુભવી કલાકારો જોવા મળ્યા હતા. તે દિવસોમાં ફિલ્મના તમામ કલાકારોના ખૂબ વખાણ થયા હતા.
આ ફિલ્મ 1995માં રિલીઝ થઈ હતી. ‘વીરગતિ’નું નિર્દેશન કેકે સિંહે કર્યું હતું. આ ફિલ્મના નિર્માતા બાબુભાઈ લાટીવાલા હતા. બાબુભાઈ લાટીવાલાનું 23 ઓક્ટોબર 2023ના રોજ હાર્ટ એટેકથી અવસાન થયું હતું.
અખિલેન્દ્ર મિશ્રા પહેલીવાર સિરિયલ ‘ઉડાન’માં જોવા મળ્યા હતા, પરંતુ તેમને ઓળખ 90ના દાયકાના ફેમસ ફેન્ટસી શો ‘ચંદ્રકાંતા’થી મળી હતી. આ પછી તેમણે એક પછી એક સિરિયલોમાં કામ કરવાનું ચાલુ રાખ્યું. ક્યારેક તે રાવણ બન્યો તો ક્યારેક ‘મહાભારત’માં કંસ બન્યો. અખિલેન્દ્ર મિશ્રાએ સુધીર મિશ્રા દ્વારા નિર્દેશિત ફિલ્મ ‘ધારાવી’થી બોલિવૂડમાં એન્ટ્રી કરી હતી.
