એક જ ફિલ્મમાં કામ કરવાની ઈચ્છા રાખે છે ત્રણેય ખાન: આમિરે પોતાના બર્થડે પર કરી આ અંગે વાત; કહ્યું, ‘યોગ્ય સ્ક્રિપ્ટની રાહ જોઈ રહ્યાં છીએ’

મિસ્ટર પરફેકનિસ્ટ આમિર ખાને શુક્રવારે જ 59મો બર્થડે સેલિબ્રેટ કર્યો છે. આ દરમિયાન એક્ટરે ઈન્સ્ટાગ્રામમાં લાઈવ સેશન દ્વારા ફેન્સ સાથે વાતચીત કરી હતી. અહીં એક ફેને શાહરુખ અને સલમાન ખાન સાથે કામ કરવાને લઈને સવાલ કર્યો હતો. જેના જવાબમાં આમિરે કહ્યું કે આ ત્રણેય એક સાથે ફિલ્મ કરવા માટે તૈયાર છે.

આમિરે તેનો 59મો બર્થડે ફેન્સ અને ફોટોગ્રાફર સાથે ઉજવ્યો

આમિરે કહ્યું- અમે ત્રણેય યોગ્ય સ્ક્રિપ્ટની ચર્ચા કરી રહ્યા છીએ આમિરે કહ્યું કે આ ત્રણેય લોકોએ આ મુદ્દે વાત કરી છે. ત્રણેયને લાગે છે કે ફેન્સ માટે તેઓએ સાથે મળીને ફિલ્મ બનાવવી જોઈએ. આ અંગે આમિરે વધુમાંકહ્યું- મને પણ લાગે છે કે અમારે ત્રણેયએ એક ફિલ્મમાં સાથે કામ કરવું જોઈએ. મેં, સલમાન અને શાહરુખ વાત કરી છે કે આપણે આપણી કરિયરમાં ત્રણેયએ સાથે મળીને ફિલ્મ કરવાનો પ્રયાસ કરવો જોઈએ. જો કે ચાલો જોઈએ કે આગળ શું થાય છે. હું આશા રાખું છું કે જ્યારે અમને સારી સ્ક્રિપ્ટ મળશે ત્યારે અમે ચોક્કસપણે સાથે કામ કરીશું.

મને લાગે છે કે અમે ત્રણેય એકબીજા સાથે કામ કરવા માટે ખૂબ ઉત્સુક છીએ. હવે બહુ સમય થઈ ગયો છે, પરંતુ અમને ચોક્કસપણે આ માટે યોગ્ય સમયની જરૂર છે.

આમિર, શાહરુખ અને સલમાન 30 વર્ષથી ફિલ્મોમાં કામ કરી રહ્યા છે. લીડ રોલ નથી પરંતુ આ બધાએ એકબીજાની ફિલ્મોમાં કેમિયો કર્યો છે. તે જ સમયે, આમિર અને સલમાને ફિલ્મ ‘અંદાજ અપના અપના’માં સાથે કામ કર્યું છે. પરંતુ શાહરુખ અને આમિરે ક્યારેય કોઈ ફિલ્મમાં સાથે લીડ રોલમાં જોવા નથી મળ્યા. શાહરુખે આમિરની ફિલ્મ ‘લાલ સિંહ ચઢ્ઢા’માં કેમિયો કર્યો હતો.

રાજકુમાર સંતોષી ફિલ્મ ‘અંદાજ અપના અપના 2’ની સ્ક્રિપ્ટ પર કામ કરી રહ્યા છે.
આ લાઈવ સેશન દરમિયાન આમિરે જણાવ્યું કે રાજકુમાર સંતોષી ફિલ્મ અંદાજ ‘અપના અપના 2’ની સ્ક્રિપ્ટ પર કામ કરી રહ્યા છે. વધુમાં જણાવ્યું કે, મને હમણાં જ ખબર પડી છે કે રાજકુમાર સંતોષી ‘અંદાજ અપના અપના’ની સ્ક્રિપ્ટ પર કામ કરી રહ્યા છે. આ હાલના જ સમાચાર છે. મને ખુશી છે કે તે તેના વિશે વિચારી રહ્યો છે. મને લાગે છે કે આ આપણા બધા માટે અને દર્શકો માટે જોવા માટે એક શાનદાર ફિલ્મ હશે.

ફિલ્મ ‘અંદાજ અપના અપના’ 1994માં રિલીઝ થઈ હતી. આ ફિલ્મમાં આમિર, સલમાન, રવિના ટંડન અને કરિશ્મા કપૂર લીડ રોલમાં જોવા મળ્યા હતા. આ ફિલ્મ હજુ પણ ભારતીય સિનેમાની બેસ્ટ કોમેડી ફિલ્મો પૈકી એક છે.