5 કલાક પેહલા
- કૉપી લિંક
ભાગ્યશ્રીએ ફિલ્મ ‘મૈંને પ્યાર કિયા’થી બોલિવૂડમાં એન્ટ્રી કરી હતી. આ ફિલ્મમાં તેમની સામે સલમાન ખાન જોવા મળ્યો હતો. આ ફિલ્મના શૂટિંગ પછી તરત જ ભાગ્યશ્રીએ હિમાલય દસાની સાથે લગ્ન કરી લીધા.
લગ્ન બાદ આ ફિલ્મના પોસ્ટર શૂટિંગ દરમિયાન તે ગર્ભવતી હતી. પરંતુ, તેમણે આ વાત બધાથી છુપાવી રાખી હતી. આ વાત સલમાનને પણ ખબર નહોતી. આ કારણથી સલમાન તેમને કહેતો હતો – તું લગ્ન પછી જાડી થઈ ગઈ છે. ભાગ્યશ્રીએ હાલમાં જ એક ઇન્ટરવ્યૂમાં આ વાતનો ખુલાસો કર્યો છે.
શૂટિંગ સમયે ભાગ્યશ્રીને 5 મહિનાનો ગર્ભ હતો
રશ્મિ ઈચ્છીલ સાથેની વાતચીતમાં ભાગ્યશ્રીએ સલમાન સાથે ‘મૈંને પ્યાર કિયા’ના પોસ્ટર શૂટ કરવાની વાત કરી હતી. તેમણે કહ્યું- ‘જ્યારે પ્રખ્યાત ફોટોગ્રાફર ગૌતમ રાજદક્ષ્યએ ‘મૈંને પ્યાર કિયા’ના પોસ્ટર માટે ફોટોશૂટ કર્યું ત્યારે હું 5 મહિનાની ગર્ભવતી હતી. આ વાત કોઈને ખબર નહોતી.’
Related posts
19 વર્ષની ઉંમરે લગ્ન કર્યા
માત્ર 19 વર્ષની ઉંમરે ભાગ્યશ્રીએ પોતાના બાળપણના મિત્ર હિમાલય દસાની સાથે લગ્ન કર્યા. ભાગ્યશ્રી જ્યારે સ્કૂલમાં ભણતી હતી ત્યારે હિમાલયને પહેલીવાર મળી હતી. તેમના માતા-પિતાએ આ સંબંધનો વિરોધ કર્યો હતો, પરંતુ તે સંમત ન હતી. ભાગ્યશ્રીએ સલમાન ખાન અને કેટલાક નજીકના મિત્રોની હાજરીમાં મંદિરમાં હિમાલય સાથે લગ્ન કર્યા હતા.
ઘણા લોકોનું માનવું હતું કે, તેમની કારકિર્દીના પ્રારંભિક તબક્કે લગ્ન કરવા તેમના માટે યોગ્ય નથી. આમ છતાં તે પોતાના નિર્ણય પર અડગ રહી હતી.
દીકરીના જન્મ પછી સાઉથની ફિલ્મોમાં કામ કર્યું
ભાગ્યશ્રીએ ઇન્ટરવ્યૂ દરમિયાન એ પણ જણાવ્યું કે, લગ્ન પછી તેણે દીકરી અવંતિકાને જન્મ આપ્યો. દીકરીના જન્મ પછી તેમણે કેટલીક તેલુગુ અને કન્નડ ફિલ્મોમાં કામ કર્યું. સાઉથમાં કામ કરવાનું મુખ્ય કારણ એ હતું કે કામ માટે એક નિશ્ચિત સમય હતો. આ દરમિયાન તેમની પુત્રી પણ સેટ પર તેમની સાથે રહેતી હતી, પરંતુ તેમણે ભાગ્યશ્રીને જરા પણ હેરાન કરી ન હતી.
પહેલી જ ફિલ્મમાં સલમાન કરતાં વધુ ફી લીધી હતી
1989માં રિલીઝ થયેલી રાજશ્રી પ્રોડક્શનની ફિલ્મ ‘મૈંને પ્યાર કિયા’ માટે તેમને 1 લાખ રૂપિયાની ફી મળી હતી જ્યારે સલમાન ખાનને માત્ર 30 હજાર રૂપિયા આપવામાં આવ્યા હતા.
હાલમાં જ તે સલમાનની ફિલ્મમાં કેમિયોમાં જોવા મળી હતી
થોડા સમય પહેલાં ભાગ્યશ્રી તેમના પતિ સાથે ડાન્સ રિયાલિટી શો ‘નચ બલિયે’માં જોવા મળી હતી. તે સલમાન ખાન સાથે ફિલ્મ ‘કિસી કા ભાઈ કિસી કી જાન’માં કેમિયોમાં પણ જોવા મળી હતી.
