બિગ બી બન્યા વિદ્યાના ફેન!: KBC પર શેર કર્યો ખાસ કિસ્સો, બંને ‘એકલવ્ય’માં સાથે જોવા મળ્યા હતા

કાર્તિક આર્યન અને વિદ્યા બાલન શો KBC માં ગેસ્ટ તરીકે પહોંચ્યા હતા. શોના હોસ્ટ અમિતાભ બચ્ચને ખુલાસો કર્યો હતો કે તેને ‘પરિણીતા’ ફિલ્મમાં વિદ્યા બાલનનું કામ જોઈને કરન જોહરને તેની ભલામણ કરી હતી. બિગ બીએ પણ કરનને કહ્યું હતું કે, વિદ્યા એક દિવસ મોટી સ્ટાર બનશે. વિદ્યાએ બિગ બી સાથે ફિલ્મ ‘એકલવ્ય’માં કામ કર્યું હતું. આગામી સમયમાં વિદ્યા ફિલ્મ ‘ભૂલ ભૂલૈયા 3’માં જોવા મળશે.

કાર્તિક આર્યન અને વિદ્યા બાલન શો KBC માં ગેસ્ટ તરીકે પહોંચ્યા

બિગ બી વિદ્યાના કામથી પ્રભાવિત થયા હતા અમિતાભ બચ્ચને કહ્યું, ‘મેં તને પહેલીવાર ‘પરિણીતા’ની સ્ક્રીનિંગ દરમિયાન જોઈ હતી. હું કેટલાક મોટા લોકો સાથે બેઠો હતો, તેમાંથી એક કરન જોહર હતો. મેં તેને કહ્યું- આ છોકરીને જલ્દી સાઈન કરી લો. તે એક મોટી સ્ટાર બનશે. બિગ બીએ એ પણ ખુલાસો કર્યો કે, તેઓ વિદ્યાના અભિનયથી એટલા પ્રભાવિત થયા હતા કે તેમણે ફિલ્મના નિર્દેશક વિધુ વિનોદ ચોપરાને પૂછ્યું કે, તેમને વિદ્યા ક્યાં મળી.

આ ખુલાસા બાદ વિદ્યાએ બિગ બીનો આભાર માન્યો હતો. ત્યારબાદ તે ક્ષણને યાદ કરી જ્યારે તેને 2007માં ફિલ્મ ‘એકલવ્ય’માં તેમની સાથે કામ કર્યું હતું. આ માટે તેને અમિતાભ બચ્ચનનો પણ આભાર માનયો હતો.

કાર્તિક-વિદ્યા ટૂંક સમયમાં સાથે જોવા મળશે વિદ્યા અને કાર્તિક ટૂંક સમયમાં ફિલ્મ ‘ભૂલ ભૂલૈયા 3’ માં જોવા મળશે. આ ફિલ્મ દિવાળીના અવસર પર 1 નવેમ્બરે રિલીઝ થશે. ફિલ્મમાં તૃપ્તિ ડિમરી, માધુરી દીક્ષિત જેવા કલાકારો પણ જોવા મળશે.

‘ભૂલ ભુલૈયા’એ 2007માં 83 કરોડ રૂપિયાની કમાણી કરી હતી આ પહેલા આ ફ્રેન્ચાઈઝીની બે ફિલ્મો રિલીઝ થઈ ચૂકી છે. અક્ષય કુમાર, શાઇની આહુજા, રાજપાલ યાદવ, પરેશ રાવલ અને વિદ્યા બાલન જેવા કલાકારો 2007માં રિલીઝ થયેલી ‘ભૂલ ભુલૈયા’માં જોવા મળ્યા હતા. પ્રિયદર્શન દ્વારા નિર્દેશિત આ ફિલ્મે 83 કરોડનો બિઝનેસ કર્યો હતો. તે વર્ષની 8મી સૌથી વધુ કમાણી કરનાર ફિલ્મ હતી.

‘ભૂલ ભૂલૈયા 2’ એ 266 કરોડ રૂપિયાનો બિઝનેસ કર્યો હતો આ પછી, તેનો બીજો ભાગ ‘ભૂલ ભૂલૈયા 2’ વર્ષ 2022 માં રિલીઝ થયો, જેણે વિશ્વભરમાં 266 કરોડ રૂપિયાનો બિઝનેસ કર્યો. આ ફિલ્મમાં અક્ષયની જગ્યાએ કાર્તિક આર્યન હતો. તેનું નિર્દેશન અનીસ બઝમીએ કર્યું હતું. કાર્તિક ઉપરાંત કિયારા અડવાણી જેવી એક્ટ્રેસ લીડ રોલમાં જોવા મળી હતી.