10 મિનિટ પેહલા
- કૉપી લિંક
ટેલિવિઝન રિયાલિટી શો ‘બિગ બોસ 17’ સ્પર્ધકો અને ઝઘડાઓને કારણે સતત ચર્ચામાં રહે છે, જો કે ટીઆરપીની દ્રષ્ટિએ આ શો વધુ કમાલ કરી શકતો નથી. કદાચ આ જ કારણ છે કે 5 વર્ષમાં પહેલીવાર શોને સમયસર લંબાવ્યા વિના સમાપ્ત કરવામાં આવી રહ્યો છે.
હાલમાં જ બિગ બોસના ન્યૂઝ પેજ દ્વારા શોની ફિનાલે ડેટ જાહેર કરવામાં આવી છે. ‘બિગ બોસ 17’ ની ફિનાલે 15 અઠવાડિયા પછી એટલે કે 28 જાન્યુઆરી, 2024ના દિવસે થશે. છેલ્લા 5 વર્ષથી બિગ બોસની પાછલી સીઝન એટલી પસંદ કરવામાં આવી રહી હતી કે તેને 2-3 અઠવાડિયા સુધી લંબાવવામાં આવી રહી હતી. ફેન્સે આશા હતી કે આ વર્ષે પણ શોનો ફિનાલે મોકૂફ રાખવામાં આવશે, પરંતુ એવું થયું નહીં.
ડાન્સ રિયાલિટી શો ‘બિગ બોસ 17’નું સ્થાન લેશે
‘બિગ બોસ 17’ પૂરું થતાંની સાથે જ કલર્સ ચેનલ પર ડાન્સ રિયાલિટી શો ‘ડાન્સ દીવાને’ શરૂ થવા જઈ રહ્યો છે. શોનું ભવ્ય પ્રીમિયર 3 ફેબ્રુઆરી 2024ના રોજ થશે. ‘બિગ બોસ 17 ના અંત અને ડાન્સ દીવાનેના પ્રીમિયર વચ્ચે માત્ર 1 અઠવાડિયાનો ગાળો છે, તેથી હવે જો નિર્માતાઓ ઇચ્છે તો પણ બી શોને લંબાવવામાં આવશે નહીં.
આ ચાર સ્પર્ધકો આ અઠવાડિયે નોમિનેટ થયા હતા
મંગળવારે શોમાં નોમિનેશન પ્રક્રિયા થઈ હતી. બિગ બોસે ઘરના સભ્યોને એક ટાસ્ક આપ્યો હતો. ફોન વાગવાઉ પર જે પણ સભ્ય પ્રથમ ફોન ઉપાડશે, તેને એક સભ્યને નોમિનેટ કરવાની તક મળશે. પ્રક્રિયા પછી બિગ બોસે ઘરની કેપ્ટન ઈશા માલવિયાને વિશેષ શક્તિ આપી. પોતાની શક્તિનો ઉપયોગ કરીને ઈશા માલવીયાએ અભિષેક કુમાર અને વાઈલ્ડ કાર્ડ સ્પર્ધક આયશા ખાનને નોમિનેટ કર્યા છે. હવે અંતિમ નોમિનેશનમાં રિંકુ ધવન, નીલ ભટ્ટ, અભિષેક કુમાર અને આયેશા ખાનનું નામ આવી ગયું છે.
હાલમાં, શોમાં સ્પર્ધકો અંકિતા લોખંડે, વિકી જૈન, નીલ ભટ્ટ, મુનાવર ફારૂકી, આયેશા ખાન, ઈશા માલવિયા, સમર્થ જુરેલ, અભિષેક કુમાર, મન્નરા ચોપરા, અનુરાગ ડોવલ, અઓરા, રિંકુ ધવન છે. ગયા અઠવાડિયે, ઘરની કેપ્ટન ઈશા માલવીયાએ ઐશ્વર્યા શર્માને ઘરમાંથી બહાર કાઢવા માટે વિશેષ શક્તિનો ઉપયોગ કર્યો હતો.
