મુંબઈ43 મિનિટ પેહલા
- કૉપી લિંક
લોકપ્રિય ટેલિવિઝન રિયાલિટી શો બિગ બોસની 18મી સિઝન 5 ઓક્ટોબરથી શરૂ થવા જઈ રહી છે. આ શોનો પ્રોમો રિલીઝ થઈ ગયો છે, જે પછી શોનો સતત કન્ટેસ્ટન્ટના નામ સામે આવી રહ્યા છે.
‘યે રિશ્તે હૈ પ્યાર કે’ અને ‘યે તેરી ગલિયાં’ જેવા ટેલિવિઝન શોનો ભાગ રહી ચૂકેલા અવિનાશ મિશ્રા આ સિઝનમાં કન્ટેસ્ટન્ટ તરીકે જોવા મળશે. આ શો માટે એક્ટરનો સંપર્ક કરવામાં આવ્યો છે. ‘યે રિશ્તા ક્યા કહેલાતા હૈ’ શો ફેમ એક્ટર શહેઝાદ ધામીનું શોમાં આવવું પણ કન્ફર્મ માનવામાં આવી રહ્યા છે.
અવિનાશ મિશ્રા.
ટીવી ઈન્ડસ્ટ્રીના ‘કયામત સે કયામત તક’ શોનો ભાગ રહી ચૂકેલા કરણ રાજપાલ પણ બિગ બોસમાં જોવા મળશે. આ ઉપરાંત, એક્ટર ક્યા હુઆ તેરા વાદા, પરિચય, રક્ષા, નાદાન પરિન્દે, મેરે આંગને મેં અને નામકરણ જેવા ઘણા શોનો ભાગ રહી ચૂક્યો છે.
કરણ રાજપાલને કયામત સે કયામત શોથી લોકપ્રિયતા મળી હતી
બોલિવૂડ લાઈફના રિપોર્ટ અનુસાર, સ્ટાર ટીવી એક્ટ્રેસ નિયા શર્માએ પણ બિગ બોસ 18નો કોન્ટ્રાક્ટ સાઈન કર્યો છે. આ પહેલા નિયા શર્માએ બિગ બોસની એક સીઝનમાં ગેસ્ટ કન્ટેસ્ટન્ટ તરીકે જોવા મળી હતી. ‘ખતરોં કે ખિલાડી 13’ નો ભાગ રહેલી અભિનેત્રી નાયરા બેનર્જી પણ આ શોમાં જોવા મળી શકે છે. ટીવી અભિનેત્રી ચાહત ખન્ના પણ આ શોનો ભાગ બની શકે છે.
નિયા શર્માએ ટીવી શો ‘એક હજારો મેં મેરી બેહના હૈ’થી ડેબ્યૂ કર્યું હતું.
ધીરજ ધૂપર પણ બિગ બોસમાં કરશે એન્ટ્રી
ધીરજ ધૂપર પણ બિગ બોસ 18નો ભાગ બનવા જઈ રહ્યો છે. અહેવાલો અનુસાર, અભિનેતાએ આ શો સાઈન કરી લીધો છે. ધીરજ ‘શેરદિલ શેરગીલ’ અને ‘સસુરાલ સિમર કા’ જેવા ફેમસ શોનો ભાગ રહી ચુક્યો છે.
ધીરજ ધૂપરને પ્રખ્યાત ટીવી શો કુંડલી ભાગ્યથી નામના મેળવી
કન્ટેસ્ટન્ટમાં આ નામ પણ સામેલ
બિગ બોસ વિજેતા દીપિકા કક્કરના પતિ અને અભિનેતા શોએબ ઈબ્રાહિમ પણ આ શોનો ભાગ હશે. જો કે થોડા સમય પહેલા એક વીડિયો દ્વારા તેણે શોમાં આવવાના સમાચારને અફવા ગણાવી હતી. સિનિયર અભિનેત્રી પદ્મિની કોલ્હાપુરી પણ શોના નિર્માતાઓ સાથે વાતચીત કરી રહી છે. ‘ખતરોં કે ખિલાડી 14’ના ફાઇનલિસ્ટ કરણ વીર મહેરાને પણ આ શોની ઓફર કરવામાં આવી છે.
બિગ બોસ 18નો પ્રોમો રિલીઝ
તાજેતરમાં જ કલર્સ ચેનલ દ્વારા બિગ બોસ 18નો પહેલો પ્રોમો રિલીઝ કરવામાં આવ્યો છે. જેમાં સલમાન ખાન કહી રહ્યા છે કે, બિગ બોસ જોશે ઘરના સભ્યોનું ભવિષ્ય, હવે થશે સમયનો તાંડવ..
પોસ્ટની સાથે લખ્યું છે, ‘એન્ટરટેઈનમેન્ટની ઈચ્છા થશે પૂરી, જ્યારે સમયનો તાંડવ બિગ બોસમાં લાવશે નવો ટવિસ્ટ. શું તમે 18મી સીઝન માટે તૈયાર છો?
આવી રહી છે બિગ બોઝની 18મી સીઝન….
