34 મિનિટ પેહલા
- કૉપી લિંક
પૂનમ પાંડે બુધવારે ઉત્તર પ્રદેશના પ્રયાગરાજમાં મહાકુંભમાં પવિત્ર ડૂબકી લગાવવા પહોંચી હતી. સંગમ કિનારે પહોંચવા માટે તેણે સ્કૂટરની મદદ લીધી. જોકે, તે લાંબા સમય સુધી ટ્રાફિકમાં ફસાઈ રહી. કોઈક રીતે તે સંગમ કિનારે પહોંચી અને પછી તેણે મૌની અમાસ દિવસે ગંગા નદીમાં અમૃત સ્નાન કર્યું.
ફોટો શેર કરીને કેપ્શનમાં લખી વાત પૂનમે સોશિયલ મીડિયા પર પોતાના ફોટા અને કેટલાક વીડિયો પોસ્ટ કર્યા છે. ઇન્સ્ટાગ્રામ સ્ટોરીઝ પર શેર કરાયેલા ફોટામાં પૂનમ કાળા કુર્તા પહેરેલી જોવા મળી રહી છે. તેના કુર્તા પર ‘મહાકાલ’ લખેલું દેખાય છે અને તે હાથ જોડીને પ્રાર્થના કરતી જોવા મળે છે. આ તસવીરો પોસ્ટ કર્યા પછી, પૂનમે લખ્યું, ‘મારા બધા પાપ ધોવાઈ ગયા છે.’
નાસભાગની ઘટના પર શું બોલી પૂનમ? બુધવારે વહેલી સવારે મહાકુંભમાં થયેલી ભાગદોડ પર પ્રતિક્રિયા આપતા પૂનમે કહ્યું કે તે ‘ખૂબ જ દુર્ભાગ્યપૂર્ણ’ હતું. પૂનમે કહ્યું, “જો શક્તિ ઓછી થાય તો પણ શ્રદ્ધા ઓછી ન થવી જોઈએ.” ઓમ નમઃ શિવાય.”
અભિનેતા મિલિંદ સોમને તસવીરો શેર કરી બોલિવૂડ અભિનેતા મિલિંદ સોમણે પણ મહાકુંભમાં સ્નાન કર્યું. આ સમયગાળા દરમિયાનની તસવીરો શેર કરતી વખતે, તેમણે પોસ્ટના કેપ્શનમાં એક ખાસ નોંધ પણ લખી છે. પોતાનો અનુભવ શેર કરતા તેમણે કહ્યું કે, મૌની અમાસના ખાસ દિવસે મહાકુંભમાં આવતાં મને ધન્યતા અનુભવાય છે. તે એક એવું આધ્યાત્મિક સ્થળ છે. આપણી દરેક ક્ષણ અહીં કેટલી ખાસ છે. મારું હૃદય ભરાઈ ગયું છે, પણ ગઈકાલે રાતની ઘટનાઓથી હું દુઃખી છું, અને મારી પ્રાર્થનાઓ એવા પરિવારો સાથે છે જેમણે પોતાના પ્રિયજનો ગુમાવ્યા છે. હર હર ગંગે! સર્વત્ર શિવ!!
ગુજરાતી એકટ્રેસ મમતા સોનીએ પણ અમૃતસ્નાન કર્યું
આ સેલેબ્સ લગાવી ચૂક્યા છે આસ્થાની ડૂબકી અનુપમ ખેર, રેમો ડિસોઝા, મમતા કુલકર્ણી, ગુરુ રંધાવા, શંકર મહાદેવ, કૈલાશ ખેર, મિલિંદ સોમણ સહિત અનેક સેલિબ્રિટીઓએ મહાકુંભમાં પવિત્ર ડૂબકી લગાવી છે.
