1 કલાક પેહલા
- કૉપી લિંક
અભિનેતા સાજિદ ખાનના નિધનના સમાચાર 22 ડિસેમ્બરે આવ્યા હતા. સમાચાર મળતાં જ લોકોને એવી ગેરસમજ થઈ કે, ફિલ્મ નિર્દેશક સાજિદ ખાનનું નિધન થઈ ગયું છે. જેના કારણે તેના ઘરે તેના પરિચિતો અને સંબંધીઓના ફોન આવવા લાગ્યા હતા. લોકોએ તેને સોશિયલ મીડિયા પર પણ RIP મેસેજ મોકલવાનું શરૂ કર્યું. હવે સાજિદે સોશિયલ મીડિયા પર પોતાના જીવિત હોવાનો પુરાવો રજૂ કર્યો છે. વીડિયો શેર કરતા તેણે કહ્યું- ‘હું જીવિત છું.’
સાજિદ ખાન પર તેની પૂર્વ સહાયક નિર્દેશક અને અભિનેત્રી સલોની ચોપરાએ જાતીય સતામણીનો આરોપ લગાવ્યો છે.
સાજિદ ખાને વીડિયો શેર કરીને કહ્યું: ‘હું જીવિત છું’
ફિલ્મ નિર્દેશક સાજિદ ખાને ગુરુવારે સવારે પોતાના ઈન્સ્ટાગ્રામ એકાઉન્ટ પર એક વીડિયો શેર કર્યો છે. વીડિયોમાં તે કહે છે- ‘અભિનેતા સાજિદ ખાનનું નિધન થઈ ગયું છે. તેઓ 70 વર્ષના હતા. ‘મધર ઈન્ડિયા’ ફિલ્મ જે 1957માં આવી હતી. તેમાં જે નાનો બાળક સુનીલ દત્તે દર્શાવ્યો હતો તે બીજું કોઈ નહીં પણ સાજિદ ખાન હતો. તેમનો જન્મ 1951માં થયો હતો. હું તેના 20 વર્ષ પછી જન્મ્યો હતો. હું દુઃખી છું કે તેમનું અવસાન થયું. તેમની આત્માને શાંતિ મળે. પરંતુ મીડિયાના કેટલાક બેજવાબદાર લોકોએ મારો ફોટો પોસ્ટ કર્યો.’
70 વર્ષના અભિનેતા સાજિદ ખાન કેન્સર સામે ઝઝૂમી રહ્યા હતા.
સાજિદે કહ્યું કે ‘મને રાતથી સવાર સુધી RIP મેસેજ આવી રહ્યા છે. લોકો મને પૂછે છે કે શું તમે જીવિત છો?. આ વીડિયોમાં ડિરેક્ટરે કહ્યું છે કે ટહું જીવિત છું, મારે હજુ પણ તમારું ઘણું મનોરંજન કરવાનું છે.’
દિવંગત અભિનેતા સાજિદ ખાને સુનીલ દત્તનું બાળપણનું પાત્ર ભજવ્યું હતું.
વીડિયો શેર કરતી વખતે તેણે લખ્યું- RIP સાજિદ ખાન (1951-2023)… હું નહીં, કારણ કે કેટલાક મીડિયા લોકોએ મારો ફોટો મૂક્યો હતો.
ડાયરેક્ટર સાજિદ ખાન બિગ બોસ-16નો ભાગ હતા.
તમને જણાવી દઈએ કે, ફરાહ ખાનના ભાઈ સાજિદ ખાને ‘હે બેબી’, ‘હાઉસફુલ’, ‘હાઉસફુલ 2’, ‘હિમ્મતવાલા’, ‘હમશકલ્સ’ જેવી ફિલ્મોનું નિર્દેશન કર્યું છે. તેણે ‘જૂઠ બોલે કૌવા કાટે,’ ‘હેપ્પી ન્યૂ યર’ અને ‘મુઝસે શાદી કરોગી’ જેવી ફિલ્મોમાં પણ કામ કર્યું છે.
સાજિદ ખાનનું નિધન 22 ડિસેમ્બરે થયું હતું.
અભિનેતા સાજીદ ખાન કેન્સરથી પીડિત હતા
‘મધર ઈન્ડિયા’ ફિલ્મ એક્ટર સાજિદ ખાન છેલ્લાં કેટલાંક વર્ષોથી કેન્સર સામે લડી રહ્યા હતા, તે દરમિયાન 22 ડિસેમ્બરે તેમનું અવસાન થયું. તેણે ‘માયા’, ‘ધ અનમેડ ફિલ્મ્સ’, ‘ધ સિંગિંગ ફિલિપિના’, ‘માય ફની ગર્લ’, ‘સવેરા’, ‘મહાત્મા એન્ડ ધ મેડ બોય’, ‘દો નંબર કે અમીર’, ‘ઝિંદગી ઔર તુફાન’, ‘મંદિર મસ્જિદ’ અને ‘દહનેશ’ જેવી ફિલ્મોમાં પણ કામ કર્યું હતું.
