13 મિનિટ પેહલા
- કૉપી લિંક
હૃતિક રોશન અને દીપિકા પાદુકોણ સ્ટારર ફિલ્મ ‘ફાઇટર’ મોસ્ટ અવેઇટેડ ફિલ્મો પૈકી એક છે. ટીઝર બાદ હવે ફિલ્મનું પહેલું ગીત ‘શેર ખુલ ગયે’ રિલીઝ કરવામાં આવ્યું છે. ગીતમાં હૃતિક રોશન અને દીપિકા પાદુકોણની જોરદાર કેમેસ્ટ્રી જોવા મળી રહી છે.
આ ફિલ્મ ભારતની પ્રથમ એરિયલ એક્શન ફિલ્મ હશે. સિદ્ધાર્થ આનંદે ફિલ્મના આ ગીતથી પોતાની મ્યુઝિક કરિયરની શરૂઆત કરી છે. વિશાલ અને શેખર, બેની દયાલ અને શિલ્પા રાવે આ ગીતમાં પોતાનો અવાજ આપ્યો છે, જેના ગીતો કુમારે લખ્યા છે.
દીપિકા-હૃતિક ‘શેર ખુલ ગયે’ પર ડાન્સ કરતા જોવા મળ્યા
‘ફાઇટર’નું પહેલું ગીત પાર્ટી ટ્રેકથી શરૂ થાય છે. ‘શેર ખુલ ગયે’ ગીતના વીડિયોમાં હૃતિક અને દીપિકા ડાન્સ કરતા જોવા મળે છે. હૃતિક રોશન બ્લેક પેન્ટ અને બ્લેઝર પહેરીને પાર્ટી બીટ્સ પર ડાન્સ કરતો જોવા મળે છે. દીપિકા પાદુકોણ પણ મિડી ડ્રેસમાં એકદમ ગ્લેમરસ લાગી રહી છે. આ ગીતની બીટને ખૂબ પસંદ કરવામાં આવી રહી છે. આ ગીતમાં અનિલ કપૂર અને ફિલ્મના અન્ય કલાકારો પણ જોવા મળ્યા છે.
હૃતિક-દીપિકા પહેલીવાર સાથે કામ કરી રહ્યા છે
ટીઝરમાં હૃતિક અને દીપિકા સિવાય અનિલ કપૂર પણ જોવા મળે છે. તે ગ્રુપ કેપ્ટન રાકેશ રોકી સિંહના રોલમાં જોવા મળશે. જ્યારે હૃતિક સ્ક્વોડ્રન લીડર શમશેર પટ્ટીનો રોલ કરી રહ્યો છે અને દીપિકા સ્ક્વોડ્રન લીડર મીનલ રાઠોડનો રોલ કરી રહી છે. આ ફિલ્મ દ્વારા હૃતિક અને દીપિકા પહેલીવાર એક ફિલ્મમાં સાથે જોવા મળશે.
દેશની પ્રથમ એરિયલ એક્શન ફ્રેન્ચાઇઝી બનાવવામાં આવશે
આ સિવાય ફિલ્મમાં કરણ સિંહ ગ્રોવર, સંજીદા શેખ અને અક્ષય ઓબેરોય પણ જોવા મળશે. નિર્માતાઓ આ ફિલ્મને ભારતની પ્રથમ એરિયલ એક્શન ફ્રેન્ચાઇઝી તરીકે વિકસાવવાની યોજના બનાવી રહ્યા છે.
બ્રિટિશ સ્ટુડિયોએ 6 મહિના સુધી VFX પર કામ કર્યું
- ફિલ્મનું શૂટિંગ આસામ, હૈદરાબાદ, જમ્મુ-કાશ્મીર અને મુંબઈમાં થયું છે.
- બ્રિટિશ વિઝ્યુઅલ ઇફેક્ટ્સ કમ્પ્યુટર એનિમેશન સ્ટુડિયો DNEG (ડબલ નેગેટિવ) એ શૂટિંગ પૂર્ણ થયા પછી 6 મહિના સુધી ફિલ્મના VFX પર કામ કર્યું.
- આ ફિલ્મ પહેલાં 30 સપ્ટેમ્બર 2022ના રોજ રિલીઝ થવાની હતી પરંતુ કોરોનાના કારણે વિલંબિત થઈ હતી.
- આ ફિલ્મમાં ઘણા રિયલ લાઈફ ઈન્ડિયન એરફોર્સ કેડેટ્સે પણ કામ કર્યું છે.
આ ફિલ્મ ગણતંત્ર દિવસના અવસર પર રિલીઝ થશે
‘સ્પિરિટ ઓફ ફાઈટર’ નામની ફિલ્મનું ટીઝર 15 ઓગસ્ટે રિલીઝ કરવામાં આવ્યું હતું. જેમાં હૃતિક, દીપિકા અને અનિલ કપૂરના એરફોર્સ ઓફિસર લુક્સ સામે આવ્યા હતા. સિદ્ધાર્થ આનંદના નિર્દેશનમાં બનેલી આ ફિલ્મ 25 જાન્યુઆરીએ રિલીઝ થશે. સિદ્ધાર્થ આનંદે 2021માં આ ફિલ્મની જાહેરાત કરી હતી.
હૃતિક રોશન અને દીપિકા પાદુકોણ પહેલીવાર ‘ફાઇટર’માં સાથે જોવા મળશે. આ સિવાય આ ફિલ્મમાં કરણ સિંહ ગ્રોવર અને અક્ષય ઓબેરોય પણ જોવા મળશે.
