ભાસ્કરના અખબારનું વિતરણ કરતો હતો જ્ઞાનેન્દ્ર ત્રિપાઠી: એક્ટરે કહ્યું, ‘અક્ષય કુમારની ફિલ્મથી મળી ઓળખ; પહેલી કમાણી માતાને આપી’

‘ક્રાઈમ પેટ્રોલ’, વેબ સિરીઝ ‘હાફ સીએ’ અને ‘ચુના’ દ્વારા પોતાની એક અલગ ઓળખ બનાવનાર એક્ટર જ્ઞાનેન્દ્ર ત્રિપાઠીને પહેલીવાર ફિલ્મ ‘બારહ બાય બારહ’માં લીડ રોલ નિભાવવાની તક મળી છે. ગયા અઠવાડિયે રિલીઝ થયેલી આ ફિલ્મમાં એક્ટરે એક યુવકની ભૂમિકા ભજવી હતી જેમણે બનારસના મણિકર્ણિકા ઘાટ પર મૃતકોના ફોટોગ્રાફ્સ ક્લિક કર્યા હતા. હાલમાં જ દિવ્ય ભાસ્કર સાથેની ખાસ વાતચીત દરમિયાન જ્ઞાનેન્દ્ર ત્રિપાઠીએ જણાવ્યું હતું કે, તેમણે દૈનિક ભાસ્કરના અખબારોનું વિતરણ કરીને તેમના શિક્ષણનો ખર્ચ ઉઠાવ્યો હતો.આ સાથે જ તેની પ્રથમ કમાણી તેમની માતાને આપી હતી .

એક્ટર જ્ઞાનેન્દ્ર ત્રિપાઠીની ફિલ્મ ‘બારહ’ બાઈ બારહ’ 40થી વધુ ફિલ્મ ફેસ્ટિવલમાં વખણાયા બાદ સિનેમાઘરોમાં રિલીઝ થઈ છે. આ ફિલ્મમાં જ્ઞાનેન્દ્ર ત્રિપાઠીના કામના ખૂબ જ વખાણ થઈ રહ્યા છે. વાતચીત દરમિયાન,એક્ટરે તેમની એક્ટિંગના વલણ વિશે વાત કરી હતી.

‘બધાને લાગતું હતું કે હું એન્જિનિયર બનીશ’
‘મારો જન્મ રીવા પાસેના ગામમાં થયો હતો. પિતા રોજીરોટી કમાવવા ભોપાલ આવ્યા. એ વખતે મારી ઉંમર અઢીથી ત્રણ વર્ષની હતી. મારો ઉછેર અને શિક્ષણ ભોપાલમાં જ થયું છે. 10માં સુધી માર્ક ખૂબ સારા આવતા હતા. ગણિતમાં 100માંથી 90 ગુણ આવતા હતા. બધાએ વિચાર્યું કે હવે માત્ર હું એન્જિનિયર જ બનીશ. એ વખતે સમજાતું નહોતું કે શું કરવું?’

‘જ્યારે રેગિંગ થયું ત્યારે મને લાગ્યું કે હું એક્ટિંગમાં મારી લાઈફ બનાવવા માગું છું’
10મા પછી મને લાગ્યું કે, હું જે ભણું છું તે મને ગમતું નથી. કૉલેજમાં મને લાગવા માંડ્યું કે ભૌતિકશાસ્ત્ર અને રસાયણશાસ્ત્રનો અભ્યાસ મારા માટે ખૂબ જ મુશ્કેલ છે. કોલેજમાં મારા સિનિયરો રેગિંગ કરતા હતા. કોઈ કહેતું હતું કે તેમણે પોતાનો પરિચય વાનર તરીકે આપવો જોઈએ તો કોઈ બીજું કહેતું. ખબર નહીં કેમ બધાએ આ બધી વસ્તુઓમાં મજા આવવા લાગી. લોકો જેને તમાશો કહેતા હતા તે હું ઓળખવા લાગ્યો. હું પોતે જ સમજવા લાગ્યો કે કંઈક એવું છે જેમાં હું ખુશ રહી શકું.’

પરિવાર આ સંસ્થાની ફી ભરી શકતો નહોતો
‘મારા માતા-પિતા બહુ ભણેલા નથી. તેઓ ઈચ્છતા હતા કે તેમનો પુત્ર ડોક્ટર કે ઈજનેર બને. કારણ કે આ બધું આસપાસના વાતાવરણમાં જોવા મળે છે. પરંતુ મારા માતા-પિતાને લાગ્યું કે હું જે પણ કરીશ તે બરાબર કરીશ. મારા ભણતરનો ખર્ચ હું જાતે જ ઉઠાવતો હતો. કારણ કે તે સમયે તેઓ એટલા સક્ષમ ન હતા. જેથી કરીને હું મારા ભણતરનો ખર્ચ ઉઠાવી શકું. દરમિયાન, મેં FTI, પુણેમાં જઈને એક્ટિંગમાં ડિપ્લોમા લેવાનું મન બનાવ્યું. પરંતુ સંસ્થાની ફી ઘણી વધારે હતી. તે પરિવારના સભ્યોને તે પોસાય તેમ ન હતું. પહેલાં મેં પુણેમાં નોકરી શોધી અને પછી FTI માં જોડાયો હતો.’

શિક્ષકોએ અગાઉથી જ કહી દીધું હતું
FTIમાં સમગ્ર ભારતમાંથી માત્ર 20 લોકોની પસંદગી કરવામાં આવે છે. શિક્ષકો તમને અગાઉથી ચેતવણી આપતા રહે છે કે, ‘મુંબઈમાં કોઈ તમારી રાહ જોતું નથી.આ માઇન્ડ સેટ સાથે બિલકુલ ન જાઓ, નહીં તો તમે નિરાશ થઈ શકો છો. FTIના નામે લોકોને મળવામાં પણ મને ખૂબ જ અજીબ લાગતું હતું. ઓડિશન પછી જ્યારે લોકો પૂછતા હતા તો મને તે જણાવવામાં સારું લાગતું હતું.’

ક્રાઈમ પેટ્રોલથી કરિયરની શરૂઆત કરી
મોટાભાગના ઓડિશનમાં ‘નોટ ફિટ’નો જવાબ મળતો હતો. જે લોકો મારા કરતાં વધુ હેન્ડસમ અને સારા પોશાક પહેરેલા હતા તેઓ મારી આગળ ઓડિશન લાઈનમાં ઊભા રહેતા હતા. મને લાગતું હતું કે તેમને તો ફિલ્મોમાં આવવું જોઈએ. મને લાગ્યું કે મારે મારી જાતને બદલવી જોઈએ. પરંતુ તે બનાવટી લાગતું હોત. મને પહેલી તક ક્રાઈમ પેટ્રોલથી મળી અને શરૂઆત એક નાનકડા સીનથી થઈ. પરંતુ એક સમય એવો આવ્યો જ્યારે મારી ઓળખ ક્રાઈમ પેટ્રોલથી થઈ.

અક્ષય કુમારની ફિલ્મથી ઓળખ મળી
ફિલ્મ ‘ગબ્બર ઈઝ બેક’માં અક્ષય કુમાર સાથે એક સીન કર્યો હતો. હૉસ્પિટલની અંદર એક સીન હતો, જેમાં મારી પત્નીનું મૃત્યુ થઈ ગયું છે અને મને પૈસા ચૂકવવા માટે દબાણ કરવામાં આવી રહ્યું છે. તે સીન ખૂબ વાઇરલ થયો હતો. આ સીનથી મને ઘણી ઓળખ મળી.’

પ્રથમ કમાણી માતાને આપી
‘એક્ટિંગમાં પહેલીવાર ક્રાઈમ પેટ્રોલમાં કામ કરવા બદલ મને અઢી હજાર રૂપિયા મળ્યા. તે પૈસા તો એમ જ ખર્ચાઈ ગયા.પરંતુ જીવનની પ્રથમ કમાણી માતાને આપી હતી. ભોપાલમાં જ્યારે ભણતો હતો ત્યારે ભાસ્કર અખબારોનું વિતરણ કરતો હતો. મને દર મહિને 450 રૂપિયા મળતા હતા. પ્રથમ કમાણી માતાને આપી હતી.