સ્ટેમરિંગના કારણે હ્રિતિક રોશનની મજાક ઉડાવવામાં આવતી: ડૉક્ટરોએ કહ્યું હતું- ડાન્સ નહીં કરી શકે; તેમ છતાં ઇન્ડસ્ટ્રીમાં 25 વર્ષથી ‘ગ્રીક ગોડ’

નાનપણથી જ સંઘર્ષ કર્યો, સ્ટેમરિંગને ક્યારેય કમજોરી ન માની પિતા રાકેશ રોશને કહ્યું કે, હૃતિક તેની 25 વર્ષની કરિયરમાં ઘણા અલગ-અલગ પાત્રો ભજવ્યા છે. બોલિવૂડમાં બહુ ઓછા કલાકારો હશે જેમણે આવું કર્યું હશે. ‘કહો ના પ્યાર હૈ’થી બોલિવૂડમાં પ્રવેશ કર્યો હતો, જેમાં તેણે ડબલ રોલ કર્યો હતો. પરંતુ ‘કોઈ મિલ ગયા’ ફિલ્મ પછી તે એક ગ્રેટ એક્ટર તરીકે ઉભરી આવ્યો. હૃતિક માત્ર પાત્રો જ ભજવતો નથી, તે તેમા જીવ પૂરી દે છે.

હૃતિકે બાળપણથી જ ઘણો સંઘર્ષ કર્યો છે. તેની સૌથી મોટી લડાઈ સ્ટેમરિંગ (બોલવામાં થોથવાવું) સાથે હતી. આ માટે તે કોઈપણ શૂટ પહેલાં ડાયલોગ્સ યાદ કરતો હતો. જો છેલ્લી ક્ષણે કોઈએ ડાયલોગ્સ બદલ્યા હોય, તો તેને ફરીથી યાદ કરવામાં સમય લાગતો. પરંતુ હૃતિકે આ સમસ્યાને દૂર કરવા માટે ઘણી મહેનત કરી હતી. તે દરરોજ હિન્દી અને અંગ્રેજી અખબારો ખૂબ ઉત્સાહથી વાંચતો હતો. તેણે લગભગ 20-25 વર્ષ સુધી આ કર્યું અને થોડાં વર્ષ પહેલાં જ હૃતિકે આ સમસ્યાને સંપૂર્ણ રીતે હરાવી દીધી, જે તેના માટે એક મોટી સફળતા છે.

રાકેશ રોશને આગળ કહ્યું- હૃતિક દરરોજ પોતાને બદલતો રહે છે. તે દરેક ફિલ્મમાં કંઈક નવું કરવાનો પ્રયાસ કરે છે. આ જોઈને હું ખૂબ જ ખુશી અને ગર્વ અનુભવું છું. હૃતિક ક્યારેય એક જ જોનરની ફિલ્મો નથી કરતો. જ્યારે હું ફિલ્મો બનાવતો હતો ત્યારે હું હંમેશાં અલગ-અલગ શૈલીની ફિલ્મો બનાવતો હતો અને હૃતિક પણ તે જ કરી રહ્યો છે.

‘હૃતિકે હિન્દી ફિલ્મોમાં કલાકારોની વ્યાખ્યા બદલી’ હૃતિક વિશે ડિરેક્ટર સિદ્ધાર્થ આનંદે કહ્યું કે, જ્યારે હૃતિકે બોલિવૂડમાં ડેબ્યૂ કર્યું ત્યારે તેણે એક્ટરની વ્યાખ્યા બદલી નાખી. તે ડાન્સ, એક્શન અને ડિરેક્શન કરી શકે છે. કલાકારોમાં આ વિશેષતા ભાગ્યે જ જોવા મળે છે.

હૃતિક જ્યારે પણ કોઈ સીન શૂટ કરે છે ત્યારે તે મોનિટર પર ચોક્કસથી ચેક કરે છે. તે માત્ર તેના કામને જ જોતો નથી પણ દરેક વસ્તુને પણ જુએ છે, જેમ કે તેના કો-એક્ટરે શોટ કેવી રીતે આપ્યો, લાઇટિંગ કેવી હતી વગેરે. આ સિવાય તે શૂટિંગ દરમિયાન અન્ય કોઈ મુદ્દા પર વાત કરતો નથી. તેને શૂટિંગ દરમિયાન પોતાના રોલ વિશે જ વાત કરવી ગમે છે. હું તેમને હંમેશાં કહું છું કે તે દિવસ દૂર નથી જ્યારે તમે પણ ફિલ્મોનું ડિરેક્શન કરશો.

હૃતિક અને પશ્મિના વાસ્તવિક જીવનમાં બિલકુલ અલગ છે હૃતિકની કઝીન બહેન પશ્મિના રોશને જણાવ્યું કે એક્ટર એક ફેમિલી મેન છે. તેમના કારણે જ પરિવારના સભ્યો એકબીજાની નજીક રહે છે. પશ્મિનાએ કહ્યું- પોતાના વ્યસ્ત શેડ્યૂલમાંથી જેમ જેમ સમય મળે છે, તે હંમેશાં ડિનર, લંચ અને ફેમિલી વેકેશનની યોજના બનાવે છે, જેથી અમે બધા સાથે સમય વિતાવી શકીએ. તે અમારા પરિવાર માટે સલામત સ્થળ છે.

ફિલ્મોમાં તે જે પાત્રો ભજવે છે તે વાસ્તવિક જીવનનાં પાત્રો કરતા સાવ અલગ છે. જો તમે તેને અંગત રીતે જાણતા હો, તો તમે જોશો કે તે ખૂબ જ મજેદાર છે. હંમેશાં મજાક કરતો રહે છે. તે ખૂબ સારો સ્ટોરીટેલર છે. તેની એક ખરાબ આદત છે કે કેટલીકવાર તે તેનાં ચશ્માં ગમે ત્યાં ભૂલી જાય છે.

તે હંમેશાં તેના પાત્રોમાં ખોવાયેલો રહે છે. જો કે, હું એમ ન કહી શકું કે જ્યારે તે ઘરે આવે છે ત્યારે તે તેના પાત્રમાં રહે છે. પરંતુ, હા, તે તેના રોજિંદા જીવનમાં પણ તેની એક્ટિંગનો સમાવેશ કરે છે. ઉદાહરણ તરીકે, ફિલ્મ ‘સુપર 30’ દરમિયાન, તે ઘણીવાર તેના પાત્રના સ્વરમાં બોલતો હતો. ક્યારેક તો એટલી મજા આવતી કે અમે પણ તેમની સાથે જોડાઈ જતાં.

પોતાના લુકને જાતે સર્જનાત્મક બનાવે છે સુપર 30 હોય, ધૂમ હોય કે ગુઝારીશ, હૃતિક હંમેશાં તેના લુક સાથે પ્રયોગ કરતો રહે છે. તેના મેક-અપ આર્ટિસ્ટ અનુસાર, એક્ટર પોતે તેના દેખાવ પર ક્રિએટીવ ઇનપુટ આપે છે. મેકઅપ આર્ટિસ્ટ વિજય પલાંડેના કહેવા પ્રમાણે, જ્યારે પણ હૃતિક કોઈ નવો રોલ કરે છે ત્યારે તે એ પાત્રને સંપૂર્ણ રીતે જીવે છે. એટલા માટે તે હંમેશાં તેમને ઘણા સર્જનાત્મક ઇનપુટ્સ આપે છે. પછી તેઓ અલગ-અલગ લુક ટેસ્ટ કરે છે અને એક લુકને ફાઇનલ કરે છે. તેઓ દરેક ફિલ્મમાં કંઈક આવું જ કરે છે.

વિજયે કહ્યું, મારા માટે હૃતિક સરનો સૌથી પડકારજનક લુક ‘સુપર-30’, ‘વોર’ જેવી ફિલ્મોમાં હતો. આ લુક્સ પર કામ કરવું એક અલગ જ અનુભવ હતો કારણ કે સર અને મેં તેને ડિઝાઇન કરવામાં ખૂબ જ મહેનત કરી હતી અને અમને ખૂબ મજા પણ આવી હતી.

‘મિત્રોની સામે ક્યારેય સ્ટારડમ બતાવતો નથી’ હૃતિક આજે બોલિવૂડનો સુપરસ્ટાર છે, પરંતુ મિત્રતાની બાબતમાં તે બીજા મિત્રો જેવો છે. તે ક્યારેય તેની મિત્રતા વચ્ચે પોતાનું સ્ટારડમ લાવતો નથી. તેના બાળપણના મિત્ર ગોલ્ડી બહલે આ વાતો કહી. તે કહે છે કે હૃતિક તેના કામમાં વ્યસ્ત હોવા છતાં જ્યારે પણ તેને સમય મળે છે ત્યારે તે મિત્રોને મળવાનું પ્લાનિંગ બનાવે છે.

ગોલ્ડીએ કહ્યું- તાજેતરમાં જ જ્યારે હું મારી પત્ની (સોનાલી બેન્દ્રે)ની સારવાર માટે ન્યૂ યોર્ક ગયો હતો ત્યારે હૃતિક મને જાણ કર્યા વિના ત્યાં આવ્યો હતો અને એક સાચા મિત્રની જેમ મને સપોર્ટ કર્યો હતો. જેમ કહેવાય છે કે સારા સમયમાં બધા સાથે હોય છે, પરંતુ જે ખરાબ સમયમાં તમારો સાથ આપે છે તે સાચો મિત્ર છે, હૃતિક એવો જ છે. ઘણા એવા લોકો છે જેઓ આટલી સંપત્તિ અને પ્રસિદ્ધિ મેળવ્યા પછી પણ પહેલાની જેમ જ રહે છે. હું જાણું છું, તે હંમેશાં મારી સાથે રહેશે.

‘હૃતિકે બોલિવૂડ છોડવાનો નિર્ણય લીધો હતો’ જ્યારે રાકેશ રોશને ‘કહો ના પ્યાર હૈ’ ફિલ્મ બનાવી ત્યારે તે અંડરવર્લ્ડના નિશાના પર બની ગયો હતો. ફિલ્મની રિલીઝ પહેલાં જ ક્રિટીક્સે ફિલ્મને બ્લોકબસ્ટર જાહેર કરી દીધી હતી. રિલીઝના દિવસે રાકેશ રોશનને અંડરવર્લ્ડ ડોનના ગુનેગારોએ છાતીમાં ગોળી મારી હતી. કારણ એ હતું કે અંડરવર્લ્ડના લોકોએ રાકેશ રોશન પાસેથી ખંડણીના પૈસા માગ્યા હતા, પરંતુ તેણે તેનો ઇનકાર કરી દીધો હતો.

પિતા રાકેશને આટલી ગંભીર હાલતમાં જોઈને હૃતિકે સંપૂર્ણપણે ભાંગી પડ્યો હતો. તેણે તો નક્કી કરી લીધું હતું કે તે ફિલ્મી દુનિયાથી દૂર રહેશે કારણ કે તે તેના પિતાની હાલત માટે પોતાને દોષી ઠેરવી રહ્યો હતો.

2014માં હૃતિકે અને સુઝેનના છૂટાછેડા 12 વર્ષનો હતો ત્યારથી જ હૃતિક પાડોશમાં રહેતી સુઝેન ખાનને પસંદ કરતો હતો. સુઝેન એક્ટર સંજય ખાનની પુત્રી છે. બંનેએ 20 ડિસેમ્બર 2000ના રોજ લગ્ન કર્યાં હતાં. લગ્નનાં 6 વર્ષ બાદ હૃદાનનો જન્મ 2006માં થયો હતો અને હૃધાનનો જન્મ 2008માં થયો હતો. પરંતુ 13 ડિસેમ્બર 2013ના રોજ બંનેએ 17 વર્ષના સંબંધોનો અંત લાવ્યો હતો. હૃતિક રોશન અને સુઝેન ખાને 2014માં છૂટાછેડા લીધા હતા.

હૃતિક તેના કરતાં 12 વર્ષ નાની સબાને ડેટ કરી રહ્યો છે આ દિવસોમાં હૃતિક રોશન તેના કરતાં 12 વર્ષ નાની એક્ટ્રેસ સબા આઝાદને ડેટ કરી રહ્યો છે. તેમના સંબંધોને લગભગ બે વર્ષ થઈ ગયા છે. બંને પહેલીવાર ત્યારે જોવા મળ્યાં હતાં જ્યારે તેઓ એક રેસ્ટોરન્ટમાં સાથે ડિનર કરવા ગયાં હતાં. ત્યારથી તેમના ડેટિંગને લઈને અટકળો લગાવવામાં આવી રહી હતી.

બાદમાં, જ્યારે તેઓ એરપોર્ટ પર એકબીજાનો હાથ પકડીને જોવા મળ્યાં ત્યારે બંનેએ તેમના સંબંધોની પુષ્ટિ કરી. સબા હૃતિકના ફેમિલી ફંક્શનમાં પણ ઘણી વખત જોવા મળી છે. બંનેએ દુબઈમાં સાથે નવું વર્ષ પણ સેલિબ્રેટ કર્યું હતું.