મુંબઈ15 મિનિટ પેહલા
- કૉપી લિંક
આલિયા ભટ્ટે તેની દમદાર એક્ટિંગથી દર્શકોના દિલમાં જગ્યા બનાવી છે. અભિનેત્રીએ અત્યાર સુધી ઘણી હિટ ફિલ્મો આપી છે અને હવે તે ફરી એકવાર તેની આગામી ફિલ્મ ‘જીગરા’થી મોટા પડદા પર ધૂમ મચાવશે. આ ફિલ્મના ટીઝર અને ટ્રેલરે પહેલાથી જ તેના વિશે ઘણી ચર્ચા શરૂ કરી દીધી છે. ફિલ્મ માટે ઉત્સુકતા વધારતા, નિર્માતાઓએ આજે ’જીગરા’નું ધાસુ ટ્રેલર રિલીઝ કર્યું છે.
‘જીગરા’નું ધાસુ ટ્રેલર રિલીઝ
વાસન બાલા દ્વારા નિર્દેશિત ‘જીગરા’નું થિયેટ્રિકલ ટ્રેલર આજે રિલીઝ કરવામાં આવ્યું છે. ટ્રેલરમાં આલિયા ખૂબ જ આક્રમક અને પ્રોટેક્ટિવ મોડમાં જોવા મળી રહી છે. ટ્રેલર એવી ઝલક જોવા મળી રહી છે કે તે તેના ભાઈને બચાવવા માટે કોઈપણ હદ સુધી જઈ શકે છે. આલિયા ભટ્ટે ઈન્સ્ટાગ્રામ પર તેની આગામી ફિલ્મનું ટ્રેલર શેર કરતી વખતે કેપ્શનમાં લખ્યું હતું કે, “ઓલ સેટ, જીગરાનું થિયેટ્રિકલ ટ્રેલર રિલીઝ થઈ ગયું છે, હવે 11 ઓક્ટોબરે થિયેટરોમાં મળીશું.”
‘જીગરા’નું જબદસ્ત ટ્રેલર
ટ્રેલરની શરુઆત આલિયા ભટ્ટ ‘સત્યા’ની ભૂમિકા ભજવી રહી છે જે સૂતી હતી અને પછી ફોન વાગે છે. આ પછી, આલિયા ફોન ઉપાડે છે અને ઝડપથી કહેતી જોવા મળે છે, અંકુર (વેદાંગ રૈના) તે કંઈક કર્યું છે, કંઈક સ્પર્શ્યું કર્યું કે કંઈક ખાધું છે. શું કોઈએ તારા ફોનનો ઉપયોગ કર્યો છે? શું કબીરે તારા ફોન પરથી કોઈ કોલ કર્યો હતો? ના…બ્લડ સેમ્પલ ક્લીન આવ્યું. ડરીશ નહિ, કંઈ થશે નહીં. આ પછી શીબા આલિયા પાસેથી ફોન છીનવી લે છે. પછી વેદાંગ રૈના દેખાય છે, તે કોઈ વિદેશી કોર્ટમાં ઉભેલો જોવા મળે છે અને તે પોલીસના હાથે પકડાઈ ગયેલો જોવા મળે છે, તે બૂમો પાડતો જોવા મળે છે.
ઓલઓવર ટ્રેલરમાં, સત્ય એટલે કે આલિયા વિદેશમાં ડ્રગ્સના કેસમાં ફસાયેલા તેના ભાઈ અંકુરને બચાવવા માટે તમામ હદો પાર કરતી જોવા મળી રહી છે. ટ્રેલર ખૂબ જ પાવર પેક અને એક્શન ફૂલ છે. આલિયાએ ફરી એકવાર પોતાની એક્ટિંગથી સાબિત કરી દીધું છે કે તે કેટલી અદ્ભુત અભિનેત્રી છે. ટ્રેલર બાદ હવે ચાહકો ફિલ્મની રિલીઝ થવાની આતુરતાથી રાહ જોઈ રહ્યા છે.
