કંગના કોઈપણ ખાનને સારા એક્ટર નથી માનતી: કહ્યું, – હું તેમની સાથે કામ કરીને સફળ નહીં થઈ શકું, હું તેમને ડિરેક્ટ કરવા માંગુ છું, જ્યાં તે અભિનય કરી શકે

અભિનેત્રીમાંથી નેતા બનેલી કંગના રનૌત ઘણીવાર પોતાના બેફામ નિવેદનોને કારણે ચર્ચામાં રહે છે. હાલમાં જ એક ઈન્ટરવ્યૂ દરમિયાન કંગનાએ મહિલા અભિનેત્રીઓ પર કટાક્ષ કર્યો હતો અને કહ્યું હતું કે કોઈપણ ખાન, કુમાર કે કપૂર તમને સફળ નહીં બનાવી શકે. તે જ સમયે, ફિલ્મ ‘ઇમર્જન્સી’ના ટ્રેલર લોન્ચ દરમિયાન, કંગનાએ ત્રણેય ખાન સાથે કામ કરવાની ઇચ્છા વ્યક્ત કરી હતી અને કહ્યું હતું કે તે તેમની સાથે એક ફિલ્મનું નિર્માણ અને નિર્દેશન કરવા માંગે છે, જ્યાં તેઓ અભિનય કરી શકે.

આ દિવસોમાં કંગના રનૌત ફિલ્મ ‘ઇમરજન્સી’ના પ્રમોશનમાં વ્યસ્ત છે. આ ફિલ્મમાં અભિનેત્રીએ પૂર્વ વડાપ્રધાન ઈન્દિરા ગાંધીનું પાત્ર ભજવ્યું છે. કંગનાએ આ ફિલ્મનું નિર્માણ અને નિર્દેશન પણ કર્યું છે. રાજ શમની સાથેની વાતચીત દરમિયાન કંગના રનૌતે કહ્યું,- ‘મેં બોલિવૂડના ખાન સાથે ફિલ્મો કરવાની ના પાડી દીધી હતી. કારણ કે તેની ફિલ્મોની હિરોઈન પાસે કંઈ કરવા જેવું નથી.’

બોલિવૂડની મહિલા અભિનેત્રીઓ પર કટાક્ષ કરતા કંગનાએ કહ્યું,- ‘કોઈ ખાન, કુમાર કે કપૂર તમને સફળ નહીં બનાવી શકે. મેં બોલિવૂડના ખાન, રણબીર કપૂર અને અક્ષય કુમારની ફિલ્મોને ના કહી. કારણ કે હું માનું છું કે હું તેમની સાથે કામ કરીને સફળ નહીં થઈ શકું. મારા બધા ખાન સાથે સારા સંબંધો છે. જોકે કેટલાક લોકોએ મારી સાથે સારો વ્યવહાર કર્યો નથી. પરંતુ તેમાંથી કોઈ ખાન નથી.’

નોંધનીય છે કે, ફિલ્મ ‘ઇમરજન્સી’ના ટ્રેલર લોન્ચ દરમિયાન કંગનાએ બોલિવૂડના ત્રણેય ખાન સાથે કામ કરવાની ઈચ્છા વ્યક્ત કરી હતી. અભિનેત્રીએ કહ્યું હતું- હું ત્રણેય ખાન સાથે ફિલ્મોનું નિર્માણ અને નિર્દેશન કરવા માંગુ છું. હું તેની પ્રતિભા બતાવવાનો પ્રયત્ન કરીશ. જ્યાં તેઓ અભિનય કરી શકે અને સારા દેખાઈ શકે. તેઓ કંઈક કરી શકે છે જે સમાજ માટે ખૂબ જ મહત્ત્વપૂર્ણ છે. જે આજ સુધી કોઈએ કર્યું નથી.