12 મિનિટ પેહલા
- કૉપી લિંક
બોલિવૂડ એક્ટ્રેસ કંગના રનૌત ફરી એકવાર ચર્ચામાં આવી છે. મંડી સીટ પરથી લોકસભા ચૂંટણી જીત્યા બાદ કંગનાને ગુરુવારે (6 જૂન) ચંદીગઢ એરપોર્ટ પર CISF મહિલા કોન્સ્ટેબલ કુલવિંદર કૌરે થપ્પડ મારી હતી. મહિલા કર્મચારીએ થપ્પડ મારવાનું કારણ પણ જણાવ્યું હતું.
CISF મહિલા કોન્સ્ટેબલે દાવો કર્યો હતો કે, કંગનાએ મહિલા ખેડૂતોને 100-100 રૂપિયા લઈને ધરણા પર બેસનાર મહિલા કહ્યું હતું. વિરોધ પ્રદર્શનમાં મહિલા કોન્સ્ટેબલની માતા પણ હાજર રહી હતી.
મીડિયા રિપોર્ટ્સ અનુસાર, આ મામલાની હજુ તપાસ ચાલી રહી છે પરંતુ હજુ સુધી મહિલા કોન્સ્ટેબલ વિરુદ્ધ કોઈ FIR દાખલ કરવામાં આવી નથી. ડીએસપી એરપોર્ટે કહ્યું કે કંગનાએ આ મામલે કોઈ ફરિયાદ નોંધાવી નથી.
કંગનાએ કહ્યું એરપોર્ટ પર શું થયું?
હવે કંગનાએ ઈન્સ્ટાગ્રામ પર આ ઘટનાનો ઉલ્લેખ કર્યો છે અને કહ્યું છે કે તેમને થપ્પડ મારવાનો પ્લાન બનાવ્યો હતો. આ સિવાય તેમણે પોતાની સરખામણી પૂર્વ વડાપ્રધાન ઈન્દિરા ગાંધી સાથે કરી છે જેમની તેમના અંગરક્ષકો દ્વારા હત્યા કરવામાં આવી હતી.
આ ફૂટેજ ઘટના બાદ મહિલા કોન્સ્ટેબલ કુલવિંદર કૌરનું છે
કંગનાએ કહ્યું, ‘કોન્સ્ટેબલે પહેલેથી જ રણનીતિ બનાવી લીધી હતી’
કંગનાએ શુક્રવારે સવારે બે ઈન્સ્ટાગ્રામ સ્ટોરી શેર કરી હતી, જેમાં એકમાં લખ્યું હતું કે, ‘તે (મહિલા કોન્સ્ટેબલ) એક વ્યૂહરચના તરીકે મારી રાહ જોઈ રહી હતી અને તે ત્યાં પહોંચતા જ ખાલિસ્તાની સ્ટાઈલમાં મહિલા કોન્સ્ટેબલ પાછળથી ગુપ્ત રીતે આવી અને તેને થપ્પડ મારી દીધી હતી. તે એક પણ શબ્દ બોલી નહીં અને જ્યારે મેં તેમને પૂછ્યું આવું કેમ કર્યું, ત્યારે તે ત્યાંથી ચાલી ગઈ અને તેના પર ફોકસ કરેલા ફોનના કેમેરામાં જોતા જોરથી બૂમો પાડવા લાગી. તેમણે બધાનું ધ્યાન ખેંચવું હતું. કદાચ ખાલિસ્તાનને ટેકો બતાવવાની આ તેમની રીત હતી, જેથી આગામી ચૂંટણીમાં તેને સીટ મળે.
કંગનાની ઇન્સ્ટાગ્રામ પોસ્ટ જેમાં તેણે આ ઘટનાનો ઉલ્લેખ કર્યો હતો
કંગનાને થપ્પડ મારનાર મહિલા કોન્સ્ટેબલનું નામ કુલવિંદર કૌર છે. આ ઘટના બાદ તેને નોકરીમાંથી સસ્પેન્ડ કરી દેવામાં આવી છે અને પોલીસ દ્વારા તેને કસ્ટડીમાં લેવામાં આવી છે.
કંગનાએ ઈન્દિરા ગાંધીનો ઉલ્લેખ કર્યો
કંગનાએ બીજી ઈન્સ્ટાગ્રામ સ્ટોરીમાં ઈન્દિરા ગાંધીનો ઉલ્લેખ કરીને તેમની આગામી ફિલ્મ ‘ઇમર્જન્સી’નું પ્રમોશન કર્યું હતું. તેમણે લખ્યું, ‘ફિલ્મ ઇમર્જન્સી ટૂંક સમયમાં તમારા બધાની સામે આવશે જેમાં બતાવવામાં આવશે કે કેવી રીતે એક નિઃશસ્ત્ર મહિલાને તેના જ સુરક્ષાકર્મીઓ દ્વારા તેના ઘરની બહાર મારી નાખવામાં આવી. તેમણે એક વૃદ્ધ મહિલાને મારવા માટે 35 ગોળીઓ ચલાવી હતી. હવે ટૂંક સમયમાં ખાલિસ્તાનીઓની કહાની સામે આવશે.
બીજી ઈન્સ્ટાગ્રામ સ્ટોરીમાં કંગનાએ ઈન્દિરા ગાંધીની હત્યા વિશે લખ્યું છે
કંગનાની આગામી ફિલ્મ ‘ઇમર્જન્સી’ છે
વર્ક ફ્રન્ટ પર કંગનાની આગામી ફિલ્મ ‘ઇમર્જન્સી’ છે. તે આ વર્ષે 14 જૂને સિનેમાઘરોમાં રિલીઝ થવાની હતી, પરંતુ લોકસભાની ચૂંટણીને કારણે કંગનાએ ફિલ્મની રિલીઝ ડેટ મોકૂફ રાખી હતી. ફિલ્મની નવી રિલીઝ ડેટ હજુ જાહેર કરવામાં આવી નથી. આ ફિલ્મમાં કંગના ભારતના પૂર્વ વડાપ્રધાન ઈન્દિરા ગાંધીના રોલમાં જોવા મળશે. કંગનાએ પોતે જ ફિલ્મનું નિર્દેશન કર્યું છે.
