‘કુછ તો લોગ કહેંગે, લોગોં કા કામ હૈ કહના….’: ઇબ્રાહિમ-ખુશીની એક્ટિંગ ટ્રોલ થઈ, કરન જોહરે સપોર્ટ કર્યો કહ્યું- છોડો બેકાર કી બાતેં

તાજેતરમાં જ ઇબ્રાહિમ અલી ખાને ફિલ્મ ‘નાદાનિયાં’ થી ડેબ્યૂ કર્યું છે. આ નેટફ્લિક્સ ફિલ્મમાં ખુશી કપૂર તેની સાથે જોવા મળી હતી. બંનેની એક્ટિંગને સોશિયલ મીડિયા પર ખૂબ ટ્રોલ કરવામાં આવી રહી છે. જ્યારે આ ફિલ્મના નિર્માતા કરન જોહરને આ અંગે પ્રશ્ન કરવામાં આવ્યો ત્યારે તેમણે ટ્રોલ કરનારાઓને યોગ્ય જવાબ આપ્યો.

કરન જોહર તેની આગામી ફિલ્મ ‘અકાલ’ની ઇવેન્ટમાં પહોંચ્યો હતો. ત્યાં મીડિયાએ તેમને ‘નાદાનિયાં’ વિશે પ્રશ્નો પૂછ્યા. કરણને પૂછવામાં આવ્યું કે ઇબ્રાહિમ અને ખુશી કપૂર બંને તેની ફિલ્મ ‘નાદાનિયાં’માં નવા હતા. જે રીતે ફિલ્મ અને તે બંનેને ટ્રોલ કરવામાં આવી રહ્યા છે, શું તેમને લાગે છે કે ટ્રોલર્સ વધુ અસંસ્કારી બની રહ્યા છે? આ બધા વિશે તે શું કહેશે?

ફિલ્મ ‘નાદાનિયાં’નું પોસ્ટ છે જેમાં ઇબ્રાહિમ અને ખુશી કપૂર જોવા મળી રહ્યા છે.

આ પ્રશ્નનો જવાબ આપતા કરણ કહે છે- ‘હું ફક્ત આટલું જ કહીશ… આ એક જૂની ફિલ્મના શબ્દો છે, કુછ તો લોગ કહેંગે, લોગોં કા કામ હૈ કહના. છોડો બેકાર કી બાતેં, બીત ન જાએ રૈના.

ઇબ્રાહિમે પાકિસ્તાની ક્રિટિકને આપી હતી ધમકી સૈફ અલી ખાનના પુત્ર ઇબ્રાહિમ અલી ખાને આ ફિલ્મનો રિવ્યૂ કરનાર પાકિસ્તાની ક્રિટિક તૈમૂર ઇકબાલને માર મારવાની ધમકી આપી હતી. પાકિસ્તાની ક્રિટિકે ઇબ્રાહિમ અલી ખાનના નાક પર કોમેન્ટ કરી હતી. આ કોમેન્ટ પર, ઇબ્રાહિમ અલીએ પાકિસ્તાની ક્રિટિકને ઠપકો આપતો મેસેજ મોકલ્યો. તેણે મેસેજમાં લખ્યું હતું કે જો તું મળી જઈ તો હું તારો ચહેરો બગાડી નાખીશ. પાકિસ્તાની ક્રિટિકે આનો સ્ક્રીનશોટ સોશિયલ મીડિયા પર શેર કર્યો હતો.

‘નાદાનિયાં’ રિલીઝ થઈ ત્યારથી જ આ ફિલ્મ ભારતમાં પણ ખૂબ ટ્રોલ થઈ રહી છે. કેટલાક સોશિયલ મીડિયા યુઝર્સે ઇબ્રાહિમ અલી ખાનને અભિનય શીખવાની સલાહ આપી. મોટાભાગના યુઝર્સ ઇબ્રાહિમ અને ખુશીને ટ્રોલ કરતા જોવા મળ્યા.