16 મિનિટ પેહલા
- કૉપી લિંક
અનન્યા પાંડેએ બુધવારે રાત્રે મુંબઈમાં તેની આગામી વેબ સિરીઝ ‘કૉલ મી બે’નું સ્પેશિયલ સ્ક્રીનિંગ યોજ્યું હતું. કરન જોહર, કાર્તિક આર્યન, સારા અલી ખાન, ઈબ્રાહિમ ખાન, સુહાના ખાન, અગસ્ત્ય નંદા અને શનાયા કપૂર સહિત ઘણા સેલેબ્સ આ ઈવેન્ટમાં સામેલ થયા હતા.
કાર્તિક-ઇબ્રાહિમ-સારાના બોન્ડિંગની ચર્ચા
આ સ્ક્રિનિંગ ઈવેન્ટમાંથી સેલેબ્સના ઘણા વીડિયો સામે આવ્યા છે જે વાઇરલ થઈ રહ્યા છે. અહીં કાર્તિક તેની એક્સ સારા અલી ખાન સાથે ખૂબ જ આરામદાયક લાગતો હતો. તે સારા અને તેના ભાઈ ઈબ્રાહિમ સાથે મસ્તી કરતો જોવા મળ્યો હતો.
અગસ્ત્ય સુહાનાને ભીડથી બચાવતો જોવા મળ્યો હતો
ઇવેન્ટના કેટલાક વાયરલ વીડિયોમાં, શાહરૂખ ખાનની પુત્રી સુહાના ખાન અને અમિતાભ બચ્ચનના પૌત્ર અગસ્ત્ય નંદા પણ એકબીજા સાથે આરામદાયક જોવા મળ્યા હતા. આ દરમિયાન અગસ્ત્ય પણ સુહાનાને ભીડથી બચાવતો જોવા મળ્યો હતો.
અનન્યાની કોમેડી સિરીઝ ‘કૉલ મી બે’ 6 સપ્ટેમ્બરે OTT પર રિલીઝ થશે. આમાં અનન્યા એક અમીર છોકરીના રોલમાં જોવા મળે છે જેને તેના પરિવાર દ્વારા ઘરની બહાર કાઢી મૂકવામાં આવે છે.
આ સિરીઝમાં અનન્યા ઉપરાંત વીર દાસ, વરુણ સૂદ મહત્વની ભૂમિકામાં જોવા મળશે.
