કાર્તિક આર્યન શાહરુખ ખાનનો ફેન હતો: જ્યારે પહેલીવાર મુંબઈ આવ્યો હતો, ત્યારે મન્નતની બહાર ભીડમાં એક ઝલક માટે ઊભો રહેતો

આ દિવસોમાં, કાર્તિક આર્યન, જે તેની આગામી ફિલ્મ ‘ભૂલ ભુલૈયા 3’ માટે ચર્ચામાં છે, તેણે કહ્યું કે તે શાહરુખ ખાનનો ઘણો મોટો ફેન હતો. જ્યારે તે પહેલીવાર મુંબઈ આવ્યો ત્યારે શાહરુખ ખાનની એક ઝલક મેળવવા માટે કલાકો સુધી મન્નતની બહાર ઊભો રહેતો હતો.

હાલમાં જ બોલિવૂડ હંગામાને આપેલા એક ઈન્ટરવ્યૂમાં કાર્તિક આર્યનએ કહ્યું હતું કે, તે સેલ્ફી આપીને શક્ય તેટલા ફેન્સને ખુશ કરવાનો પ્રયાસ કરે છે. એક્ટરે કહ્યું છે કે, એક સમયે તે પણ ઘણા સ્ટાર્સનો ફેન હતો અને તેમની સાથે મળવા અને સેલ્ફી લેવા માટે ઉત્સુક હતો. આવી સ્થિતિમાં તે સમજી શકે છે કે ફેન્સને મળવું કેટલું જરૂરી છે.

એક ઈવેન્ટ દરમિયાન શાહરુખ ખાન સાથે કાર્તિક આર્યન

વાતચીત દરમિયાન જ્યારે કાર્તિકને પૂછવામાં આવ્યું કે તે કોનો ફેન છે તો તેણે જવાબમાં શાહરુખ ખાનનું નામ લીધું. કાર્તિકે કહ્યું, હું શાહરુખ ખાનનો ઘણો મોટો ફેન રહ્યો છું. ત્યારે હું તેમને મળ્યો ન હતો, હું મન્નતની સામે ઊભો રહ્યો હતો.જ્યારે હું અહીં (મુંબઈ) પહેલીવાર આવ્યો હતો, ત્યારે હું બેન્ડસ્ટેન્ડ પર ગયો હતો. રવિવારે ઘણા લોકો તેને જોવા આવે છે.

કાર્તિક આર્યને વાતચીત દરમિયાન એ પણ જણાવ્યું કે, શાહરુખ ખાન એ પહેલો સેલિબ્રિટી છે જેને તેણે પહેલીવાર જોયો. શાહરુખ ખાન દર રવિવારે તેના ઘરેથી નીકળતો હતો, તેથી કાર્તિકે તેને તેની કારમાં પસાર થતો જોયો હતો. કાર્તિક આર્યન એ પણ કહ્યું છે કે એકવાર ફિલ્મની સ્ટાર કાસ્ટ ‘ચક દે ઈન્ડિયા’ના પ્રમોશન માટે મુંબઈ મેરેથોન પહોંચી હતી. આવી સ્થિતિમાં કાર્તિકે ફિલ્મની એક્ટ્રેસ સાગરિકા સાથે સેલ્ફી ક્લિક કરાવી.

‘ચક દે ઈન્ડિયા’ની અભિનેત્રી સાગરિકા સાથે કાર્તિક આર્યન

નોંધનીય છે કે, કાર્તિક આર્યનની ફિલ્મ ‘ભૂલ ભુલૈયા 3’ 1 નવેમ્બરે રિલીઝ થઈ રહી છે. આ ફિલ્મમાં તેની સાથે તૃપ્તિ ડિમરી લીડ રોલમાં છે. આ ફિલ્મની બોક્સ ઓફિસ ટક્કર રોહિત શેટ્ટીની મલ્ટી સ્ટારર ફિલ્મ ‘સિંઘમ અગેઈન’ સાથે થવાની છે.