સમય રૈનાએ ‘બિગ બી’ની પ્રોપર્ટીમાં હિસ્સો માગ્યો!: કોમેડિયને ‘સૂર્યવંશમ’ને કરી ટ્રોલ, અમિતાભ બચ્ચન હસી-હસીને લોટપોટ થઈ ગયા

શો ‘કૌન બનેગા કરોડપતિ સીઝન 16’ માં આ અઠવાડિયે ફેમસ કોમેડિયન અને યુટ્યુબર્સ મળશે. જેમાં સમય રૈના, તન્મય ભટ્ટ, ભુવન બામ અને કામ્યા જાની મહેમાન બનવાના છે. સમય રૈના અને તન્મય ભટ્ટ હોટ સીટ દેખાશે. હાલ એપિસોડનો પ્રોમો વાઈરલ થઈ રહ્યો છે, જેમાં સમય રૈના મજાકીયા અંદાજમાં અમિતાભ બચ્ચનની મસ્તી કરતો જોવા મળે છે.

કોમેડિયને ‘સૂર્યવંશમ’ને કરી ટ્રોલ KBC 16ના આગામી એપિસોડની એક ક્લિપ સોશિયલ મીડિયા પર વાઈરલ થઈ રહી છે, જેમાં સમય રૈના અમિતાભ બચ્ચનની ફિલ્મ ‘સૂર્યવંશમ’ની મજાક ઉડાવતો જોવા મળે છે. આ વીડિયોમાં, સમય જણાવે છે કે મેં તમારી પહેલી ફિલ્મ જોઈ હતી તે ‘સૂર્યવંશમ’ હતી. બીજી પણ ‘સૂર્યવંશમ’ જ જોઈ હતી અને ત્રીજી પણ ‘સૂર્યવંશમ’ હતી. કારણ કે, સેટ મેક્સ પર તે વારંવાર આવતી હતી. આગળ મજાક કરતાં કહ્યું કે- જ્યારે તમને ગઈકાલે ખબર પડી ગઈ હતી કે, ખીરમાં ઝેર છે તો આજે ફરી ખીર કેમ ખાધી?

સમયે ‘બિગ બી’ પાસે પ્રોપર્ટીમાં હિસ્સો માગ્યો! અમિતાભ તેમની ફિલ્મ ‘શહેનશાહ’નો ફેમસ ડાયલોગ બોલે છે – ‘રિશ્તે મેં તો, હમ તુમ્હારે બાપ લગતે હૈ, નામ હૈ શહેનશાહ…’, વાત-વાતમાં તકનો લાભ લઈને સમય તરત જ મજાકીયા અંદાજમાં કહ્યું કે- તમે પુત્ર બનાવ્યો જ છે, તો પ્રોપર્ટીમાં પણ અડધો હિસ્સો આપી દો…આ સાંભળી અમિતાભ બચ્ચન જોર-જોરથી હસવા લાગે છે.

સમય રૈના એક ફેમસ કોમેડિયન છે સમય રૈના પોતાના રોસ્ટ શો ‘ઈન્ડિયાઝ ગૉટ લૈટેંટ’ માટેથી ફેમસ થયો છે. તેણે આકાશ ગુપ્તા સાથે મળીને ‘કોમિકસ્તાન સીઝન 2’ જીતી છે. તે ચેસ પ્લેયર પણ છે અને યુટ્યુબમાં લાઈવ સ્ટ્રીમ પણ કરે છે. તન્મય ભટ્ટ યુટ્યુબર અને કન્ટેન્ટ ક્રિએટર છે.