8 મિનિટ પેહલા
- કૉપી લિંક
સુશાંત સિંહ રાજપૂતના અંતિમ સંસ્કારમાં સામેલ 20 લોકોમાં બોલિવૂડ એક્ટર વિવેક ઓબેરોય પણ સામેલ હતો. હાલમાં હ્યુમન્સ ઓફ બોમ્બેને આપેલા એક ઇન્ટરવ્યૂમાં વિવેકે સુશાંત અને માનસિક સ્વાસ્થ્ય વિશે વાત કરી હતી. વિવેક પોતે પણ ખરાબ સમયમાંથી પસાર થયો હોય તેમને પણ સુશાંતની જેમ મરવાનું વિચાર્યું હતું.
વિવેક ઓબેરોયે ઇન્ટરવ્યૂમાં કહ્યું, હું સુશાંતને મળ્યો, તે એક સારો, પ્રતિભાશાળી છોકરો હતો. તેમની વિદાય ફિલ્મ ઉદ્યોગ માટે મોટી ખોટ હતી. સાચું કહું તો, મારા જીવનમાં એક ખૂબ જ અંધકારમય તબક્કો રહ્યો છે, ખાસ કરીને જ્યારે પર્સનલથી લઈને પ્રોફેશનલ સુધી બધું જ ખરાબ થઇ રહ્યું હતું તેવું ન હતું કે મેં પણ સુશાંત જેવું પગલું ભરવાનું વિચાર્યું હતું.
સુશાંત સિંહ રાજપૂતના અંતિમ સંસ્કારમાં વિવેક ઓબેરોય
Related posts
સુશાંતના અંતિમ સંસ્કાર વિશે વધુ વાત કરતા તેમણે કહ્યું કે, સુશાંતના અંતિમ સંસ્કારમાં માત્ર 20 લોકોને આવવાની મંજૂરી આપવામાં આવી હતી અને તેમાંથી હું પણ એક હતો. મેં તેમના પિતાની હાલત જોઈ છે. સુશાંતને જોઈને હું બસ વિચારી રહ્યો હતો કે દોસ્ત, જો તું જોઈ શક્યો હોત કે તારા જવાથી શું થયું છે, જો તું જોઈ શક્યો હોત કે જે લોકો તને પ્રેમ કરે છે તેમની શું હાલત છે, તો તેં ક્યારેય આ પગલું ન ભર્યું હોત.
વિવેક વધુમાં કહે છે કે, તમારા મગજમાં બધું જ ઝડપથી ચલાવો, વિચારો કે જે લોકો તમને પ્રેમ કરે છે તેમની સાથે તમે શું કરશો તમારા જીવનનો અંત આવ્યા પછી. તમે તમારા પ્રિયજનોને દુઃખ પહોંચાડવા માગતા નથી. પ્રેમ અને પ્રકાશ તરફ જાઓ. હું નસીબદાર હતો કે મારી પાસે એક ઘર અને એક કુટુંબ હતું જેમણે મને તે સમયે ટેકો આપ્યો હતો. હું જમીન પર બેસીને માના ખોળામાં માથું રાખીને બાળકની જેમ રડતો. હું કહેતો હતો કે આવુ મને જ કેમ થયું છે? એક દિવસ હું 40 મિનિટ રડ્યો, પછી માતાએ પૂછ્યું, જ્યારે તમે એવોર્ડ જીતી રહ્યા હતા, ખ્યાતિ અને પ્રેમ મેળવી રહ્યા હતા, ત્યારે તમે મને કેમ પૂછ્યું?
વિવેક ઓબેરોયે 2 વર્ષના બ્રેક બાદ રોહિત શેટ્ટીની સીરિઝ ‘ધ પોલીસ ફોર્સ’થી કમબેક કર્યું છે. આ સિરીઝ એમેઝોન પ્રાઇમ પર 17 જાન્યુઆરીએ રિલીઝ કરવામાં આવી હતી. સિરીઝમાં વિવેકની સાથે શિલ્પા શેટ્ટી અને સિદ્ધાર્થ મલ્હોત્રા લીડ રોલમાં છે.
