માધવને ‘3 ઈડિયટ્સ’ના શૂટિંગ સમયની ઘટના શેર કરી: બોલ્યો, ‘આમિર, શરમન અને મેં દારૂ પીને ફિલ્મનો એક સીન શૂટ કર્યો હતો’

આમિર ખાન, આર માધવન અને શરમન જોશીએ 2009માં રિલીઝ થયેલી ફિલ્મ ‘3 ઈડિયટ્સ’માં સાથે કામ કર્યું હતું. એન્જિનિયરિંગના વિદ્યાર્થીઓના જીવન પર આધારિત આ ફિલ્મના ઘણા સીનમાં ત્રણેય કલાકારોને નશામાં બતાવવામાં આવ્યા છે. એક્ટર માધવને હાલમાં એક ઇન્ટરવ્યૂમાં આ પૈકી એક સીનનો ઉલ્લેખ કર્યો છે.

આમિરે દારૂ પીને શૂટિંગ કરવાનો આઈડિયા આપ્યો હતો
યુટ્યુબર રણવીરના પોડકાસ્ટ પર આપેલા એક ઇન્ટરવ્યૂમાં માધવને જણાવ્યું હતું કે ફિલ્મના એક સીન દરમિયાન આમિરનો વિચાર હતો કે નશામાં ધૂત થયેલા સીનમાં કલાકારોએ નશામાં ધૂત એક્ટિંગ ન કરવી જોઈએ, પરંતુ નશામાં ધૂત થઈને સામાન્ય વર્તન કરવું જોઈએ.

માધવન પોતાના ઇન્ટરવ્યૂમાં ફિલ્મમાં શૂટ કરાયેલા આ સીન વિશે વાત કરી રહ્યો છે

એ સીન બે-ત્રણ કલાક મોડો શૂટ થયો હતો
માધવને વધુમાં કહ્યું કે, ‘આમિરના આ આઈડિયા પર કામ કરતા અમે સીન શૂટ કરવાના એક કલાક પહેલાં જ પીવાનું શરૂ કરી દીધું હતું. જો કે, તે શોટ ટેકનિકલ સમસ્યાઓના કારણે બે થી ત્રણ કલાક પછી શરૂ થયો અને અમે ત્યાં સુધી પીતા રહ્યા. આ પછી જ્યારે શોટ આપવાનો સમય આવ્યો, ત્યારે મેં અને અન્ય કલાકારોએ વિચાર્યું કે અમે સામાન્ય છીએ પરંતુ અમને શોટ આપવામાં ઘણા કલાકો લાગી રહ્યા હતા.

ફિલ્મ ‘3 ઈડિયટ્સ’નું નિર્દેશન રાજકુમાર હિરાનીએ કર્યું હતું. તે ચેતન ભગતની નવલકથા ‘ફાઈવ પોઈન્ટ સમવન’ પર આધારિત હતી

તે વર્ષની સૌથી વધુ કમાણી કરનાર ફિલ્મ ‘3 ઈડિયટ્સ’ હતી
2009માં રિલીઝ થયેલી ફિલ્મ 3 ઈડિયટ્સે 400 કરોડ રૂપિયાનું ગ્રોસ કલેક્શન કર્યું હતું. તે વર્ષની સૌથી વધુ કમાણી કરનારી ફિલ્મ હતી. આ ફિલ્મમાં આમિર, માધવન અને શરમન ઉપરાંત કરીના કપૂર અને બોમન ઈરાનીએ પણ લીડ રોલ નિભાવ્યો હતો.

‘શૈતાન’ની વર્લ્ડવાઈડ કમાણી 100 કરોડને પાર કરી
વર્ક ફ્રન્ટની વાત કરીએ તો માધવનની તાજેતરની રિલીઝ ફિલ્મ ‘શૈતાન’ છે. તેના બીજા સપ્તાહમાં પણ આ ફિલ્મ આ અઠવાડિયે રિલીઝ થયેલી બે નવી ફિલ્મો ‘યોદ્ધા’ અને ‘બસ્તર’ કરતા વધુ કમાણી કરી રહી છે. શનિવાર સુધી ‘શૈતાન’એ ભારતીય બોક્સ ઓફિસ પર 95 કરોડ 84 લાખ રૂપિયાની કમાણી કરી છે. ગ્લોબલ કલેક્શનની વાત કરીએ તો તેણે 138 કરોડ રૂપિયાનો બિઝનેસ કર્યો છે.