58 મિનિટ પેહલા
- કૉપી લિંક
મન્નારા ચોપરાએ કહ્યું કે તેમને પિતરાઈ બહેનો પ્રિયંકા ચોપરા અને પરિણીતી સાથે તેના ખૂબ સારા સંબંધો છે. મન્નારાએ કહ્યું કે તેણે જાણીજોઈને બિગ બોસના ઘરમાં પ્રિયંકા અને પરિણીતીનો ઉલ્લેખ કર્યો નથી.
તે ઈચ્છતી ન હતી કે લોકો તેને નેપો કિડ કહે. મન્નારાએ કહ્યું કે ભલે તે તેની બહેનોનો ઉલ્લેખ ન કરતી હોય, પરંતુ લોકોને હજુ પણ સમસ્યા છે. મન્નારા કહે છે કે લોકોને લાગે છે કે તેની બહેનો સાથે તેના સારા સંબંધો નથી. મન્નારાના કહેવા પ્રમાણે, જો તે તેની બહેનોનો ઉલ્લેખ કરે તો પણ સમસ્યા છે, જો તે ન કરે તો પણ લોકો સમસ્યા ઊભી કરે છે.
જો મેં મારી બહેનોના નામ લીધા હોત તો લોકો મારા અસ્તિત્વ પર સવાલ થાત
મન્નારા ચોપરાએ સિદ્ધાર્થ કાનનને આપેલા ઇન્ટરવ્યૂમાં જણાવ્યું કે તેણે બિગ બોસના ઘરમાં પ્રિયંકા અને પરિણીતીનો ઉલ્લેખ કેમ ન કર્યો. તેમણે કહ્યું- મેં જાણીજોઈને મારી બંને બહેનોના નામ નથી લીધા, નહીં તો અન્ય સ્પર્ધકો મને નેપો કિડ કહેત.
તેઓ કહેશે કે મારું પોતાનું કોઈ અસ્તિત્વ નથી. હું મારું નામ બનાવવા માગતી હતી. હું ઘરની અંદર જ લડાઈ લડવા માગતી હતી. ભલે હું એક ખાસ પરિવારમાંથી આવું છું, મેં હંમેશા મારી જાતને અલગ રીતે રજૂ કરી છે.
મન્નારાએ કહ્યું- હું પ્રિયંકા દીદીને જોઈને મોટી થઈ છું
મન્નારાએ વધુમાં કહ્યું- જ્યારે હું મારી બહેનોના નામ નથી લેતી ત્યારે પણ લોકો અલગ જ વાર્તા બનાવે છે. તેમને લાગે છે કે મારી બહેનો સાથે મારા સંબંધો સારા નથી. હવે હું તેમને શું કહું કે મારી બહેનો સાથેના મારા સંબંધો કેટલા સારા છે.
હું પ્રિયંકા દીદીને જોઈને મોટી થઇ છું. તેમણે જે રીતે પોતાની જાતને સાબિત કરી છે, તે એક ઉદાહરણ છે. જ્યારે મને ફિલ્મોમાં કામ કરવાની ઈચ્છા થઈ ત્યારે પ્રિયંકા દીદીએ મારી માતાને કહ્યું કે મને હવે ભણવા દો. હું એ વખતે અગિયારમા ધોરણમાં હતી
પ્રિયંકા ચોપરા હાલમાં જ ભારત આવી હતી. તે મન્નારાની બર્થડે પાર્ટીમાં પણ સામેલ થઈ હતી
હાલમાં જ પ્રિયંકા ચોપરા તેના 33મા બર્થડે પર મન્નારાની પાર્ટીમાં જોવા મળી હતી. પ્રિયંકા તેના પતિ નિક જોનાસ સાથે ભારત આવી હતી. નિક સિવાય તેણે તેની માતા મધુ ચોપરા સાથે પાર્ટી એન્જોય કરી હતી. તમને જણાવી દઈએ કે, મન્નારાચોપરાએ 2014માં આવેલી ફિલ્મ ‘ઝિદ’થી બોલિવૂડમાં ડેબ્યૂ કર્યું હતું.
