નતાશા દલાલ-વરુણ ધવન માતા-પિતા બન્યા: દાદા બનેલા ડેવિડ ધવન પૌત્રીને મળવા હોસ્પિટલ પહોંચ્યા,કરન જોહર સહિત અન્ય સેલેબ્સે અભિનંદન પાઠવ્યા

બોલિવૂડ એક્ટર વરુણ ધવન પિતા બની ગયો છે. તેમની પત્ની નતાશા દલાલે ગઈકાલે રાત્રે મુંબઈની હિન્દુજા હોસ્પિટલમાં પુત્રીને જન્મ આપ્યો હતો. સોમવારે રાત્રે હોસ્પિટલમાંથી વરુણના પિતા ડેવિડ ધવન, તેની માતા કરુણા ધવન અને ભાભી જાન્હવી ધવનનો વીડિયો સામે આવ્યો છે. આ દરમિયાન વરુણના પિતાએ પાપારાઝી સાથે વાત કરતા જણાવ્યું કે કપલને એક પુત્રી થઇ છે.

વરુણના પિતા ડેવિડ ધવને પાપારાઝીને જણાવ્યું કે વરુણના ત્યાં પુત્રી થઇ છે

વરુણ ધવન તેના પિતાને હોસ્પિટલની બહાર ડ્રોપ કરવા આવ્યો હતો.

વરુણની માતા કરુણા ધવન અને ભાભી જાન્હવી ધવન.

કરણ અને અર્જુને અભિનંદન આપ્યા
ઈન્સ્ટાગ્રામ પર કપલને અભિનંદન આપતાં ડિરેક્ટર કરણ જોહરે પણ લખ્યું- ‘મારા દીકરાને એક દીકરી થઇ છે… અભિનંદન નતાશા અને વરુણ.’ અર્જુન કપૂરે પણ વરુણને અભિનંદન પાઠવ્યા અને લખ્યું, ‘બેબી જ્હોનને બાળક થયું છે, વરુણ અને નતાશાને અભિનંદન. નિયારા, અભિર અને જોયને હવે બહેન મળી છે.

કરણ જોહરે આ ઈન્સ્ટાગ્રામ સ્ટોરી શેર કરી છે.

અર્જુન કપૂરની ઇન્સ્ટાગ્રામ સ્ટોરી.

ફેબ્રુઆરીમાં જાહેરાત કરવામાં આવી હતી
વરુણ-નતાશાએ આ વર્ષે ફેબ્રુઆરીમાં જાહેરાત કરી હતી કે તેઓ માતા-પિતા બનવાના છે. બંનેએ એક ફોટો શેર કર્યો હતો જેમાં વરુણ તેની પત્નીના બેબી બમ્પને કિસ કરતો જોવા મળ્યો હતો. આ કપલે 24 જાન્યુઆરી 2021ના રોજ લગ્ન કર્યા હતા. અલીબાગમાં યોજાયેલા આ લગ્નમાં કપલના માત્ર નજીકના સભ્યો જ હાજર રહ્યા હતા.

ફેબ્રુઆરીમાં આ ફોટો શેર કરતી વખતે વરુણ-નતાશાએ જાહેરાત કરી હતી કે તેઓ માતા-પિતા બનવાના છે.

વરુણ ‘બેબી જોન’માં કામ કરી રહ્યો છે.
વર્ક ફ્રન્ટ પર વરુણની આગામી ફિલ્મ ‘બેબી જોન’ છે. તેમના સિવાય કીર્તિ સુરેશ, વામિકા ગબ્બી, સાન્યા મલ્હોત્રા અને જેકી શ્રોફ જેવા કલાકારો તેમાં જોવા મળશે. તેનું દિગ્દર્શન ‘જવાન’ ફેમ ડિરેક્ટર એટલી કરી રહ્યા છે.

સિવાય વરુણ વેબ સિરીઝ ‘સિટાડેલઃ હની બન્ની’માં પણ જોવા મળશે.