હવે ચુલબુલ પાંડે પણ ‘સિંઘમ’ને સાથ આપશે: ‘સિંઘમ’માં ફરીથી સલમાન ખાનના કેમિયોની પુષ્ટિ થઈ; અક્ષય અને રણવીર સિંહ પણ જોવા મળશે

રોહિત શેટ્ટીની ફિલ્મ ‘સિંઘમ અગેઈન’માં સલમાન ખાનની એન્ટ્રી હવે કન્ફર્મ થઈ ગઈ છે. આ ફિલ્મમાં તે ચુલબુલ પાંડે તરીકે સિંઘમને સપોર્ટ કરતો જોવા મળશે. થોડા સમયથી સલમાનના કેમિયોને લઈને સસ્પેન્સ હતું, પરંતુ હવે તે સ્પષ્ટ થઈ ગયું છે. આ સિવાય ફિલ્મમાં સલમાન ખાન અને અક્ષય કુમારની સાથે અન્ય ઘણા મોટા સ્ટાર્સ પણ જોવા મળશે.

ખરેખર, તાજેતરમાં એવી ચર્ચા હતી કે સાઉથ સુપરસ્ટાર પ્રભાસ અને સલમાન ખાન ‘સિંઘમ અગેઇન’માં કેમિયો કરી શકે છે. સલમાન ખાનને લઈને સ્થિતિ સ્પષ્ટ થઈ ગઈ છે, પરંતુ પ્રભાસના કેમિયોને લઈને હજુ સુધી કોઈ સત્તાવાર નિવેદન બહાર આવ્યું નથી.

‘સિંઘમ 3’ એક મલ્ટિ સ્ટારર ફિલ્મ છે. નોંધનીય છે કે,અજય દેવગન ‘સિંઘમ 3’માં ડીસીપી બાજીરાવ સિંઘમ તરીકે વાપસી કરી રહ્યો છે. ‘સૂર્યવંશી’ અક્ષય કુમાર અને ‘સિમ્બા’ રણવીર સિંહ પણ તેમાં મહત્ત્વની ભૂમિકામાં હશે. આ સિવાય આ ફિલ્મમાં કરીના કપૂર ખાન, દીપિકા પાદુકોણ, જેકી શ્રોફ, ટાઈગર શ્રોફ અને અર્જુન કપૂર પણ જોવા મળશે.

ફિલ્મની ટક્કર ‘ભૂલ ભુલૈયા 3’ સાથે થશે. આ ફિલ્મ આ વર્ષે દિવાળીના અવસર પર સિનેમાઘરોમાં રિલીઝ થશે, જ્યાં તેની ટક્કર કાર્તિક આર્યનની ફિલ્મ ‘ભૂલ ભુલૈયા 3’ સાથે થશે.

સલમાન ખાન ‘સિકંદર’ના શૂટિંગમાં વ્યસ્ત છે. આ દિવસોમાં સલમાન એઆર મુરુગાદોસ સાથે ફિલ્મ ‘સિકંદર’ના શૂટિંગમાં વ્યસ્ત છે. આ ફિલ્મ આવતા વર્ષે ઈદ પર રિલીઝ થશે. આમાં રશ્મિકા મંદન્ના પહેલીવાર સલમાનની સામે જોવા મળશે.