14 મિનિટ પેહલા
- કૉપી લિંક
આજે ટાઇગર શ્રોફનો 35મો બર્થ ડે છે. પ્રોડ્યુસર સાજિદ નડિયાદવાલાએ ટાઇગરના ફેન્સને ગિફ્ટ આપી છે. ‘બાગી-4’ ના એક્ટરનો નવો લુક રિલીઝ કરવામાં આવ્યો છે. નડિયાદવાલા ગ્રેન્ડસન પ્રોડક્શનના ઇન્સ્ટાગ્રામ હેન્ડલ પર એક્ટરનો ઇન્ટેન્સ લુક જોવા મળી રહ્યો છે.
પોસ્ટમાં ટાઇગરને ટેગ કરીને લખ્યું છે – હેપી બર્થડે ટાઇગર શ્રોફ. ‘રોની’ આવનારું વર્ષ તારા માટે એક્શનથી ભરપૂર રહે તેવી પ્રાર્થના. શુભેચ્છાઓ. ઉપરાંત, પોસ્ટમાં ફિલ્મની રિલીઝ ડેટનો ઉલ્લેખ પણ કરવામાં આવ્યો છે. આ ફિલ્મ 5 સપ્ટેમ્બરના રોજ રિલીઝ થશે.
નવા પોસ્ટરમાં ટાઇગરનો અડધો ચહેરો દેખાય છે. તેના માથામાંથી લોહી નીકળી રહ્યું છે અને તે ઇન્ટેન્સ દેખાવ સાથે સિગારેટ પીતો જોવા મળે છે.
એક્ટરે કહ્યું- ‘બાગી’ ફ્રેન્ચાઇઝીએ મને ઓળખ આપી છે
ટાઇગરે તેના ઇન્સ્ટાગ્રામ હેન્ડલ પરથી પોસ્ટર પણ શેર કર્યું છે. એક્ટરે ‘બાગી’ ફ્રેન્ચાઇઝી માટે કૃતજ્ઞતા વ્યક્ત કરી છે. તે લખે છે- ‘આ ફ્રેન્ચાઇઝી જેણે મને એક ઓળખ આપી અને મને એક એક્શન હીરો તરીકે સાબિત કરવાની તક આપી.’ હવે એ જ ફ્રેન્ચાઇઝ મારી ઓળખ બદલી રહી છે. આ વખતે તે પહેલા જેવો નથી પણ મને આશા છે કે તમે લોકો તેને 8 વર્ષ પહેલા જે રીતે સ્વીકાર્યો હતો તે જ રીતે સ્વીકારશો.
‘બાગી’ વર્ષ 2016માં રિલીઝ થઈ હતી. આ ફિલ્મમાં ટાઇગરનો એક્શન અવતાર જોવા મળ્યો હતો. આ ફિલ્મ એટલી સફળ રહી કે ત્યારબાદ આ ફ્રેન્ચાઇઝીની ત્રણ ફિલ્મો રિલીઝ થઈ છે. મિસ યુનિવર્સ હરનાઝ સંધુ ‘બાગી 4’માં ટાઇગર સાથે જોવા મળશે. આ તેની બોલિવૂડ ડેબ્યૂ ફિલ્મ હશે. જ્યારે સંજય દત્ત ફિલ્મમાં વિલનની ભૂમિકામાં જોવા મળશે.
