8 કલાક પેહલા
- કૉપી લિંક
7 સપ્ટેમ્બરના રોજ ગણેશ ચતુર્થીના અવસર પર, ઘણા બોલિવૂડ સેલેબ્સે તેમના ઘરોમાં ભગવાન ગણેશની સ્થાપના કરી છે. આ પ્રસંગે સલમાન ખાનની બહેન અર્પિતા શર્માએ પણ ઘરે ગણેશની સ્થાપના કરી હતી. અર્પિતાના ઘરે યોજાયેલી આરતીનો એક વીડિયો સામે આવ્યો છે, જેમાં સલમાન ખાન તેની ભત્રીજી આયતને તેની સાથે આરતી કરતી વખતે મદદ કરતો જોવા મળે છે.
ગણેશ ચતુર્થીના અવસર પર અર્પિતા અને આયુષ શર્માના ઘરેથી સામે આવેલા વીડિયોમાં સલમાન ખાન ભત્રીજી આયતનો હાથ પકડીને તેને આરતી કરાવતો જોવા મળે છે. સલમાન અને આયતની ક્યૂટ મોમેન્ટ જોઈને અર્પિતા હસતી જોવા મળે છે.
આ દરમિયાન ખાન પરિવારમાંથી સલમાન ખાનના પિતા સલીમ ખાન, ભાઈ અરબાઝ, તેનો પુત્ર અરહાન, સોહેલ ખાન અને તેનો પુત્ર નિરવાન ખાન પણ હાજર હતા.
પુત્ર નિર્વાણ સાથે આરતી કરતો સોહેલ ખાન.
આ દરમિયાન સલમાન ખાનની કથિત ગર્લફ્રેન્ડ યુલિયા વંતુર પણ પરંપરાગત અંદાજમાં જોવા મળી હતી.
ઓરી ઉર્ફે ઓરહાન પણ આરતી દરમિયાન જોવા મળ્યો હતો. તેઓ પરંપરાગત કુર્તામાં પહોંચ્યા હતા. ઈન્ડસ્ટ્રીના વરુણ શર્માએ પણ આરતીમાં હાજર હતા.
નોંધનીય છે કે, બહેન અર્પિતા શર્માના ઘરે આયોજિત આરતીમાં ભાગ લીધા બાદ, સલમાન ખાન એન્ટિલિયામાં મુકેશ અંબાણીના ઘરે આયોજિત ગણેશ ચતુર્થી સેલિબ્રેશનનો ભાગ બન્યો હતો.
આ હસ્તીઓના ઘરે પણ ભગવાન ગણેશની સ્થાપના કરવામાં આવી છે બોલિવૂડ બાદશાહ શાહરુખ ખાનના ઘર મન્નતમાં પણ ભગવાન ગણેશની સ્થાપના કરવામાં આવે છે. તે દર વર્ષે ગણેશ ચતુર્થીના અવસર પર પોતાના ઘરમાં તેની સ્થાપના કરે છે. અભિનેતાએ પોતાના સોશિયલ મીડિયા એકાઉન્ટ પરથી ભગવાન ગણેશની તસવીર શેર કરી છે.
રકુલ પ્રીત સિંહે પણ લગ્ન બાદ પહેલીવાર પોતાના ઘરમાં ગણેશ સ્થાપિત કર્યા છે. પાપારાઝી સાથેની વાતચીતમાં અભિનેત્રીએ જણાવ્યું કે લગ્ન પછી આ તેની પ્રથમ ગણેશ ચતુર્થી છે. પહેલીવાર તેણે પોતાના ઘરમાં ભગવાન ગણેશની સ્થાપના કરી છે, જેના માટે તે ખૂબ જ ઉત્સાહિત છે. આ પ્રસંગે રકુલ અને જેકીએ પાપારાઝીઓને મીઠાઈ પણ વહેંચી હતી.
અભિનેત્રી શિલ્પા શેટ્ટીએ પણ પોતાના ઘરે ગણપતિ બાપ્પાનું ખૂબ જ ધામધૂમથી સ્વાગત કર્યું છે.
