સલમાને ઈન્દિરા કૃષ્ણનને ધમકી આપી હતી: થપ્પડના સીન પહેલા આપવામાં આવી હતી ચેતવણી, એક્ટ્રેસે કહ્યું- પહેલા હું ખૂબ ડરી ગઈ હતી, પરંતુ તે મજાક કરી રહ્યો હતો

અભિનેત્રી ઈન્દિરા કૃષ્ણને સલમાન ખાન સાથે ફિલ્મ ‘તેરે નામ’માં કામ કર્યું હતું. તાજેતરના એક ઈન્ટરવ્યૂમાં ઈન્દિરાએ ખુલાસો કર્યો હતો કે તેણે એક સીનમાં સલમાન ખાનને થપ્પડ મારી હતી. જો કે આ શૂટિંગ પહેલા સલમાન ખાને તેને ધમકી આપી હતી. તેણે કહ્યું હતું કે જો ઈન્દિરા તેમને જોરથી થપ્પડ મારશે તો તેઓ હંગામો મચાવશે. જોકે સલમાને આ બધી વાતો મજાકમાં કહી હતી.

જોઈન ફિલ્મ્સ YouTube ચેનલ સાથેના એક ઈન્ટરવ્યૂમાં ઈન્દિરા કૃષ્ણને સલમાન ખાન સાથે કામ કરવાની વાતો શેર કરી હતી. તેણે કહ્યું, ‘સલમાને મારી સાથે મજાક કરી હતી. થપ્પડના સીન પહેલા તેણે કહ્યું હતું – ‘ઈન્દિરા, જો થોડું પણ વાગ્યુંને તો જો જો હું શું કરું છું. હું હંગામો મચાવીશ.’

‘આ સાંભળીને હું ડરી ગઈ અને ગભરાઈ ગઈ. મારા હાથ ધ્રૂજતા હતા. મારા પર દબાણ હતું કે હું સીન કેવી રીતે કરીશ. જોકે, બાદમાં તમામ ટેન્શનનો અંત આવ્યો કારણ કે તેણે આ બધું મજાકમાં કહ્યું હતું.’

ઈન્દિરાએ કહ્યું- સલમાન મસ્તી-પ્રેમી વ્યક્તિ છે ઈન્દિરાએ વધુમાં કહ્યું કે સલમાન ખૂબ જ સ્વીટ વ્યક્તિ છે. તેમની સાથે કામ કરવું સરળ છે. સાથે જ તેને મસ્તી સાથે કામ કરવાનું પણ પસંદ છે.

આ ફિલ્મે 24.54 કરોડની કમાણી કરી હતી નોંધનીય છે કે, 2003માં રિલીઝ થયેલી તેરે નામ રોમેન્ટિક જોનરની ફિલ્મ છે. આ ફિલ્મમાં સલમાન ખાન ઉપરાંત ભૂમિકા, રવિ કૃષ્ણ, મહિમા ચૌધરી જેવા સેલેબ્સે કામ કર્યું હતું. આ ફિલ્મ સતીશ કૌશિક દ્વારા નિર્દેશિત કરવામાં આવી હતી. 10 કરોડના બજેટમાં બનેલી આ ફિલ્મે 24.54 કરોડની કમાણી કરી હતી.