ફિલ્મ ‘ઈમરજન્સી’ની નવી રિલીઝ ડેટ જાહેર: કંગના રનૌતે કરી જાહેરાત- 17 જાન્યુઆરી, 2025ના રોજ રિલીઝ થશે, ફિલ્મનું સર્ટિફિકેટ સેન્સર બોર્ડે રોક્યું હતું

સર્ટિફિકેટના અભાવે ફિલ્મની રિલીઝ અટકાવી દેવામાં આવી હતી ફિલ્મ ‘ઈમરજન્સી’ 14 જૂન, 2024ના રોજ રીલિઝ થવાની હતી. જોકે, લોકસભાની ચૂંટણીને કારણે તેને મોકૂફ રાખવામાં આવી હતી. આ ફિલ્મ 6 સપ્ટેમ્બર 2024ના રોજ રીલિઝ થવાની હતી, જોકે, રિલીઝના થોડા દિવસો પહેલા જ સેન્સર બોર્ડે ફિલ્મને સર્ટિફિકેટ આપવાની ના પાડી દીધી હતી. આરોપ છે કે ફિલ્મમાં વિવાદાસ્પદ દ્રશ્યો છે, જેના કારણે શાંતિ ડહોળી શકે છે.

30 ઓગસ્ટના રોજ કંગનાએ જણાવ્યું હતું કે તેની ફિલ્મ ‘ઇમરજન્સી’ પાસ થઈ ગઈ હતી, પરંતુ કેટલાક શક્તિશાળી લોકોના દબાણને કારણે સેન્સર બોર્ડે ફિલ્મને સર્ટિફિકેટ આપવાનો ઈન્કાર કરી દીધો હતો. આ મામલે કંગના હાઈકોર્ટ પહોંચી હતી. શીખ સમુદાયના કેટલાક વાંધાજનક દ્રશ્યોને કારણે તેલંગાણામાં પણ ફિલ્મ પર પ્રતિબંધ મૂકવાની માંગ કરવામાં આવી હતી.

આ ફિલ્મ 17 ઓક્ટોબરે સેન્સર બોર્ડમાંથી પાસ થઈ ગઈ હતી સર્ટિફિકેશનના મુદ્દા પર નિર્ણય બાકી હોય ત્યાં સુધી ફિલ્મની રિલીઝને રોકી દેવામાં આવી હતી. કંગના વિરુદ્ધ દેશભરમાં અનેક ફરિયાદો દાખલ કરવામાં આવી હતી અને ફિલ્મ પર પ્રતિબંધ મૂકવાની માંગ કરવામાં આવી હતી. શીખ સમુદાયે પણ કંગના અને ફિલ્મનો જોરદાર વિરોધ કર્યો હતો. કંગના રનૌતે 17 ઓક્ટોબરે કહ્યું હતું કે આ ફિલ્મને સેન્સર બોર્ડે પાસ કરી દીધી છે.

ફિલ્મ ‘ઈમરજન્સી’ પૂર્વ વડાપ્રધાન ઈન્દિરા ગાંધી અને ભારતમાં લાદવામાં આવેલી ઈમરજન્સી પર આધારિત છે. ફિલ્મમાં ઈન્દિરા ગાંધીની ભૂમિકા ભજવવાની સાથે કંગનાએ તેનું દિગ્દર્શન પણ કર્યું છે. ફિલ્મમાં તેની સાથે અનુપમ ખેર, મહિમા ચૌધરી, શ્રેયસ તલપડે મહત્ત્વની ભૂમિકામાં છે.

કંગનાનો આગામી પ્રોજેક્ટ ‘ભારત ભાગ્ય વિધાતા’ કંગના રનૌતે થોડા દિવસ પહેલા જ તેના આગામી પ્રોજેક્ટ ‘ભારત ભાગ્ય વિધાતા’ની જાહેરાત કરી હતી. કંગનાએ ટ્વીટ કરીને માહિતી આપી હતી કે, સ્ક્રીન પર વાસ્તવિક જીવનની વીરતાનો જાદુ જોવા માટે તૈયાર રહો. આ ફિલ્મની જાહેરાત કરવા માટે ઉત્સાહિત છું.

U/A પ્રમાણપત્ર શું છે તે જાણો ​​​​​​​U/A પ્રમાણપત્રનો અર્થ છે ‘સાવધાની સાથે અપ્રતિબંધિત’. આવી ફિલ્મોને 2 વર્ષથી ઓછી ઉંમરના પ્રેક્ષકો માટે માતાપિતાના માર્ગદર્શનની જરૂર હોય છે. આ ફિલ્મો પરિવાર સાથે જોઈ શકાય છે, પરંતુ બાળકોને મોટાઓના માર્ગદર્શનની જરૂર હોય છે.