‘યશ રાજ અને ધર્મા પ્રોડક્શન ધમંડી’: વિક્રમ કાપડિયાએ કહ્યું- બંને બેનર બ્રેક આપે છે પણ માન નહીં, ઓછી કિંમતે કામ કઢાવશે

‘મેડ ઈન હેવન’, ‘યોદ્ધા’, ‘ધ નાઈટ મેનેજર’ અને ‘ધ આર્ચીઝ’ જેવી ફિલ્મોમાં કામ કરી ચૂકેલા એક્ટર વિક્રમ કાપડિયાએ બોલિવૂડના બે મોટા પ્રોડક્શન હાઉસ પર પોતાનો ગુસ્સો ઠાલવ્યો છે. એક્ટરે કરન જોહરના ધર્મા પ્રોડક્શન અને આદિત્ય ચોપરાના યશ રાજ બેનરને ઘમંડી ગણાવ્યા છે. તેને કહ્યું કે બંને બેનરના આ અહંકારને કારણે ઘણા કલાકારો પણ પરેશાન છે.

ફિલ્મો અને ટીવી શો ઉપરાંત અભિનેતા વિક્રમ કાપડિયા થિયેટર ક્ષેત્રે પણ સક્રિય છે.

અમે મોટા બેનર છીએ તેથી અમે ઓછા પૈસા આપીશું ‘બોલિવૂડ નાઉ’ને આપેલા ઈન્ટરવ્યુમાં વિક્રમે કહ્યું, ‘યશરાજ અને ધર્માને થોડો ઘંમડ છે કે અમે મોટા બેનર્સ છીએ, તેથી અમે તમને થોડા ઓછા પૈસા આપીશું. પણ અમે આપીએ છીએ એટલે ઓછા પૈસામાં પણ તમે ખુશ રહો. મને લાગે છે કે તે દરેક સાથે આવું કરે છે અને તેથી જ તમામ કલાકારો નારાજ છે.

ઓછી કિંમત આપશે પણ પૈસા સમયસર આવશે બંને બેનર્સની પેમેન્ટ પ્રક્રિયાનો ઉલ્લેખ કરતા વિક્રમે કહ્યું – ‘એક લેખક તરીકે યશ રાજે મને સારા પૈસા ચૂકવ્યા પરંતુ તેના મનમાં ક્યાંક ને ક્યાંક એવી લાગણી છે કે આપણે યશ રાજ છીએ. તે તમને રોલ પણ આપે છે અને બ્રેક પણ આપે છે, તેથી જો તે તમને થોડી ઓછી કિંમત આપે તો પણ પૈસા સમયસર જ આવે છે.

પિતા યશ ચોપરા સાથે યશ રાજ બેનરના વર્તમાન માલિક આદિત્ય ચોપરા.

અભિનેતાએ બાલાજીના વખાણ કર્યા વિક્રમે તેની કારકિર્દીની શરૂઆતમાં એકતા કપૂરના ઘણા ટીવી શો પણ કર્યા છે. એકતા કપૂરના બેનર બાલાજી ટેલિફિલ્મ્સના વખાણ કરતાં તેને કહ્યું- આ મામલે બાલાજીનું કામ શાનદાર છે. તે દર મહિનાની 23મી તારીખે તમને ચેક આપે છે. જો તમે શહેરમાં નથી, તો તે તમારા ખાતાની વિગતો લે છે અને તમારા પૈસા તમને મોકલે છે.

યશ રાજ અને ધર્માની શરૂઆત 70ના દાયકામાં થઈ હતી ફિલ્મ નિર્માણ અને વિતરણ કંપની યશ રાજની શરૂઆત 1970માં પ્રખ્યાત ફિલ્મ નિર્માતા યશ ચોપરા દ્વારા કરવામાં આવી હતી. 2012 થી તેમના મોટા પુત્ર આદિત્ય ચોપરાએ આ બેનર સંભાળ્યું છે. આજે તે દેશની સૌથી મોટી ફિલ્મ પ્રોડક્શન કંપનીઓમાંની એક છે.

જ્યારે ધર્માની શરૂઆત વર્ષ 1979માં નિર્માતા યશ જોહરે કરી હતી. બેનરની પ્રથમ ફિલ્મ અમિતાભ બચ્ચન અભિનીત ‘દોસ્તાના’ હતી જે વર્ષ 1980ની સૌથી વધુ કમાણી કરનારી ફિલ્મ બની હતી. 2004માં યશ જોહરના અવસાન બાદ તેનો પુત્ર કરન જોહર તેનું સંચાલન કરી રહ્યો છે.

કરન જોહરે 2004માં ધર્મા પ્રોડક્શનની જવાબદારી સંભાળી હતી.

કરન જોહરે કહ્યું હતું કે કલાકારો વધુ ફી માંગે છે હાલમાં જ ધર્મા પ્રોડક્શનના માલિક કરન જોહરે એક્ટર્સની વધુ ફીની માંગ અંગે વાત કરી હતી. ફિલ્મ નિર્માતાએ કહ્યું હતું કે કલાકારો ખૂબ ઊંચી ફી માંગે છે પરંતુ તે જોતા નથી કે ફિલ્મ તેમની ફીના અડધી પણ કમાણી કરી શકી નથી. કલાકારોએ સમજવું જોઈએ કે હવે જમાનો કેવો છે. ફિલ્મોનું વાતાવરણ કેવું છે?