2 કલાક પેહલા
- કૉપી લિંક
માલદીવના PM અમેરિકામાં છે. તેમણે પ્રિન્સટન યુનિવર્સિટીમાં આયોજિત એક કાર્યક્રમમાં પોતાના વિચારો વ્યક્ત કર્યા હતા.
માલદીવના રાષ્ટ્રપતિ મોહમ્મદ મુઈઝ્ઝુએ ક્યારેય ‘ઈન્ડિયા આઉટ’ એજન્ડાને ચલાવવાનો ઈન્કાર કર્યો છે. તેમણે કહ્યું કે તેઓ ક્યારેય ભારતની વિરુદ્ધમાં નથી. માત્ર ભારતીય સૈનિકોની હાજરી માલદીવ માટે એક ગંભીર સમસ્યા હતી.
મુઈઝ્ઝુ સંયુક્ત રાષ્ટ્ર મહાસભાને સંબોધવા માટે અમેરિકા ગયા છે. આ દરમિયાન તેઓ પ્રિન્સટન યુનિવર્સિટી પહોંચ્યા હતા. અહીં તેમણે આ વાત કરી હતી.
માલદીવના PMએ કહ્યું- અમે ક્યારેય કોઈ દેશની વિરુદ્ધ રહ્યા નથી. માલદીવના લોકોને વિદેશી સૈનિકોની સમસ્યા હતી. લોકો દેશમાં એક પણ વિદેશી સૈનિકની તહેનાતી ઈચ્છતા નહોતા.
ડિસેમ્બર 2023માં આયોજિત COP 28 કોન્ફરન્સ દરમિયાન વડાપ્રધાન મોદી અને રાષ્ટ્રપતિ મુઇઝ્ઝુ વચ્ચે પ્રથમ મુલાકાત થઈ હતી.
પીએમ મોદી પર ટિપ્પણી કરનારાઓ સામે કાર્યવાહી પીએમ મુઈઝ્ઝુએ કહ્યું કે સોશિયલ મીડિયા પર ભારતીય પીએમનું અપમાન કરવા બદલ તેમણે મંત્રીઓ સામે કાર્યવાહી કરી છે. તેમણે કહ્યું-
આવી વાત કોઈએ ન કરવી જોઈએ. હું કોઈનું પણ આ પ્રકારનું અપમાન સહન નહીં કરું, પછી તે નેતા હોય કે સામાન્ય માણસ. દરેકનું પોતાનું માન હોય છે.
આ વર્ષની શરૂઆતમાં માલદીવ સરકારમાં ડેપ્યુટી યુથ મિનિસ્ટર માલશા શરીફ અને મરિયમ શિયુનાએ સોશિયલ મીડિયા પર વડાપ્રધાન વિરુદ્ધ ટિપ્પણીઓ કરી હતી. આ પછી ભારતમાં સોશિયલ મીડિયા પર માલદીવ સામે રોષ જોવા મળ્યો હતો.
મુઇઝ્ઝુ રાષ્ટ્રપતિ બન્યા બાદ ભારત-માલદીવ વચ્ચે તણાવ વધ્યો નવેમ્બર 2023માં મુઈઝ્ઝુએ સત્તા સંભાળ્યા બાદ બંને દેશો વચ્ચે તણાવ સર્જાયો હતો. મુઈઝ્ઝુ રાષ્ટ્રપતિ બનતા પહેલા જ માલદીવમાંથી ભારતીય સૈનિકોને હટાવવાની માંગ કરી રહ્યા હતા. 45 વર્ષીય મુઈઝ્ઝુએ ચૂંટણીમાં ભારત સમર્થક ઉમેદવાર મોહમ્મદ સોલિહને હરાવ્યા હતા.
મુઈઝુએ કહ્યું હતું કે જો ભારત તેની સેનાને પરત નહીં બોલાવે તો તે માલદીવના લોકોની લોકતાંત્રિક સ્વતંત્રતાનું અપમાન હશે. મુઈઝ્ઝુએ ભારતીય સૈનિકોની તહેનાતીને માલદીવમાં લોકશાહીના ભવિષ્ય માટે ખતરો ગણાવ્યો હતો. તેમણે કહ્યું કે સંસદની મંજુરી વિના દેશમાં બીજા દેશની સેનાની હાજરી બંધારણની વિરુદ્ધ છે.
મુઇઝ્ઝુ તેમની પ્રથમ સ્ટેટ વિઝિટ પર ચીન ગયા હતા. આ પહેલા માલદીવના દરેક રાષ્ટ્રપતિ પોતાની પ્રથમ સ્ટેટ વિઝિટ પર માત્ર ભારત જ આવતા હતા.
મુઈઝ્ઝુ ટૂંક સમયમાં ભારત પ્રવાસે આવશે મુઈઝ્ઝુ ટૂંક સમયમાં ભારતની પ્રથમ સત્તાવાર મુલાકાતે આવશે. મુઈઝ્ઝુના પ્રવક્તાએ 10 સપ્ટેમ્બરે આ માહિતી આપી હતી. ગયા મહિને જ તેમની મુલાકાત થવાની હતી પરંતુ કેટલાક કારણોસર તે મોકૂફ રાખવામાં આવી હતી. તેઓ હવે ઓક્ટોબરમાં ભારત આવી શકે છે. આ પહેલા મુઈઝ્ઝુ 9 જૂને વડાપ્રધાન મોદીના શપથ ગ્રહણમાં ભાગ લેવા માટે ભારત આવ્યા હતા.
