8 મિનિટ પેહલા
- કૉપી લિંક
સોમવારે બાંગ્લાદેશમાં વડાપ્રધાન શેખ હસીનાના રાજીનામાની માગ સાથે 4 લાખ પ્રદર્શનકારીઓ રસ્તા પર ઉતરી આવ્યા હતા. બપોર સુધીમાં હસીનાએ રાજીનામું આપ્યું એટલું જ નહીં, દેશ છોડીને ભાગી પણ ગયા.
તેમના રાજીનામાના સમાચાર આર્મી ચીફ વકાર-ઉઝ-ઝમાને બાંગ્લાદેશના લોકોને આપ્યા હતા. તેમણે કહ્યું કે હવે દેશમાં વચગાળાની સરકાર બનશે. અહેવાલો અનુસાર બાંગ્લાદેશ છોડતી વખતે શેખ હસીનાએ માગ કરી હતી કે તેમને પોતાના બચાવમાં દેશના નામે સંદેશ રેકોર્ડ કરવાની મંજૂરી આપવામાં આવે. પરંતુ તેમને આ કરવાની મંજૂરી મળી નહીં. તેઓ હાલ ભારતમાં છે.
ગઈકાલ સુધી જે તેમનું વડાપ્રધાન કાર્યાલય હતું, તેમાં ગેટ કૂદીને પ્રદર્શનકારી ઘૂસી ગયા. ત્યાં લૂટ મચાવી, ભોજન કર્યું અને સૂઈ પણ ગયા. બાંગ્લાદેશમાં 5 ઓગસ્ટના રોજ શું-શું થયું તે 20 તસવીર અને વીડિયોઝમાં જુઓ
1971માં જ્યારે બાંગ્લાદેશને પાકિસ્તાનથી આઝાદી મળી ત્યારે તેનું નેતૃત્વ શેખ મુજીબુર રહેમાન કરી રહ્યા હતા. 5 ઓગસ્ટના રોજ જ્યારે પ્રદર્શનકારીઓ તેમની પુત્રી શેખ હસીના વિરુદ્ધ રસ્તા પર ઉતર્યા ત્યારે તેઓએ મુજીબની પ્રતિમા પણ તોડી નાખી હતી. આ તસવીર બાંગ્લાદેશના ઈતિહાસમાં કાયમ માટે નોંધાઈ ગઈ.
બાંગ્લાદેશ આર્મી પર આરોપ છે કે જ્યારે પ્રદર્શનકારીઓ હસીના સરકાર સામે ગુસ્સે થઈ રહ્યા હતા ત્યારે સેનાએ કાર્યવાહી કરી ન હતી. પ્રદર્શનકારીઓએ સૈનિકો સાથે હાથ મિલાવતા જોવા મળ્યા હતા.
શેખ હસીના બાંગ્લાદેશમાં સતત 15 વર્ષ સુધી સત્તામાં રહ્યા, જ્યારે સોમવારે તેમની પાસેથી સત્તા છીનવાઈ ગઈ, ત્યારે વિરોધીઓ સીધા વડાપ્રધાનના નિવાસસ્થાને પહોંચ્યા. ત્યાં બાંગ્લાદેશનો ધ્વજ પણ ફરકાવવામાં આવ્યો હતો.
પ્રદર્શનકારીઓએ 215 એકરમાં ફેલાયેલી બાંગ્લાદેશ સંસદની ઇમારતને પણ ઘેરી લીધી હતી. હસીનાએ આ સંસદમાં 6 મહિના પહેલા જ પાંચમી વખત વડાપ્રધાન તરીકે શપથ લીધા હતા.
બાંગ્લાદેશમાં આર્મી ચીફને મળ્યા બાદ રાષ્ટ્રપતિએ જાહેરાત કરી છે કે ધરપકડ કરાયેલા તમામ વિરોધ પ્રદર્શનકારી વિદ્યાર્થીઓને મુક્ત કરવામાં આવશે. પ્રદર્શનકારીઓએ હસીનાના દેશમાંથી બહાર જવા પર ઉજવણી કરી હતી.
રવિવાર એટલે કે 4 ઓગસ્ટથી બાંગ્લાદેશમાં સ્થિતિ વણસવા લાગી હતી. સમગ્ર દેશમાં કર્ફ્યુ લાદવામાં આવ્યો, સેના તૈનાત કરવામાં આવી.
4 અને 5 ઓગસ્ટના રોજ સમગ્ર ઢાકામાં ભારે હિંસા થઈ હતી. પ્રદર્શનકારીઓએ પીએમ શેખ હસીનાના રાજીનામાની માગ સાથે ઘર, ઓફિસ અને દુકાનોને સળગાવી દીધી હતી.
ઢાકામાં દેખાવકારો શેખ હસીનાના રાજીનામાની ઉજવણી કરી. વિદ્યાર્થીઓએ રસ્તાઓ પર સ્મોક ગન ફાયર કરીને ખુશી વ્યક્ત કરી હતી.
પ્રદર્શનકારીઓએ PM આવાસમાં ઘૂસીને ત્યાં લૂંટફાટ કરી હતી અને ભોજન પણ લીધું હતું.
બાંગ્લાદેશના સ્થાપક શેખ મુજીબુર રહેમાનના ચિત્રને ક્રેન વડે તોડી રહેલા પ્રદર્શનકારીઓ.
ઢાકા ટ્રિબ્યુન અનુસાર, પ્રદર્શનકારીઓએ જેસોરમાં શેખ હસીનાની અવામી લીગ પાર્ટીના નેતાની હોટલને આગ લગાવી દીધી હતી. જેના કારણે 8 લોકોનાં મોત થયા છે. તે જ સમયે, 84 લોકો ઘાયલ હોવાનું કહેવાય છે. તેમાંથી મોટાભાગના વિદ્યાર્થીઓ છે.
બાંગ્લાદેશના 3 વીડિયો
હેલિકોપ્ટરમાં ઉડાન પહેલા શેખ હસીનાના આ ફૂટેજ વાયરલ થયા
શેખ હસીના 45 દિવસ બાદ 5 ઓગસ્ટના રોજ ફરી ભારત પહોંચ્યા હતા. અગાઉ, જ્યારે તેઓ 21 જૂને ભારત આવ્યા હતા, ત્યારે પીએમ મોદીએ તેમનું રેડ કાર્પેટ સ્વાગત કર્યું હતું. આ વખતે કહાની અલગ છે. હસીના ભારત ચોક્કસપણે આવ્યા છે, પરંતુ પીએમ પદ પરથી રાજીનામું આપ્યા બાદ. એવા સમયે જ્યારે બાંગ્લાદેશના વડાપ્રધાન કાર્યાલય પર પ્રદર્શનકારી વિદ્યાર્થીઓનો કબજો છે.
