તેલ અવીવ2 કલાક પેહલા
- કૉપી લિંક
ટાઈમ્સ ઓફ ઇઝરાયલના અહેવાલ મુજબ ઇઝરાયલ સરકાર ગાઝામાંથી કાઢી મુકવામાં આવેલા લોકોને કોંગો અથવા કેટલાક અન્ય દેશોમાં આશ્રય આપવા માટે આ દેશો સાથે વાતચીત કરી રહી છે.
ઇઝરાયલની જાસૂસી સંસ્થા મોસાદના ચીફ ડેવિડ બાર્નિયાએ કહ્યું છે કે લેબનોનમાં હમાસના ડેપ્યુટી લીડરના મોત બાદ અમારા દેશને ધમકીઓ આપવામાં આવી રહી છે. ડેવિડે કહ્યું- હું દુશ્મનોને કહેવા માંગુ છું કે અમે અને ઇઝરાયલ ડિફેન્સ ફોર્સ (IDF)ના કોઈપણ પડકારનો સામનો કરવા માટે તૈયાર છીએ.
મોસાદના પૂર્વ ચીફ ઝવી ઝમીરના અંતિમ સંસ્કારમાં હાજરી આપ્યા બાદ ડેવિડે કહ્યું- 7 ઓક્ટોબરે અમારા દેશ પર હુમલો કરનારાઓએ માત્ર એટલું યાદ રાખવું જોઈએ કે તેમણે પોતાના ડેથ વોરંટ પર હસ્તાક્ષર કર્યા છે.
IDFનું પણ આ નિવેદન
- મોસાદ ચીફના નિવેદન બાદ IDFએ પણ લગભગ આવું જ કહ્યું. લેબનોનમાં હમાસના ડેપ્યુટી લીડરના મોત બાદ ગાઝામાં હિંસા વધી શકે છે અને તેની અસર સમગ્ર આરબ જગત પર પણ પડી શકે છે તેવી આશંકા છે.
- આ સંદર્ભમાં પૂછવામાં આવેલા એક પ્રશ્ન પર IDF અધિકારીએ કહ્યું – અમે કોઈપણ પરિસ્થિતિ અથવા પડકારનો સામનો કરવા માટે તૈયાર છીએ. ઇઝરાયલ હવે કોઈ પણ સંજોગોમાં પીછેહઠ નહીં કરે. અમે ઘણી વખત સ્પષ્ટ કર્યું છે કે 7 ઓક્ટોબરે આપણા દેશ પર હુમલો કરનારાઓને કોઈપણ કિંમતે છોડવામાં આવશે નહીં. આ માટે તૈયારીઓ કરવામાં આવી છે.
- જો કે, ખાસ વાત એ છે કે હમાસના ડેપ્યુટી લીડર સાલેહ અલ અરૂરીની હત્યા પર ઇઝરાયલની સેના સીધું નિવેદન આપી રહી નથી. ઇઝરાયલની સેનાએ માત્ર એટલું જ કહ્યું કે તે પરિસ્થિતિ પર ચાંપતી નજર રાખી રહી છે. હુમલાનો જવાબ હુમલાથી જ આપવામાં આવશે.
ઇઝરાયલની જાસૂસી સંસ્થા મોસાદના ચીફ ડેવિડ બાર્નિયાએ કહ્યું છે કે લેબનોનમાં હમાસના ડેપ્યુટી લીડરના મોત બાદ આપણા દેશને ધમકીઓ આપવામાં આવી રહી છે. (ફાઈલ)
તુર્કીમાં 33 લોકોની ધરપકડ
- મીડિયા રિપોર્ટ્સ અનુસાર, તુર્કીમાં રાષ્ટ્રપતિ રેસેપ તૈયપ એર્દોગનની સરકારે દેશમાં સ્પેશિયલ ઓપરેશન હાથ ધરીને 33 લોકોની ધરપકડ કરી છે. તેમના પર ઇઝરાયલ માટે જાસૂસી કરવાનો આરોપ છે. જો કે, આમાંથી કેટલા લોકો ઇઝરાયલના નાગરિક છે અને કેટલા તુર્કી છે તે જણાવવામાં આવ્યું ન હતું.
- ગૃહમંત્રી અલી યર્લિકાયાએ કહ્યું- ઇઝરાયલ માટે જાસૂસી કરનારાઓને શોધવા માટે વિશેષ ઓપરેશન શરૂ કરવામાં આવ્યું છે. આ માટે ઘણી ટીમો કામ કરી રહી છે. અમે 33 લોકોની ધરપકડ કરી છે. 13 લોકોની શોધ ચાલી રહી છે. તેઓ હજુ પણ ફરાર છે.
- થોડા દિવસો પહેલા રાષ્ટ્રપતિ એર્દોગને કહ્યું હતું કે ઇઝરાયલ માટે કામ કરનારા અને પેલેસ્ટિનિયન લોકોનો વિરોધ કરનારાઓને બક્ષવામાં આવશે નહીં. આ પછી કેટલાક ઈઝરાયલી લોકોની પણ ધરપકડ કરવામાં આવી હતી. જોકે બાદમાં તેઓને છોડી મુકવામાં આવ્યા હતા.
