પથારીમાં કેટલો સમય રહેવું બેસ્ટ: આરામ કરો, આળસ નહીં, સમય બગાડવાની બદલે સમજદારીપૂર્વક ઉપયોગ કરો; ઘસઘસાટ ઊંઘ માટે હેલ્ધી ટિપ્સ અપનાવો

આખો દિવસ દોડધામ કર્યા બાદ જયારે આપણે બેડ પર સુઈએ છીએ ત્યારે આપણને સ્વર્ગ જેવું લાગે છે. તેને દુનિયાનો સૌથી મોટો આનંદ પણ કહેવું ખોટું નથી. પરંતુ સવારની શરૂઆત કરતાં પહેલાં પથારીમાંથી ઉઠવું એટલું જ મુશ્કેલ છે.

આપણા પૈકી ઘણા સવાર માટે ઘડિયાળમાં બે-ત્રણ એલાર્મ લગાવે છે, કારણ કે તેઓ જાણે છે કે પ્રથમ એલાર્મ પહેલાં તેઓ પથારીમાંથી બહાર નીકળી શકશે નહીં. જો તમારી પાસે ખાલી સમય હોય, તો સવારે ઉઠ્યા પછી થોડો સમય પથારીમાં સૂવાથી શું ફાયદા અને ગેરફાયદા છે? આવો, આરામ અને આળસ વચ્ચેનો તફાવત જાણીએ.

સમયની બરબાદી કે સદુપયોગ
ઘણા લોકો માને છે કે બિનજરૂરી રીતે પથારીમાં સૂવું એ સમયનો વ્યય છે. પરંતુ આ સંપૂર્ણપણે યોગ્ય નથી. પથારી પર સૂવું એ સમય છે જ્યારે આપણે આરામ કરીએ છીએ અને આપણી જાત સાથે સમય પસાર કરીએ છીએ. તમારી જાતને પ્રેમ કરવો એ તણાવ અને ઘણી બીમારીઓથી દૂર રહેવાનો એક સરળ રસ્તો છે. ઘણા લોકોને આ સમય દરમિયાન આવા તેજસ્વી વિચારો આવે છે જે તેમનું જીવન બદલી નાખે છે. જો તમે સવારે ઉઠતાની સાથે જ તમારા મોબાઈલમાં ફસાઈ જાવ અને સોશિયલ મીડિયા પર રીલ્સ અને વીડિયો જોવામાં કલાકો વિતાવતા હો તો તે પથારીમાં સૂવા કરતાં વધુ નુકસાનકારક છે.

આરામ કરો અથવા કામ કરો
જો તમે અગત્યનું કામ છોડીને પથારીમાં સૂઈ જાઓ તો તે સમયનો વ્યય છે. તમારા નવરાશનો સમય પથારીમાં આળસ કરવામાં વિતાવવો એ ઠીક છે, પરંતુ કામને બાજુ પર રાખીને આરામ કરવાથી તમે મુશ્કેલીમાં મુકાઈ શકો છો.

કેટલાક લોકો પથારીમાં હોય ત્યારે ફોન પર વાત કરવા, ઈમેલ ચેક કરવા, સમાચાર જોવા જેવા કામો કરે છે. આમ કરવાથી થોડા સમય માટે સારું લાગે છે, પરંતુ લાંબા સમય સુધી પથારીમાં પડીને કામ કરવાથી તમને અસ્વસ્થતા અને તણાવ રહે છે. કલાકો સુધી પથારી પર સૂઈને કામ કરવાથી તમને તે ખુશી નહીં મળે જે તમે માત્ર પથારી પર થોડો સમય સૂવાથી મેળવી શકો છો.

પોતાની જાત સાથે સમય પસાર કરો
આપણે આપણા દિવસની શરૂઆત કેવી રીતે કરીએ છીએ તે અંગે જાગૃત રહેવું આપણા બધા માટે જરૂરી છે. પથારીમાંથી બહાર નીકળતાની સાથે જ તમારા તણાવમાં વધારો થાય તેવા કાર્યો કરવાનું શરૂ ન કરો. સવારે ઉઠ્યા પછી પોતાને થોડો સમય આપો, પોતાની સાથે સમય વિતાવો. આનાથી તમે તમારા દિવસનું સારી રીતે પ્લાનિંગ કરી શકો છો. આ સમય દરમિયાન, જો તમે ઇચ્છો, તો તમે તમારું મનપસંદ સંગીત સાંભળી શકો છો.

સ્વરે જગ્યા બાદ 15થી 30 મિનિટમાં પથારી છોડી દેવી
જો તમને જાગ્યા પછી થોડીવાર પથારીમાં સૂવું સારું લાગે અને તે તમારી દિનચર્યાનો ભાગ છે, તો તે દરરોજ કરો. સવારે ઉઠ્યા પછી તમારે કેટલા સમય સુધી પથારીમાં સૂવું જોઈએ તેના કોઈ નિશ્ચિત નિયમો નથી. પરંતુ જો તમે દરરોજ આ કરો છો, તો સવારે ઉઠ્યા પછી તમારે 15 થી 30 મિનિટ પછી પથારી છોડી દેવી જોઈએ.

આરામના ફાયદા
બેડ આરામ એ ઊંઘનો વિકલ્પ નથી. પરંતુ જો તમે થોડો આરામ કર્યા પછી સારું અનુભવો છો, તો તમને ચોક્કસપણે કેટલાક લાભો મળી શકે છે, પછી ભલે તે ઊંઘ સમાન ન હોય. જો શરીરને આરામની જરૂર હોય તો તમારે શરીરને સાંભળવું જોઈએ.

આરામ કરવાના ઘણા ફાયદા છે. નવરાશના સમયમાં આરામ કરવાથી તણાવ દૂર થાય છે, તમને સારું લાગે છે, માનસિક સ્વાસ્થ્ય સુધરે છે, ત્વચા યંગ દેખાઇ છે, રોગપ્રતિકારક શક્તિ વધે છે અને યાદશક્તિ સારી રહે છે. પરંતુ કેટલાક લોકો વીકએન્ડમાં આખો દિવસ પથારીમાં જ રહે છે, આવું ન કરો. જેના કારણે દોષ લાગે છે અને ઘણા અગત્યના કાર્યો પણ અટકી શકે છે.

સારી ઊંઘ એ આશીર્વાદ છે
આજની સ્પર્ધાત્મક દુનિયામાં તણાવથી બચવું મુશ્કેલ છે, પરંતુ સારી ઊંઘ ઘણી હદ સુધી તણાવને દૂર કરે છે. ઊંઘના અભાવે અકાળે કરચલીઓ પડી જાય છે. આંખોની નીચે સોજો અને ડાર્ક સર્કલ છે. ત્વચા શુષ્ક અને વાળ નિર્જીવ થઈ જાય છે. સારી ઊંઘ માટે પથારી આરામદાયક હોવી જોઈએ. તેમજ બેડશીટ, ઓશીકાનું કવર વગેરે પણ સ્વચ્છ અને નરમ હોવા જોઈએ.

સારી ઊંઘ માટે આરોગ્યપ્રદ ટીપ્સ
ઊંઘની ગુણવત્તા સુધારવા માટે સારી ઊંઘની આદતો અપનાવવી અને ઊંઘ માટે સારું વાતાવરણ બનાવવું ખૂબ જ જરૂરી છે.

સતત ઊંઘનું સમયપત્રક જાળવો. દરરોજ એક જ સમયે સૂવા જાઓ અને સવારે એક જ સમયે ઉઠો, વીકએન્ડમાં પણ આ જ કામ કરો

સૂતા પહેલાં વાંચવું, ગરમ પાણીથી સ્નાન કરવું અથવા સારું સંગીત સાંભળવું ફાયદાકારક છે.

બેડરૂમનું વાતાવરણ આરામદાયક હોવું જોઈએ. આ માટે સારું ગાદલું, ઓશીકું અને બેડશીટ ખરીદો. બેડરૂમ ઠંડુ, હૂંફાળું અને શાંત હોવું જોઈએ.

સૂતા પહેલાં તમારા મોબાઈલને તમારાથી દૂર રાખો. સોશિયલ મીડિયા પર રીલ્સ અને વીડિયો જોવાનું ટાળો.

સ્વસ્થ આહાર લો. સૂતા પહેલાં ભારે ખોરાક ખાવાનું ટાળો. સૂતા પહેલાં કેફીન અને આલ્કોહોલનું સેવન ટાળો, તે ઊંઘમાં ખલેલ પહોંચાડે છે.

યોગ કરો, ધ્યાન કરો, સારું પુસ્તક વાંચો.