મહિલાઓ નાની ઉંમરે વાળ ખરવાની સમસ્યાથી પરેશાન: જાણો આંતરડા અને તમારા વાળ વચ્ચેનો સંબંધ; ટ્રાઇકોલોજિસ્ટ કહે છે આહારમાં ફેરફારથી મળી શકે છે સમાધાન

વાળ ખરવા એ એક ગંભીર સમસ્યા છે. ખાસ કરીને, નાની ઉંમરે સ્ત્રીઓમાં આ સમસ્યા ઝડપથી વધી રહી છે. આ પાછળ ઘણાં કારણો હોઈ શકે છે, જેમ કે બદલાતું હવામાન, આહારમાં ગરબડ, તણાવ, હોર્મોનલ અસંતુલન અને આંતરડાનું સ્વાસ્થ્ય.

તેથી, જો કોઈ મહિલાને વાળ ઝડપથી ખરી રહ્યા હોય, તો તેને અવગણવાને બદલે, તેણે ડૉક્ટરનો સંપર્ક કરવો જોઈએ. જો સમયસર સારવાર કરવામાં આવે તો વાળ ખરતાં અટકાવી શકાય છે. આ ઉપરાંત, યોગ્ય સારવારથી વાળનો વિકાસ સુધરી શકે છે અને વાળ જાડા પણ થઈ શકે છે.

તો, આજે આ કામના સમાચારમાં, આપણે સ્ત્રીઓમાં વાળ ખરવા પાછળના કારણો વિશે વાત કરીશું. તમે એ પણ જાણશો કે-

નિષ્ણાત: ડૉ. રેશમા ટી. વિશનાની, ટ્રાઇકોલોજિસ્ટ અને ડર્મેટોલોજિસ્ટ, કોકિલાબેન ધીરુભાઇ અંબાણી હોસ્પિટલ, મુંબઈ

પ્રશ્ન- નાની ઉંમરે સ્ત્રીઓમાં વાળ ખરવાના મુખ્ય કારણો શું છે?

જવાબ – વાળ ખરવા એ એક કુદરતી પ્રક્રિયા છે, જેમાં કેટલાક વાળ ખરતા હોય છે અને નવા વાળ ઉગે છે. વાસ્તવિક સમસ્યા ત્યારે ઊભી થાય છે જ્યારે વાળ ખરે છે પણ નવા વાળ ઉગતા નથી.

ટ્રાઇકોલોજિસ્ટ અને ડર્મેટોલોજિસ્ટ ડૉ. રેશ્મા ટી. વિશનાની સમજાવે છે કે સ્ત્રીઓમાં વાળ ખરવાની સમસ્યા ત્યારે થાય છે જ્યારે તેમને દરરોજ ૧૨૫ થી વધુ વાળ ખરે છે. વાળ ખરવાના ઘણા કારણો હોઈ શકે છે. નીચે આપેલા ગ્રાફિક પરથી આ સમજો-

પ્રશ્ન- આંતરડાનાં ખરાબ સ્વાસ્થ્ય અને વાળ ખરવા વચ્ચે શું સંબંધ છે?

જવાબ: વાળ પ્રોટીન, પાણી અને કેટલાક આવશ્યક તત્ત્વોથી બનેલા હોય છે. વાળના વિકાસ માટે, શરીરને ઘણી બધી વસ્તુઓની જરૂર હોય છે, જેમ કે હોર્મોન્સ, ખનિજો અને વિટામિન્સ. જો શરીરમાં આ વસ્તુઓનો અભાવ હોય તો વાળ ખરવા લાગે છે.

આપણે જે પણ ખાઈએ છીએ, તે પેટમાં નાના તત્ત્વોમાં રૂપાંતરિત થાય છે અને શરીરના બાકીના ભાગમાં પહોંચે છે. જો પાચનમાં કોઈ સમસ્યા હોય તો તેનાથી વાળ ખરવા લાગે છે.

પ્રશ્ન: વાળ ખરવા એ કયા પોષકતત્ત્વોની ઊણપ દર્શાવે છે?

જવાબ- વાળ ખરવા એ કેટલાક પોષક તત્ત્વોની ઉણપનું લક્ષણ હોઈ શકે છે. જેમ કે-

પ્રશ્ન- શું ગર્ભાવસ્થા પછી વાળ ખરવા સામાન્ય છે?

જવાબ: ડૉ. રેશ્મા ટી. વિશનાની કહે છે કે, ગર્ભાવસ્થા પછી વાળ ખરવા એ સંપૂર્ણપણે સામાન્ય છે.આને ટેલોજન એફ્લુવિયમ કહેવામાં આવે છે. તે મોટે ભાગે ડિલિવરી પછી 2-4 મહિના પછી શરૂ થાય છે અને લગભગ 6-12 મહિનામાં સામાન્ય થઈ જાય છે. જોકે, જો વાળ ખરવાનું પ્રમાણ વધુ હોય અથવા લાંબા સમય સુધી ચાલુ રહે, તો ડૉક્ટરની સલાહ લેવી વધુ સારું છે.

પ્રશ્ન: શું વધુ પડતી હીટ સ્ટાઇલિંગ અથવા કેમિકલ ટ્રિટમેન્ટ વાળને નબળા બનાવી શકે છે?

જવાબ- હા, બિલકુલ! આનાથી વાળ તૂટવાની સમસ્યા થઈ શકે છે. રિબોન્ડિંગ, સ્મૂથનિંગ, પરમેનેન્ટ સ્ટેટનિંગ, પર્મ્સ અને હેર કલરિંગમાં હાર્ડ કેમિકલ હોય છે જે વાળની ​​કુદરતી રચનાને બદલી નાખે છે, તેને નબળા બનાવે છે. આ ઉપરાંત, બ્લીચિંગ અને હેર ડાઈ કરવાથી માથાની ચામડી શુષ્ક થઈ શકે છે અને વાળ ખરવા લાગે છે.

પ્રશ્ન- તણાવ અને વાળ ખરવા વચ્ચે શું સંબંધ છે?

જવાબ- વાળ ખરવામાં તણાવ મોટી ભૂમિકા ભજવી શકે છે. આનાથી ટેલોજન એફ્લુવિયમ જેવી સમસ્યાઓ થઈ શકે છે, જેમાં વાળના (રોમ છિદ્રો) ફોલિકલ્સ વહેલા આરામના તબક્કામાં જાય છે, જેના કારણે વાળ ઝડપથી ખરવા લાગે છે. આ ઉપરાંત, લાંબા ગાળાના તણાવથી એલોપેસીયા એરિયાટા જેવી સમસ્યાઓ પણ વધી શકે છે. આ એક એવો રોગ છે જેમાં શરીરની રોગપ્રતિકારક શક્તિ વાળના ફોલિકલ્સને નુકસાન પહોંચાડે છે, જેના કારણે વાળ ખરવા લાગે છે.

પ્રશ્ન- બિનઆરોગ્યપ્રદ ખોરાક વાળ પર શું અસર કરે છે?

જવાબ: બિનઆરોગ્યપ્રદ આહારની સીધી અસર વાળ પર પડે છે કારણ કે આપણા વાળનો વિકાસ અને મજબૂતાઈ પોષક તત્ત્વો પર આધારિત છે. જો આહાર યોગ્ય ન હોય તો, વાળ નબળા પડી શકે છે અને ખરી શકે છે, પાતળા થઈ શકે છે અથવા તેમની ચમક ગુમાવી શકે છે.

પ્રશ્ન- વાળ ખરતા અટકાવવા માટે કઈ આદતો બદલવાની જરૂર છે?

જવાબ: જો તમારા વાળ સતત ખરતા રહે છે તો તમારે તમારી જીવનશૈલી અને વાળની ​​સંભાળની દિનચર્યામાં કેટલાક ફેરફાર કરવાની જરૂર છે. યોગ્ય આહાર, વાળની સારી ​​સંભાળ અને તણાવ ઓછો કરીને વાળ મજબૂત બનાવી શકાય છે.

પ્રશ્ન- વાળ ખરતાં અટકાવવા માટે આહારમાં કયા ફેરફારો કરવા જોઈએ?

જવાબ: આ માટે, તમારી ખાવાની આદતોમાં કેટલાક અગત્યના સુધારા જરૂરી છે. જેમ કે-