ભોજપુરી સિંગર ચૂંટણી નહીં લડે: પવનસિંહે આસનસોલ સીટથી પીછેહટ કરી, પૂર્વ કેન્દ્રીય મંત્રી હર્ષવર્ઘન રાજકારણમાંથી નિવૃત થયા

ભોજપુરી ગાયક પવન સિંહે રવિવારે પશ્ચિમ બંગાળની આસનસોલ લોકસભા સીટ પરથી ચૂંટણી લડવાનો ઇનકાર કર્યો હતો. તેણે સોશિયલ મીડિયા પર લખ્યું આ દરમિયાન પાર્ટી અધ્યક્ષ જેપી નડ્ડાએ તેમને દિલ્હી બોલાવ્યા છે.

ભાજપે શનિવારે 2024ની લોકસભા ચૂંટણી માટે 195 ઉમેદવારોની યાદી જાહેર કરી છે. જેમાં પવન સિંહને હિન્દીભાષી આસનસોલ બેઠક પરથી ઉમેદવાર બનાવવામાં આવ્યા હતા. એક સમયે ભાજપમાં રહેલા શત્રુઘ્ન સિંહા હાલમાં અહીંથી ટીએમસીના સાંસદ છે. સિંહા પહેલા ગાયક બાબુલ સુપ્રિયો અહીંથી બે વખત ભાજપના સાંસદ રહી ચૂક્યા છે.

બીજી તરફ, દિલ્હી ભાજપના વરિષ્ઠ નેતા અને પૂર્વ કેન્દ્રીય સ્વાસ્થ્ય મંત્રી ડૉ.હર્ષ વર્ધન રવિવારે સક્રિય રાજકારણમાંથી નિવૃત્ત થયા. હર્ષ વર્ધને સોશિયલ મીડિયા પર લખ્યું કૃષ્ણાનગરનું ક્લિનિક તેમની રાહ જોઈ રહ્યું છે. હર્ષવર્ધન ચાંદની ચોકથી સાંસદ છે. આ વખતે પાર્ટીએ તેમની જગ્યાએ પ્રવીણ ખંડેલવાલને ટિકિટ આપી છે.

ભાજપે શનિવારે સાંજે 16 રાજ્યો અને 2 કેન્દ્રશાસિત પ્રદેશોની 195 બેઠકો માટે ઉમેદવારોની જાહેરાત કરી હતી. 34 કેન્દ્રીય મંત્રીઓને ટિકિટ મળી છે. યાદીમાં 28 મહિલાઓ, 27 એસસી, 18 એસટી, 57 ઓબીસીના નામ છે. 50 વર્ષથી ઓછી ઉંમરના 47 ઉમેદવારો છે, જેમને પાર્ટીએ યુવા ગણાવ્યા છે.

વડાપ્રધાન નરેન્દ્ર મોદી વારાણસીથી અને અમિત શાહ ગાંધીનગરથી જ ચૂંટણી લડશે
વડાપ્રધાન નરેન્દ્ર મોદી વારાણસી અને અમિત શાહ ગાંધીનગરથી જ ચૂંટણી લડશે. મધ્યપ્રદેશના પૂર્વ મુખ્યમંત્રી શિવરાજને વિદિશાથી, ત્રિપુરાના પૂર્વ મુખ્યમંત્રી બિપ્લબ દેબને ત્રિપુરા પશ્ચિમથી અને આસામના પૂર્વ મુખ્યમંત્રી સર્બાનંદ સોનોવાલને ડિબ્રુગઢથી ટિકિટ મળી છે.

પાર્ટીએ પ્રથમ યાદીમાં 34 સાંસદોની ટિકિટ રદ કરી છે. આમાં એવા સાંસદોનો પણ સમાવેશ થાય છે જેઓ સંસદની અંદર અને બહાર પોતાના ભડકાઉ નિવેદનોને કારણે વિવાદોમાં રહ્યા હતા. તેમાંથી ભોપાલના સાંસદ સાધ્વી પ્રજ્ઞા, દિલ્હીના બે સાંસદ રમેશ વિધુરી અને પ્રવેશ વર્માને પણ ટિકિટ આપવામાં આવી નથી.