Related posts
નવી દિલ્હી7 મિનિટ પેહલા
- કૉપી લિંક
અમેરિકામાં બિઝનેસમેન ગૌતમ અદાણી પર લાગેલા ભ્રષ્ટાચારના આરોપો મામલે રાહુલ ગાંધીએ ગુરુવારે પ્રેસ કોન્ફરન્સ કરી હતી. તેમણે કહ્યું- અદાણીજી 2 હજાર કરોડ રૂપિયાનું કૌભાંડ કરી રહ્યા છે અને બહાર ફરે છે કારણ કે પીએમ મોદી તેમને બચાવી રહ્યા છે. ગૌતમ અદાણીએ અમેરિકામાં ગુના આચર્યા છે, પરંતુ ભારતમાં તેમની સામે કંઈ કરવામાં આવી રહ્યું નથી. અદાણીના સંરક્ષક સેબીના ચેરપર્સન માધબી બુચ સામે કેસ થવો જોઈએ.
અમેરિકામાં ન્યૂયોર્કની ફેડરલ કોર્ટમાં થયેલી સુનાવણીમાં ગૌતમ અદાણી સહિત 8 લોકો પર અબજોની છેતરપિંડી અને લાંચ લેવાનો આરોપ મૂકવામાં આવ્યો છે.
યુનાઇટેડ સ્ટેટ્સ એટર્ની ઓફિસનું કહેવું છે કે અદાણીએ ભારતમાં સૌર ઉર્જાનો કોન્ટ્રાક્ટ મેળવવા માટે ભારતીય અધિકારીઓને $265 મિલિયન (આશરે રૂ. 2200 કરોડ)ની લાંચ આપી હતી.
રાહુલની કોન્ફરન્સના અપડેટ્સ…
- રાહુલે કહ્યું- અમે આ મુદ્દો ઉઠાવી રહ્યા છીએ. વિપક્ષના નેતા તરીકે હું આ મુદ્દો ઉઠાવી રહ્યો છું. અદાણી ભાજપને સંપૂર્ણ સમર્થન આપે છે. અમારી માંગ જેપીસી બનાવવાની છે. અદાણીજીની પાછળ ભારતના વડાપ્રધાન ઉભા છે. સામાન્ય માણસ નાનો ગુનો કરે તો પણ જેલમાં જાય છે. અદાણીને કંઈ થતું નથી.
- સવાલ એ છે કે અદાણીજી જેલની બહાર કેમ છે? અમેરિકન એજન્સીએ અદાણીને કહ્યું છે કે તેમણે ગુનો કર્યો છે. પરંતુ વડાપ્રધાન કંઈ કરી રહ્યા નથી. તેઓ કંઈ કરી શકતા નથી કારણ કે પીએમ મોદી તેમના દબાણમાં છે.
- અદાણીને કંઈ થશે નહીં, તેમની ધરપકડ થશે નહીં, કારણ કે મોદી તેમની સાથે છે. જે લોકો આ મામલામાં સંડોવાયેલા છે તેમની સામે કાર્યવાહી થવી જોઈએ.
- અમેરિકાની FBIએ તપાસ કરી છે. હું પહેલેથી જ કહી રહ્યો છું કે અદાણી ભ્રષ્ટાચાર કરે છે. મેં અગાઉ બે-ત્રણ વાર પ્રેસ કોન્ફરન્સમાં કહ્યું હતું કે તપાસ થવી જોઈએ. જ્યાં સુધી અદાણીની ધરપકડ નહીં થાય ત્યાં સુધી મામલો ઉકેલાશે નહીં. અદાણીજી ભાજપને ફંડ આપે છે.
- નરેન્દ્ર મોદી અદાણીની ધરપકડ કરી શકતા નથી. જો મોદી આવું કરશે તો તેઓ (મોદી) પણ જશે. અદાણીએ દેશને હાઇજેક કર્યો છે.
- અમે લાંબા સમયથી અદાણીનો મુદ્દો ઉઠાવી રહ્યા છીએ અને કંઈ થઈ રહ્યું નથી. હવે મોદીજીની વિશ્વસનીયતા રહી નથી. અમે ધીમે ધીમે સમગ્ર નેટવર્ક દેશને બતાવીશું. માધબી બૂચ પોતાનું કામ નહોતા કરતા. ભારતમાં દરેક રિટેલ રોકાણકાર જાણે છે કે માધબી બુચે ભ્રષ્ટાચાર કર્યો હતો.
- અમેરિકામાં હમણાં જ અદાણીનો કિસ્સો પ્રકાશમાં આવ્યો છે. બાંગ્લાદેશ, શ્રીલંકા, કેન્યામાં પણ કેસ છે. મોદીજી જ્યાં પણ જાય છે ત્યાં અદાણીજી માટે બિઝનેસ કરે છે. ધીરે ધીરે આ બધું સામે આવશે.
અદાણી સાથે જોડાયેલા આ સમાચાર પણ વાંચો…
ગૌતમ અદાણી પર ન્યૂયોર્કમાં છેતરપિંડી-લાંચનો આરોપ:સૌર ઊર્જાનો કોન્ટ્રાક્ટ મેળવવા માટે ભારતીય અધિકારીઓને 2 હજાર કરોડ આપ્યાનો દાવો; અરેસ્ટ વોરંટ જાહેર
ન્યૂયોર્કની ફેડરલ કોર્ટે ગૌતમ અદાણી સહિત 7 લોકો પર અબજો ડોલરની છેતરપિંડી અને લાંચ લેવાનો આરોપ લગાવ્યો છે. યુનાઇટેડ સ્ટેટ્સ એટર્ની ઓફિસનું કહેવું છે કે અદાણીએ ભારતમાં સોલાર એનર્જી કોન્ટ્રાક્ટ મેળવવા માટે ભારતીય અધિકારીઓને 2 હજાર કરોડ લાંચ આપવાનું વચન આપ્યું હતું. સંપૂર્ણ સમાચાર વાંચવા માટે અહીં ક્લિક કરો….