કર્ણાટકમાં ખડગેના ટ્રસ્ટને જમીન આપવા મામલે વિવાદ: ભાજપે કહ્યું- કૌભાંડ થયું, CBI તપાસ થવી જોઈએ; સિદ્ધારમૈયાએ કહ્યું- નિયમો મુજબ જમીન ફાળવવામાં આવી છે

કોંગ્રેસ અધ્યક્ષ મલ્લિકાર્જુન ખડગે પર જમીન કૌભાંડનો આરોપ છે. કર્ણાટક ઈન્ડસ્ટ્રીયલ એરિયા ડેવલપમેન્ટ બોર્ડ (KIADB) એ બેંગલુરુ નજીક હાઈ-ટેક ડિફેન્સ એરોસ્પેસ પાર્કમાં સિદ્ધાર્થ વિહાર ટ્રસ્ટને પાંચ એકર જમીન ફાળવી છે.

સિદ્ધાર્થ વિહાર ટ્રસ્ટ ખડગે અને તેમનો પરિવાર ચલાવે છે. આ ટ્રસ્ટમાં મલ્લિકાર્જુન ખડગે, તેમના પત્ની રાધાબાઈ, પુત્ર પ્રિયંક ખડગે, જમાઈ રાધાકૃષ્ણ ડોડ્ડામણી અને નાનો પુત્ર રાહુલ ખડગેનો સમાવેશ થાય છે.

ભાજપનો આરોપ છે કે ખડગેએ રાજ્યમાં સત્તાનો દુરુપયોગ કરીને આ જમીન મેળવી છે. આ કૌભાંડની સીબીઆઈ તપાસ થવી જોઈએ. જો કે સીએમ સિદ્ધારમૈયાએ આ આરોપોને ફગાવ્યા હતા.

કોંગ્રેસ અધ્યક્ષ મલ્લિકાર્જુન ખડગે પર જમીન કૌભાંડનો આરોપ છે.

જમીન ફાળવણી મુદ્દે રાજ્ય સરકારના બચાવમાં 2 દલીલો…

સિદ્ધારમૈયાએ કહ્યું- ખડગેનું ટ્રસ્ટ તેને યોગ્ય, નિયમો પ્રમાણે કામ કર્યું
કર્ણાટકના મુખ્યમંત્રી સિદ્ધારમૈયાએ જમીનની ફાળવણીનો બચાવ કરતા કહ્યું, ‘તે કાયદા મુજબ કરવામાં આવ્યું છે. તેમનું ટ્રસ્ટ યોગ્ય છે, તેથી અમે આ કર્યું છે. ભાજપના અગાઉના નિર્ણયો પર સવાલ ઉઠાવતા તેમણે પૂછ્યું કે, ‘ભાજપે (સત્તામાં) ચાણક્ય યુનિવર્સિટી માટે જમીન કેવી રીતે ફાળવી? અમે કાયદા મુજબ કર્યું છે.

પ્રિયાંક ખડગેએ કહ્યું- જમીન ખરીદવી ક્યારથી ગેરકાયદે બની?
કર્ણાટક સરકારના મંત્રી પ્રિયાંક ખડગેએ કહ્યું, ‘અહીં અમે CA સાઈટ ખરીદી રહ્યા છીએ, અમે કોઈ સબસિડી કે પેમેન્ટમાં વિલંબ કે ગેરકાયદેસર કંઈપણ માંગ્યું નથી. આમાં ગેરકાયદે શું છે? હું સમજી શકતો નથી. તેમણે મુખ્યમંત્રી અને મલ્લિકાર્જુન ખડગેનું નામ લઈને ભાજપ પર આ મુદ્દાનું રાજકારણ કરવાનો આરોપ લગાવ્યો છે.