ખડગેના મોદી પર પ્રહાર: ખડગેએ કહ્યું- અમારી બનાવેલી કોલેજમાં ભણીને પુછે છે કોંગ્રેસે શું કર્યુ?; જો કોંગ્રેસ ન હોત તો મોદીજી ચા વેચતા- વેચતા વડાપ્રધાન ન બન્યા હોત

કોંગ્રેસ અધ્યક્ષ મલ્લિકાર્જુન ખડગેએ શનિવારે ઝારખંડના જામતારામાં સભા યોજી હતી.

​​​​​​કોંગ્રેસ અધ્યક્ષ મલ્લિકાર્જુન ખડગેએ શનિવારે ઝારખંડના જામતારામાં ચૂંટણી રેલી યોજી હતી. તેમણે કહ્યું- અમારા (કોંગ્રેસ સરકાર) દ્વારા બનાવવામાં આવેલી કોલેજમાં ભણ્યા બાદ આજે અમને પૂછે છે કે, કોંગ્રેસે 70 વર્ષમાં શું કર્યું?

કોંગ્રેસ અધ્યક્ષે કહ્યું- આજના તમામ ભાજપના લોકોએ નહેરુજી દ્વારા બનાવેલી સ્કૂલોમાં અભ્યાસ કર્યો હતો. જો અમે આ ન કર્યું હોત તો મોદીજી તમે એ ખુરશી પર ન બેઠા હોત. અમે આ દેશને બંધારણ આપ્યું. તેથી જ તમે વડાપ્રધાન બન્યા. મારા પિતા પણ મિલ મજૂર હતા. મેં વકીલાત કરી છે. આજે હું કોંગ્રેસનો અધ્યક્ષ છું. કોના કારણે, બંધારણના કારણે.

ખડગેએ કહ્યું- તેઓ (ભાજપ) કોંગ્રેસને પૂછે છે કે દેશ માટે શું કર્યું? અમે દેશને એટલું અનાજ ભરી દીધું કે વખારો ભરાઈ ગયા. તમે કહો છો કે કોંગ્રેસ પાર્ટીએ 70 વર્ષમાં દેશને બરબાદ કર્યો છે. અને તમે તો તેને 11 વર્ષમાં બરબાદ કરી નાખ્યું. અમે 55 વર્ષમાં બધું લાવ્યા છીએ. IIT, AIIMS. અમારા દ્વારા બનાવવામાં આવેલી કોલેજમાં ભાજપના લોકો છે.

બંધારણ બચશે તો જ દરેકને અધિકાર મળશે ખડગેએ કહ્યું- મોદી સાહેબ, તમે બંધારણના કારણે ચા વેચતા-વેચતા વડાપ્રધાન બન્યા. એટલા માટે અમે કહીએ છીએ કે બંધારણ બચાવો, લોકશાહી બચાવો. બંધારણ બચશે તો જ દરેકને અધિકાર મળશે. જો બંધારણ નહીં બચે તો કોઈને કોઈ અધિકાર નહીં મળે.

ખડગેએ કહ્યું- તમારા પૂર્વજોને પૂછો કે શું તેમને 75-80 વર્ષ પહેલા મત આપવાનો અધિકાર હતો. પહેલા મતદાનનો અધિકાર 21 વર્ષની ઉંમરથી હતો, પછી આપણા રાજીવ ગાંધીએ 18 વર્ષની ઉંમરે મતદાનનો અધિકાર આપ્યો. યુવાનોને મતદાનનો અધિકાર આપ્યો.

ખડગેએ કહ્યું- મોદી સાહેબ, તમે બંધારણના કારણે ચા વેચતા-વે્ચતા વડાપ્રધાન બન્યા.

અમે પંચાયતની ચૂંટણી લાવ્યા છીએ. બંધારણ લખ્યું. પણ મોદી સાહેબ માત્ર વાતો જ કરે છે. તો આવી વાતો કરનારા લોકોને મત ન આપો. આપણા ગરીબોના નેતા ઈરફાન અંસારીને વિજયી બનાવો. બંધારણને બચાવવાનો આ એકમાત્ર રસ્તો છે.

ખડગેએ કહ્યું- ‘બટેંગે તો કટેંગે’ એવું કહેવું કોઈ સાધુનું કામ નથીઃ કોઈ આતંકવાદી જ આવું કહી શકે છે, યુપીના સીએમ યોગી પર કોંગ્રેસ અધ્યક્ષનો કટાક્ષ

કોંગ્રેસ અધ્યક્ષ મલ્લિકાર્જુન ખડગેએ સોમવારે મોદીના ‘એક હૈ તો સેફ હૈ’ અને યુપીના સીપી યોગી આદિત્યનાથના ‘બટેંગે તો કટંગે’ ના નારાઓની ટીકા કરી હતી. તેમણે કહ્યું કે તેઓ પોતે જ ભાગલી પાડી રહ્યા છે. બંનેએ પહેલા નક્કી કરવું જોઈએ કે કયો નારો ચાલશે.

યોગીનું નામ લીધા વિના તેમણે ઝારખંડના છતરપુર (પલામુ)માં એક રેલીમાં કહ્યું, ‘તેઓ કહે છે કે ‘બટેંગે તો કટંગે’. આવું કહેવું કોઈ સાધુનું કામ નથી. કોઈ આતંકવાદી જ આવું કહી શકે છે, તમે ન બોલી શકો.