નવી દિલ્હીએક કલાક પેહલા
- કૉપી લિંક
સંસદમાં ઘૂસણખોરી કેસના માસ્ટરમાઇન્ડ લલિત મોહન ઝાને શુક્રવારે દિલ્હીની પટિયાલા હાઉસ કોર્ટે 7 દિવસના પોલીસ રિમાન્ડ પર મોકલ્યો છે. લલિતે ગુરુવારે મોડી રાત્રે દિલ્હી પોલીસ સ્ટેશનમાં સરેન્ડર કર્યું હતું.
પોલીસ સૂત્રોએ જણાવ્યું કે તે મહેશ નામના વ્યક્તિ સાથે દિલ્હીના કર્તવ્ય પથ પોલીસ સ્ટેશને પહોંચ્યો હતો. લલિતે સંસદમાં ઘૂસણખોરીનો વીડિયો બનાવ્યો અને તેને ઈન્સ્ટાગ્રામ પર પોસ્ટ કર્યો અને કોલકાતાની એક એનજીઓને મોકલી આપ્યો, જેથી તે મીડિયા સુધી પહોંચી શકે. આ પછી તે સ્થળ પરથી ફરાર થઈ ગયો હતો. તેણે તેના તમામ સહયોગીઓના મોબાઈલ ફોન પણ છીનવી લીધા અને સળગાવી દીધા હતા, જેથી પુરાવાનો નાશ કરી શકાય.
ગુરુવારે પોલીસે સંસદમાં ઘૂસણખોરી કરનારા ચાર આરોપીઓને કોર્ટમાં રજૂ કર્યા હતા. કોર્ટે તેને 7 દિવસની પોલીસ કસ્ટડીમાં મોકલ્યો છે.
મોબાઈલ સળગાવ્યા બાદ લલિત બસમાં રાજસ્થાનના નાગૌર પહોંચ્યો હતો. ત્યાં તે તેના બે મિત્રોને મળ્યો અને એક હોટેલમાં રાત વિતાવી. જ્યારે તેને ખબર પડી કે પોલીસ તેને શોધી રહી છે, ત્યારે તે એક મિત્ર સાથે બસમાં દિલ્હી પરત આવ્યો. અહીં તેણે આત્મસમર્પણ કર્યું. હાલ તે પોલીસના સ્પેશિયલ સેલની કસ્ટડીમાં છે.
તે જ સમયે, દિલ્હી પોલીસની વિશેષ ટીમ શનિવાર અથવા રવિવારે સંસદમાં સુરક્ષા ચૂકના દ્રશ્યને ફરીથી રીક્રિએટ કરશે. સૂત્રોના જણાવ્યા અનુસાર આ માટે તમામ આરોપીઓને સંસદ સંકુલમાં લઈ જવામાં આવશે. આ સાથે દિલ્હી પોલીસ એ તપાસ કરશે કે આરોપી સંસદભવનમાં કેવી રીતે ઘૂસ્યા અને કેવી રીતે તેમની યોજનાને અંજામ આપ્યો.
લલિતે વીડિયો બનાવ્યો, ફેસબુક પર લાઈવ ટેલિકાસ્ટ કરવા માગતો હતો
આ ફોટો મુખ્ય કાવતરાખોર લલિત મોહન ઝાનો છે. તેણે ગુરુવારે રાત્રે દિલ્હીમાં પોલીસ સમક્ષ આત્મસમર્પણ કર્યું.
સંસદમાં ઘૂસણખોરી કરી સ્નોક કેનનો ઉપયોગ કરનારા તમામ આરોપીઓ ભગત સિંહ ફેન્સ ક્લબમાં સામેલ હતા. આ લોકો તેમની વિચારધારા સોશિયલ મીડિયા પર પોસ્ટ કરતા હતા અને વર્ચ્યુઅલ રીતે મળતા હતા. આ ક્લબ સાથે ઘણા રાજ્યોના લોકો જોડાયેલા છે. ગુરુગ્રામના પાંચમા આરોપી વિશાલ શર્માની કસ્ટડીમાં પૂછપરછ ચાલી રહી છે. પોલીસે કહ્યું કે, આરોપીનું કોઈ આતંકવાદી સંગઠન સાથે કનેક્શન બહાર આવ્યું નથી. દરેક વ્યક્તિ લગભગ દોઢ વર્ષથી સંસદમાં ઘૂસણખોરી કરવાની યોજના બનાવી રહી હતી. પછી તેઓ મૈસુરમાં મળ્યા.
માર્ચમાં મનોરંજનને રેકી કરવા કહ્યું
પોલીસના જણાવ્યા પ્રમાણે લલિત ઝાએ માર્ચમાં મનોરંજનને સંસદ ભવનની રેકી કરવાનું કહ્યું હતું. સાગર જુલાઈમાં સંસદ ભવન પણ આવ્યો હતો, પરંતુ અંદર જઈ શક્યો નહોતો. મનોરંજન અને સાગરે જોયું કે અહીં પગરખાં તપાસવામાં આવતાં નથી, તેથી તેઓએ જૂતામાં સમ્કો કેન છુપાવ્યા હતા.
- બધા 10મી ડિસેમ્બરે દિલ્હી પહોંચ્યા, મનોરંજન ફ્લાઈટથી આવ્યો. રાજસ્થાનથી પણ બીજો એક દિલ્હી પહોંચવાનો હતો.
- અમોલે થાણેથી લાવેલા સ્મોક કેન ઈન્ડિયા ગેટ પર દરેકને વહેંચ્યા. સદર બજારમાંથી તિરંગો પણ ખરીદ્યો. સાગરે બે પાસ મેળવ્યા, તેથી માત્ર સાગર-મનોરંજન સંસદમાં પ્રવેશ્યા. સાગરે લખનઉમાં એક કારીગરને તેના જૂતામાં સ્મોક કેન છુપાવવા માટે જગ્યા બનાવી હતી.
- લલિતે સંસદની બહાર અમોલ-નીલમના સ્મોક કેન ચલાવવાનો વીડિયો બનાવ્યા અને બંગાળમાં એનજીઓ ચલાવતા નીલાક્ષને મોકલ્યા. નીલાક્ષે પોલીસને જણાવ્યું કે લલિત એપ્રિલમાં જ NGOમાં જોડાયો હતો, તેણે પોતાની ઓળખ ગુપ્ત રાખી હતી.
- લલિત સ્મોક કેનનો વીડિયો ફેસબુક પર લાઇવ લોન્ચ કરવા માગતો હતો. લલિતે ચારેય આરોપીઓના મોબાઈલ ફોન પોતાની પાસે રાખ્યા હતા.
- દિલ્હી પોલીસે કોર્ટને જણાવ્યું કે આરોપીઓ પાસે વડાપ્રધાન નરેન્દ્ર મોદી વિરુદ્ધ વાંધાજનક પૅમ્ફ્લેટ પણ મળી આવ્યા છે.
સંસદમાં ઘૂસણખોરીના કેસમાં આરોપી મહિલા નીલમને પટિયાલા હાઉસ કોર્ટમાં રજૂ કરવામાં આવી હતી.
કોર્ટે આરોપીને 7 દિવસની કસ્ટડીમાં મોકલ્યા
તે જ સમયે, 13 ડિસેમ્બરે સંસદમાં ઘૂસણખોરી કરનારા બે આરોપીઓ અને તેમના બે સહયોગીઓને ગુરુવારે પટિયાલા હાઉસ કોર્ટમાં રજૂ કરવામાં આવ્યા હતા. કોર્ટે ચારેયને 7 દિવસની પોલીસ કસ્ટડીમાં મોકલી દીધા છે. ચાર આરોપીઓ સામે UAPAની કાર્યવાહી પણ કરવામાં આવી હતી. દિલ્હી પોલીસે કહ્યું- આ એક આયોજનબદ્ધ હુમલો હતો.
અત્યાર સુધી લેવામાં આવી કાર્યવાહી… 8 સુરક્ષા કર્મચારીઓને બરતરફ, તપાસ શરૂ
- સુરક્ષા ક્ષતિઓને કારણે સંસદ સચિવાલયે ગુરુવારે 8 સુરક્ષા કર્મચારીઓને સસ્પેન્ડ કરી દીધા હતા. તેમના નામ રામપાલ, અરવિંદ, વીર દાસ, ગણેશ, અનિલ, પ્રદીપ, વિમિત અને નરેન્દ્ર છે.
- સંસદમાં વિઝિટર ગેલેરીમાં બુલેટ પ્રુફ એન્ક્લોઝર, કાચ અને અન્ય સુરક્ષા સાધનો લગાવવામાં આવશે. તેમની કિંમત લગભગ 35 કરોડ રૂપિયા હશે.
- સંસદમાં પ્રવેશતા મુલાકાતીઓની તપાસ કરવામાં આવી રહી છે. શૂઝ પણ ખોલવામાં આવી રહ્યા છે.
- રાજ્યસભા સચિવાલયે સાંસદ ડેરેક ઓ’બ્રાયનના આચરણની તપાસનો મામલો સંસદની વિશેષ સમિતિને મોકલ્યો છે. ત્રણ મહિનામાં રિપોર્ટ માંગવામાં આવ્યો છે. સસ્પેન્શનના વિરોધમાં બ્રાયન મોડી સાંજ સુધી સંસદમાં હડતાળ પર રહ્યા હતા.
