SCએ GST એક્ટ હેઠળ નોટિસ- ધરપકડનો ડેટા માંગ્યો: સુપ્રીમે કહ્યું- લોકોને હેરાન નહીં થવા દઈએ, નાગરિકોને ધમકી આપીને પરેશાન કરવામાં આવે છે

સુપ્રીમ કોર્ટે કહ્યું કે જો જરૂર પડશે તો અમે નાગરિકોને તેમની સ્વતંત્રતા છીનવી લેવાથી બચાવવા માટે માર્ગદર્શિકા નક્કી કરીશું.

​​​​​​સુપ્રીમ કોર્ટે GST કાયદા હેઠળ 1 થી 5 કરોડ રુપિયાના ડિફોલ્ટ માટે જારી કરાયેલી નોટિસ અને ધરપકડ અંગે કેન્દ્ર પાસેથી ડેટા માંગ્યો છે. કોર્ટે કહ્યું કે કેટલીકવાર ધરપકડ કરવામાં આવતી નથી, પરંતુ લોકોને નોટિસ આપીને અને ધરપકડની ધમકી આપીને હેરાન કરવામાં આવે છે.

GST એક્ટ, કસ્ટમ એક્ટ અને PMLAની જોગવાઈઓને પડકારતી 281 અરજીઓની સુનાવણી દરમિયાન ગુરુવારે (2 મે) કોર્ટે આ ટિપ્પણી કરી હતી. સુપ્રીમ કોર્ટે કહ્યું કે અમે નાગરિકોને તેમની સ્વતંત્રતા છીનવી લેવાથી બચાવવા માટે માર્ગદર્શિકા નક્કી કરી શકીએ છીએ, પરંતુ તેમને હેરાન થવા દઈશું નહીં.

અધિકારીઓ પર સત્તાનો દુરુપયોગ કરવાનો આરોપ
ખરેખરમાં, અરજદારો તરફથી હાજર રહેલા વરિષ્ઠ એડવોકેટ સિદ્ધાર્થ લુથરાએ કહ્યું હતું કે અધિકારીઓ GST કાયદા હેઠળ તેમની સત્તાનો દુરુપયોગ કરે છે. ધરપકડ કરવામાં આવતી નથી, પરંતુ લોકોને નોટિસ આપવામાં આવે છે અને ધરપકડની ધમકી આપવામાં આવે છે. તે લોકોની સ્વતંત્રતામાં ઘટાડો કરી રહ્યું છે.

આ બાબતે, જસ્ટિસ સંજીવ ખન્ના, એમએમ સુંદરેશ અને બેલા એમ ત્રિવેદીની બનેલી બેંચ, કેન્દ્ર તરફથી હાજર રહેલા એડિશનલ સોલિસિટર જનરલ એસવી રાજુએ કહ્યું કે લોકોને તમામ કેસમાં જેલના સળિયા પાછળ ધકેલી શકાય નહીં. ખંડપીઠે કહ્યું કે છેતરપિંડીના કેસ અને અજાણતાં ભૂલો વચ્ચે તફાવત હોવો જોઈએ.

કેન્દ્રએ કહ્યું- રાજ્યો સાથે સંબંધિત ડેટા એકત્રિત કરવો મુશ્કેલ
કોર્ટે GST એક્ટની કલમ 69માં ધરપકડની સત્તા અંગે સ્પષ્ટતાના અભાવ પર ચિંતા વ્યક્ત કરી હતી. એડિશનલ સોલિસિટર જનરલ એસવી રાજુએ કહ્યું કે તેઓ સેન્ટ્રલ GST એક્ટ હેઠળ નોટિસ અને ધરપકડ સંબંધિત ડેટા એકત્રિત કરશે.

જો કે, તેમણે એમ પણ કહ્યું કે રાજ્યોને લગતી આવી માહિતી એકત્રિત કરવી મુશ્કેલ હશે, પરંતુ તેઓ આગામી સુનાવણીના દિવસે બેન્ચના પ્રશ્નોના જવાબ આપવાનો પ્રયાસ કરશે. કેસની આગામી સુનાવણી 9 મેના રોજ થશે.

GST 2017માં લાગુ કરવામાં આવ્યો હતો
GST એટલે કે ગુડ્સ એન્ડ સર્વિસ ટેક્સ એક ઈનડાયરેક્ટ ટેક્સ છે. તેને વારાઈટી ઓફ પ્રીવિયસ ઈનડાયરેક્ટ ટેક્સ (VAT), સર્વિસ ટેક્સ, ખરીદી ટેક્સ, એક્સાઈઝ ડ્યુટી અને અન્ય ઘણા ઈનડાયરેક્ટ ટેક્સને રિપ્લેસ કરવા માટે 2017માં તેનો અમલ કરવામાં આવ્યો હતો. GSTમાં 5, 12, 18 અને 28%ના ચાર સ્લેબ છે.

આ સમાચાર પણ વાંચો…

એપ્રિલમાં રેકોર્ડ 2.10 લાખ કરોડ GST કલેક્શન, આ પહેલા સૌથી વધુ 1.87 લાખ કરોડનું કલેક્શન હતું

સરકારે એપ્રિલ 2024માં ગુડ્સ એન્ડ સર્વિસ ટેક્સ એટલે કે GSTમાંથી રેકોર્ડ 2.10 લાખ કરોડ રૂપિયા એકત્ર કર્યા છે. અત્યાર સુધીના કોઈપણ મહિનામાં આ સૌથી વધુ જીએસટી કલેક્શન છે. અગાઉનું સૌથી વધુ કલેક્શન રૂ. 1.87 લાખ કરોડ હતું, જે એપ્રિલ 2023માં થયું હતું. વાર્ષિક ધોરણે GST કલેક્શનમાં 12.4%નો વધારો થયો છે.

સુપ્રીમ કોર્ટે કહ્યું- હરાજી વિના સ્પેક્ટ્રમની ફાળવણી નહીં, રજિસ્ટ્રારે કહ્યું- સ્પષ્ટતાના નામે નિર્ણયના રિવ્યુની માંગ ખોટી છે

સુપ્રીમ કોર્ટેના રજિસ્ટ્રારે હરાજી વિના અમુક સ્પેક્ટ્રમની ફાળવણી કરવાની મંજુરી માગતી કેન્દ્રની અરજીને ફગાવી દીધી હતી. 22 એપ્રિલના રોજ, સરકારે સુપ્રીમ કોર્ટના 2012ના આદેશ પર સ્પષ્ટતા માંગતી અરજી કરી હતી. કોર્ટ રજિસ્ટ્રારે કહ્યું કે સરકાર સ્પષ્ટતા માંગવાના નામે આદેશની સમીક્ષાની માંગ કરી રહી છે.