મેડમ! ઈટલીનાં બધા ડાન્સ બાર બંધ થઈ ગયા કે શું?: કોંગ્રેસ નેતા સુપ્રિયા શ્રીનેતે સોનિયા ગાંધીને લઇને કરી આપત્તિજનક ટ્વિટ, જાણો શું છે સત્ય

કોંગ્રેસ નેતા સુપ્રિયા શ્રીનેત સાથે જોડાયેલી એક નકલી ટ્વિટ (સ્ક્રીનશોર્ટ) સોશિયલ મીડિયા પર વાઇરલ થઈ રહ્યો છે. વર્ષ 2012ની જણાવવામાં આવતી આ ટ્વિટમાં સોનિયા ગાંધીને લઇને આપત્તિજનક વાત લખવામાં આવી છે.

ભાજપ નેતા સિદ્ધ નારાયણે પોતાના ટ્વિટમાં કટાક્ષ કરતા લખ્યું- અરે આ શું જોઈ લીધું, સુપ્રિયા શ્રીનેત, પવન ખેડા જોઇ લેશે તો મુશ્કેલી થઈ જશે. ( આર્કાઇવ ટ્વિટ )

ટ્વિટ જુઓ:

સિદ્ધ નારાયણે ટ્વિટમાં કોંગ્રેસ નેતા શ્રીનેત અને પવન ખેડાને ટેગ પણ કર્યા છે.

તપાસ દરમિયાન અમે સનાતન ધર્મ સંસ્થાન સેવા ટ્રસ્ટના પ્રવક્તા યોગી દેવનાથનું પણ ટ્વિટ મળ્યું. પોતાના ટ્વિટમાં દેવનાથે લખ્યું- સોનિયા ગાંધી ઇટલીમાં ડાન્સર હતા એવું હું કહી રહ્યો નથી સુપ્રિયા શ્રીનેત કહી રહ્યા છે.( આર્કાઇવ ટ્વિટ )

ટ્વિટ જુઓ:

એક્સ પર યોગી દેવનાથને 1.3 મિલિયન(13 લાખ) યુઝર્સ ફોલો કરે છે. સમાચાર લખાય ત્યાં સુધી યોગી દેવનાથની ટ્વિટને 8 હજારથી વધારે લોકો લાઇક કરી ચૂક્યા હતા. ત્યાં જ, આ ટ્વિટ 3900 વખત રીપોસ્ટ થઈ ચૂકી હતી. એટલે એક્સ પર વાઇરલ થઈ ચૂક્યું હતું.

એક્સ પર અન્ય યુઝર્સે પણ કોંગ્રેસ નેતા સુપ્રિયા શ્રીનેતના કથિત ટ્વિટ સાથે જોડાયેલા સ્ક્રીનશોર્ટને શેર કરી રહ્યા છે જેનું અર્કાઇવ વર્ઝન તમે અહીં અને અહીં જોઈ શકો છો.

વાઇરલ કરવામાં આવેલાં દાવાનું સત્ય શું છે?

કોંગ્રેસ નેતા સુપ્રિયા શ્રીનેતના કથિત ટ્વિટનું સત્ય જાણવા માટે અમે તેમાં લખેલી ટેક્સ્ટને એક્સ પર એડવાન્સ સર્ચ કર્યું. સર્ચ રિઝલ્ટમાં અમને કોઈ ટ્વિટ મળી નહીં.

જુઓ સ્ક્રીનશોક્ટ…..

આગળની તપાસ માટે અમે સોશિયલ મીડિયા એનાલિટિકલ વેબસાઇટ Social Bladeની મદદ લીધી. અહીંથી અમને જાણવા મળ્યું કે કોંગ્રેસ નેતા સુપ્રિયા શ્રીનેતે 25 જુલાઈ 2011ના રોજ પોતાનું એક્સ (પહેલાં ટ્વિટર) અકાઉન્ટ ક્રિએટ કર્યું હતું.

હવે એ જાણવાનું હતું કે 24 એપ્રિલ 2012ના રોજ સુપ્રિયાએ શું ટ્વિટ કર્યું હતું. તેનો જવાબ અમને એક્સ પર કરવામાં આવેલાં એડવાન્સ સર્ચમાંથી મળ્યો. અમે 25 જુલાઈ 2011થી લઇને 3 મે 2012ની વચ્ચે સુપ્રિયા શ્રીનેત દ્વારા કરવામાં આવેલી ટ્વિટ્સની તપાસ કરી તો જાણવા મળ્યું કે કોંગ્રેસ નેતાએ પહેલું ટ્વિટ જ 2 મે 2012ના રોજ કર્યું હતું. જ્યારે વાઇરલ સ્ક્રીનશોર્ટમાં ટ્વિટની ડેટ 24 એપ્રિલ 2012 છે.

સ્ક્રીનશોટ જુઓ…

સ્પષ્ટ છે કે સુપ્રિયા શ્રીનેતના નામથી વાઇરલ ટ્વિટ ફેક એટલે નકલી છે અને ભ્રામક દાવા સાથે શેર કરવામાં આવી રહી છે.

આ સંપૂર્ણ ઘટનાક્રમ પર સુપ્રિયા શ્રીનેતનું નિવેદન પણ સામે આવ્યું છે જેમાં કોંગ્રેસ નેતાએ આવી કોઈ ટ્વિટનું ખંડન કરીને કહ્યું છે કે તેમણે એવી કોઈ ટ્વિટ કરી નથી. ત્યાં જ, સુપ્રિયાએ ખોટી ટ્વિટ કરનાર પર કડક એક્શન લેવાની પણ વાત કરી છે.

ફેક ન્યૂઝ વિરુદ્ધ અમારી સાથે જોડાઓ. કોઈપણ એવી સૂચના જેના પર તમને શંકા હોય તો તમે ઈમેલ કરો@fakenewsexpose@dbcorp.in અને વ્હોટએપ કરો-9201776050