વારાણસીમાં જ્ઞાનવાપીના સમગ્ર કેમ્પસનો કોઈ સર્વે નહીં થાય: હિન્દુ પક્ષની અરજી ફગાવી; વકીલે કહ્યું- હાઈકોર્ટ જઈશું

વારાણસીમાં જ્ઞાનવાપીના સમગ્ર સંકુલનો કોઈ સર્વે થશે નહીં. ફાસ્ટટ્રેક કોર્ટે શુક્રવારે હિન્દુ પક્ષની અરજીને ફગાવી દીધી હતી.

હિન્દુ પક્ષે દાવો કર્યો હતો કે, મુખ્ય ગુંબજની નીચે 100 ફૂટનું શિવલિંગ છે. આવી સ્થિતિમાં સમગ્ર સંકુલનું ખોદકામ કરવું જોઈએ અને ભારતીય પુરાતત્વ સર્વેક્ષણ (ASI) દ્વારા સર્વે કરાવવો જોઈએ.

હિન્દુ પક્ષના વકીલ જયશંકર રસ્તોગીએ કહ્યું કે, હવે અમે આ મામલે હાઈકોર્ટમાં જઈશું. વકીલ મદન મોહને જણાવ્યું હતું કે વજુ ખાના અને ASI સર્વેની માગ પહેલાથી જ હાઈકોર્ટમાં પેન્ડિંગ છે. તેના વિરોધમાં જિલ્લા અદાલત કોઈ આદેશ આપી શકી ન હતી. કદાચ તેથી જ આ અરજી ફગાવી દેવામાં આવી છે.

33 વર્ષ જૂનો કેસ ફાસ્ટટ્રેક કોર્ટે 1991માં દાખલ કરેલી અરજી પર પોતાનો ચુકાદો આપ્યો હતો. 33 વર્ષ પહેલા સ્વયંભૂ વિશ્વેશ્વર જ્યોતિર્લિંગ વતી સોમનાથ વ્યાસ, ડૉ. રામરંગ શર્મા અને હરિહર નાથ પાંડેએ સમગ્ર સંકુલના ASI સર્વેની માંગણી કરી હતી. જોકે ત્રણેયના મોત થયા છે. હવે વાદી એડવોકેટ વિજય શંકર રસ્તોગી છે.

કોર્ટના આદેશથી જ્ઞાનવાપીમાં વજુખાનાને સીલ કરવામાં આવ્યું છે.

મુસ્લિમ પક્ષે કહ્યું- ખોદવાથી મસ્જિદને નુકસાન થઈ શકે ફાસ્ટટ્રેક કોર્ટમાં 8 મહિના સુધી સમગ્ર સંકુલના સર્વેની માગ કરતી અરજી પર સુનાવણી ચાલુ રહી. આ દરમિયાન મુસ્લિમ પક્ષના વકીલોએ દલીલ કરી હતી કે, જ્ઞાનવાપી સંકુલનો ASI દ્વારા અગાઉ એક વખત સર્વે થઈ ચૂક્યો છે ત્યારે બીજીવાર સર્વે કરવાનું કોઈ કારણ નથી. સર્વેક્ષણ માટે મસ્જિદ પરિસરમાં ખાડો ખોદવો તે કોઈપણ રીતે વ્યવહારુ નથી. જેના કારણે મસ્જિદને નુકસાન થઈ શકે છે.

હિન્દુ પક્ષના એડવોકેટ વિજય શંકર રસ્તોગીએ મુસ્લિમ પક્ષની દલીલોનો વિરોધ કર્યો હતો. તેમણે કહ્યું હતું કે ASIએ પંચની કાર્યવાહી દરમિયાન પરિસરમાં તળાવ અને મળી આવેલા શિવલિંગનું નિરીક્ષણ કર્યું ન હતું. રિપોર્ટમાં પણ આનો કોઈ ઉલ્લેખ નથી.

દલીલમાં જણાવાયું હતું કે, સર્વેમાં યોગ્ય મશીનનો ઉપયોગ કરવામાં આવ્યો નથી અને સ્થળ પર ખોદકામ કરીને અવશેષો શોધવામાં આવ્યા નથી. આ સિવાય કેમ્પસનો મોટો વિસ્તાર સર્વેથી અસ્પૃશ્ય રહ્યો છે. આમાં ઘણા પુરાવા મળવાની શક્યતા છે.

1991થી અત્યાર સુધી જ્ઞાનવાપીની આખી વાત સમજો…