બુમરાહને ચોથી ટેસ્ટથી આરામ મળી શકે: રિપોર્ટમાં દાવો- છેલ્લી મેચ રમવી કે ન રમવી એ રાંચીની જીત કે હાર પર નિર્ભર રહેશે

ફાસ્ટ બોલર જસપ્રીત બુમરાહને ભારત અને ઇંગ્લેન્ડ વચ્ચે ચાલી રહેલી ટેસ્ટ શ્રેણીની ચોથી મેચમાંથી આરામ આપવામાં આવી શકે છે.

આ દાવો ક્રિકેટ વેબસાઇટ Cricbuzzએ કર્યો છે. વેબસાઈટે એક રિપોર્ટમાં લખ્યું છે કે બુમરાહ ધર્મશાલામાં પાંચમી અને અંતિમ ટેસ્ટ રમશે કે નહીં તે પછીથી નક્કી થશે અને તે 23 ફેબ્રુઆરીથી શરૂ થઈ રહેલી ચોથી ટેસ્ટના પરિણામ પર નિર્ભર રહેશે.

30 વર્ષીય બુમરાહ ઇંગ્લેન્ડ સામેની શ્રેણીમાં સૌથી વધુ વિકેટ લેનાર બોલર છે. તેણે ત્રણ મેચમાં સૌથી વધુ 17 વિકેટ લીધી છે. રિપોર્ટમાં કહેવામાં આવ્યું છે કે ટીમ ઈન્ડિયા 20 ફેબ્રુઆરી, મંગળવારે રાજકોટથી રાંચી જશે અને બુમરાહ ટીમ સાથે પ્રવાસ કરે તેવી શક્યતા નથી. તેઓ સોમવારે રાજકોટથી અમદાવાદ જઈ શકે છે. અન્ય કોઈ ખેલાડી આગામી ટેસ્ટ નહીં રમે તેની કોઈ માહિતી નથી. જોકે, ભારતીય ક્રિકેટ કંટ્રોલ બોર્ડ (BCCI) તરફથી કોઈ સત્તાવાર નિવેદન આવ્યું નથી.

બુમરાહને શા માટે આરામ આપવામાં આવશે?
વર્કલોડ મેનેજમેન્ટ હેઠળ, બુમરાહને છેલ્લી ટેસ્ટમાં આરામ અને તાજગી આપવી પડશે. બુમરાહે આ સિરીઝની ત્રણ મેચમાં 17 વિકેટ લીધી છે. તેણે ત્રણ મેચમાં 80.5 ઓવર ફેંકી છે. આવી સ્થિતિમાં પસંદગીકારોને લાગે છે કે તેને આરામની જરૂર છે.

સિરાજને બીજી ટેસ્ટમાં બ્રેક આપ્યો હતો
બુમરાહની જગ્યાએ ફાસ્ટ બોલર મોહમ્મદ સિરાજને ત્રીજી મેચમાં તક મળી શકે છે. બીજી ટેસ્ટમાં તેને આરામ આપ્યો હતો. તે શ્રેણીની છેલ્લી 2 ટેસ્ટમાં ભારતીય બોલિંગ એટેકની આગેવાની કરશે.