રોહિત પાસેથી કેપ્ટનશિપ છીનવી લેવાના પ્રશ્ન પર હાર્દિકનું મૌન: કોચ બાઉચર પણ કંઈ બોલ્યા નહિ; પત્રકારે પૂછ્યું હતું- પંડ્યાને કેપ્ટન કેમ બનાવવામાં આવ્યો?

કોચ માર્ક બાઉચર સાથે પ્રી-સિઝન પ્રેસ કોન્ફરન્સ દરમિયાન MI કેપ્ટન તરીકે નિયુક્ત થયા પછી પ્રથમ વખત બોલનાર ભારતના ઓલરાઉન્ડર હાર્દિક પંડ્યાએ રોહિતને કેપ્ટનશિપમાંથી હટાવવાના પ્રશ્ન પર મૌન સેવ્યું હતું.

એક પત્રકારે પૂછ્યું કે, એક કારણ શું હતું કે મેનેજમેન્ટે નિર્ણય લીધો કે રોહિત શર્માને MIનો કેપ્ટન ન બનાવવો જોઈએ અને હાર્દિકને કેપ્ટન બનાવવો જોઈએ? આના પર કેપ્ટન પંડ્યા અને હેડ કોચ બંને સવાલ છોડીને આગળ વધ્યા.

બાદમાં, રોહિત સાથે રમવાના પ્રશ્ન પર, હાર્દિકે કહ્યું, રોહિત શર્મા ટીમ ઈન્ડિયાનો કેપ્ટન છે જે મને મદદ કરશે, આ ટીમે જે પણ હાંસલ કર્યું છે તે તેની કેપ્ટનશિપ હેઠળ જ મળ્યું છે. હું તેને આગળ લઈ જવાનો પ્રયત્ન કરીશ.

તેણે આગળ કહ્યું, મેં મારી આખી કારકિર્દી તેની કેપ્ટનશિપમાં રમી અને હું જાણું છું કે તેનો હાથ હંમેશા મારા ખભા પર રહેશે.

MIએ રોહિત પાસેથી કેપ્ટનશીપ છીનવીને હાર્દિકને કેપ્ટનશીપ સોંપી
MI મેનેજમેન્ટે આ સિઝનના ઓક્શન પહેલાં હાર્દિકને રૂ. 15 કરોડમાં ગુજરાતમાં ટ્રેડ કર્યો હતો. આ માટે MIએ ગુજરાતને 15 કરોડ રૂપિયા આપ્યા અને અલગથી રકમ પણ આપી. ઓક્શન પહેલાં જ મેનેજમેન્ટે રોહિતને હટાવીને હાર્દિકને કેપ્ટન બનાવી દીધો હતો. આ કારણે ભારતીય ટીમના વર્તમાન કેપ્ટન અને પાંચ વખતના IPL વિજેતા રોહિત શર્માને હટાવવાથી ચાહકો નાખુશ છે.

હાર્દિક ફરી એકવાર ઓલરાઉન્ડરની ભૂમિકામાં જોવા મળશે
હાર્દિકે કહ્યું કે તે આ સિઝનમાં MI માટે બોલિંગની સાથે સાથે બેટિંગ પણ કરશે, અગાઉ તે ઈજાની ચિંતાને કારણે માત્ર બેટર રહ્યો હતો. તેણે કહ્યું, હું બોલિંગ કરીશ.

સુકાનીપદના વિવાદ અંગે પંડ્યાએ કહ્યું કે, હું પ્રશંસકોની ભાવનાઓનું સન્માન કરું છું અને માત્ર એટલું જ વિચારવા માંગુ છું કે કેપ્ટન તરીકે ટીમ માટે હું શું વધુ સારું કરી શકું.

વાનખેડે મારું પ્રિય મેદાન છે- હાર્દિક
પરત ફરતી વખતે હાર્દિકે કહ્યું કે, પાછા ફરવું અદ્ભુત અહેસાસ છે. 2015 થી હું જે કંઈપણ જાણું છું તે બધું આ સફરમાંથી આવ્યું છે. મેં ક્યારેય વિચાર્યું ન હતું કે હું આટલા સુધી પહોંચી શકીશ. હું મારા મનપસંદ મેદાન વાનખેડેમાં રમવા માટે ઉત્સુક છું.

બુમરાહ અમારો નંબર-1 બોલર છે- હાર્દિક
હાર્દિકે એમ પણ કહ્યું હતું કે તે ભારતીય ટીમના સાથી જસપ્રિત બુમરાહ સાથે પાછા ફરવાની રાહ જોઈ રહ્યો છે. હાર્દિકે કહ્યું, જસ્સી (જસપ્રીત) અમારો નંબર-1 ખેલાડી છે. તેના કમબેક પર યુવાનો ખુશ છે, ગયા વર્ષે તે ઈજાના કારણે રમી શક્યો ન હતો, પરંતુ હવે તે પૂરા ઉત્સાહ સાથે કેમ્પમાં યુવાનો સાથે સમય વિતાવશે.

હાર્દિકે પ્રથમ વખત ગુજરાતને ચેમ્પિયન બનાવ્યું હતું
મુંબઈ ફ્રેન્ચાઈઝીએ રોહિત શર્મા બાદ કેપ્ટનશિપ માટે હાર્દિક પંડ્યા પર વિશ્વાસ વ્યક્ત કર્યો છે. પંડ્યાએ પહેલી જ સિઝનમાં ગુજરાત ટાઇટન્સને ચેમ્પિયન બનાવ્યું હતું. ગુજરાતની ટીમ 2022ની સિઝનમાં ચેમ્પિયન અને 2023માં રનર્સઅપ બની હતી. પંડ્યાની વિદાય બાદ ગુજરાત ટાઇટન્સે શુભમન ગિલને કેપ્ટન બનાવ્યો હતો.

મુંબઈ IPLની બીજી સૌથી સફળ ટીમ
મુંબઈ ઈન્ડિયન્સ IPLની સૌથી સફળ ટીમોમાંથી એક છે. ટીમે અત્યાર સુધીમાં 5 ટાઇટલ જીત્યા છે. તમામ ખિતાબ રોહિત શર્માની કેપ્ટનશીપ હેઠળ આવ્યા હતા. સૌથી વધુ IPL ટાઈટલ જીતવાની બાબતમાં આ ફ્રેન્ચાઈઝી ચેન્નઈ સુપર કિંગ્સની બરાબર છે, ચેન્નઈએ પણ 5 ટાઈટલ જીત્યા છે. આ ઉપરાંત ચેન્નઈની ટીમ 6 વખત રનર્સ અપ રહી છે જ્યારે મુંબઈ ઈન્ડિયન્સ માત્ર એક જ વખત રનર્સઅપ રહી છે. તેથી CSK લીગની સૌથી સફળ ટીમ છે.