હૈદરાબાદ22 મિનિટ પેહલા
- કૉપી લિંક
IPL-18ની 27મી મેચમાં સનરાઇઝર્સ હૈદરાબાદે ઇતિહાસમાં બીજો સૌથી મોટો રન ચેઝ કર્યો. શનિવારે રમાયેલી બીજી મેચમાં ટીમે પંજાબ કિંગ્સ સામે 246 રનનો ટાર્ગેટ માત્ર 18.3 ઓવરમાં જ હાંસલ કરી લીધો. ઓપનર અભિષેક શર્મા IPLમાં ભારત માટે સૌથી વધુ વ્યક્તિગત સ્કોરર બન્યો. તેણે 141 રનની ઇનિંગ રમી.
રાજીવ ગાંધી સ્ટેડિયમમાં ઘણી શાનદાર મોમેન્ટ્સ અને રેકોર્ડ જોવા મળ્યા. સ્ટોઇનિસે શમીના બોલ પર સતત 4 છગ્ગા ફટકાર્યા. યશના નો બોલ પર અભિષેક કેચ આઉટ થયો. તેણે પોતાની સદી ઓરેન્જ આર્મીને સમર્પિત કરી. અભિષેકે 106 મીટર લાંબો છગ્ગો ફટકાર્યો.
SRH vs PBKS મેચની શ્રેષ્ઠ મોમેન્ટ્સ અને રેકોર્ડ્સ વાંચો…
1. બોલ પકડવાનો પ્રયાસ કરતી વખતે અભિષેકનો પગ બાઉન્ડ્રી સાથે અથડાયો
શ્રેયસ ઐયરે 36 બોલમાં 82 રન બનાવ્યા.
પંજાબની ઇનિંગની 12મી ઓવરમાં શ્રેયસ ઐયરનો સિક્સર બચાવવાનો પ્રયાસ કરતી વખતે અભિષેક શર્માનો પગ બાઉન્ડ્રી સાથે અથડાયો. ઝીશાન અન્સારીની ઓવરના છેલ્લા બોલ પર, શ્રેયસે લોંગ ઓફ પર મોટો શોટ રમ્યો. અહીં બાઉન્ડ્રી પર ઉભેલા અભિષેક શર્માએ કૂદીને બોલ પકડવાનો પ્રયાસ કર્યો પરંતુ તેનો પગ બાઉન્ડ્રીના દોરડા સાથે અથડાયો.
2. કમિન્સે DRS લીધો, શશાંક LBW આઉટ
શશાંકને આઉટ કર્યા પછી ઉજવણી કરતી હૈદરાબાદની ટીમ
15મી ઓવરમાં પંજાબે પોતાની ચોથી વિકેટ ગુમાવી દીધી. હર્ષલ પટેલે ઓવરના પહેલા બોલ પર શશાંક સિંહને LBW આઉટ કર્યો. શશાંક આગળ આવ્યો અને શોટ રમ્યો. બોલ તેના પેડ પર વાગ્યો. હર્ષલે અપીલ કરી પણ અમ્પાયરે તેને નકારી કાઢી. કેપ્ટન પેટ કમિન્સે એક રિવ્યુ લીધો જેમાં જાણવા મળ્યું કે બોલ સ્ટમ્પને અથડાતો હતો. અહીં અમ્પાયરને પોતાનો નિર્ણય બદલવો પડ્યો, શશાંક 2 રન બનાવીને આઉટ થયો.
રિપ્લેમાં દેખાતું હતું કે બોલ સ્ટમ્પને અથડાતો હતો.
3. સ્ટોઇનિસે શમીના બોલ પર સતત 4 છગ્ગા ફટકાર્યા
માર્કસ સ્ટોઇનિસે 11 બોલમાં 34 રન બનાવ્યા.
પંજાબ કિંગ્સે 20મી ઓવરમાં 27 રન બનાવ્યા. માર્કસ સ્ટોઇનિસે મોહમ્મદ શમી સામે છેલ્લા 4 બોલમાં 4 છગ્ગા ફટકાર્યા.
4. નો બોલ પર કેચ આઉટ થયો અભિષેક
અભિષેકને જ્યારે નો બોલ પર જીવનદાન મળ્યું, ત્યારે તે 18 રન પર હતો
ચોથી ઓવરમાં SRHના ઓપનર અભિષેક શર્મા નો બોલ પર કેચ આઉટ થયો. યશ ઠાકુરે ઓવરનો ત્રીજો બોલ ઓફ સ્ટમ્પની બહાર ફેંક્યો, અભિષેક કેચ આઉટ થયો. અભિષેકે પેવેલિયન જવાનું શરૂ કર્યું, પરંતુ થર્ડ અમ્પાયરે બોલને નો બોલ જાહેર કર્યો. આગલા બોલ પર અભિષેકે હેલિકોપ્ટર શોટ રમીને સિક્સર ફટકારી.
5. ઐયરે કહ્યું, રિવ્યૂ લેતા પહેલા મને પૂછો
શ્રેયસ ઐયર અમ્પાયર તરફ ઈશારો કરીને વાત કરી રહ્યો છે.
હૈદરાબાદની ઇનિંગની પાંચમી ઓવરમાં પંજાબના કેપ્ટન શ્રેયસ ઐય્યર રિવ્યુ લેવા પર ગુસ્સે થઈ ગયો. ગ્લેન મેક્સવેલે ઓવરનો બીજો બોલ ટ્રેવિસ હેડના લેગ સાઈડ પર ફેંક્યો. અહીં અમ્પાયરે વાઈડ બોલ આપ્યો અને વિકેટકીપર પ્રભસિમરન અને મેક્સવેલે DRS માંગ્યું અને અમ્પાયરે નિર્ણય થર્ડ અમ્પાયરને મોકલી દીધો.
નિયમો અનુસાર, કેપ્ટન રિવ્યૂ માટે સંકેત આપે છે. આના પર કેપ્ટન શ્રેયસે અમ્પાયરને કહ્યું, રિવ્યુ માટે કહેતા પહેલાં મને પૂછો.
6. ચહલ અભિષેકનો કેચ ચૂકી ગયો
આ સમયે અભિષેક 56 રન પર બેટિંગ કરી રહ્યો હતો.
આઠમી ઓવરમાં અભિષેકને બીજી વાર જીવનદાન મળ્યું. અભિષેકે યુઝવેન્દ્ર ચહલની ઓવરનો પહેલો બોલ હવામાં રમ્યો. ચહલ પાછળની તરફ દોડ્યો અને પોતાની બોલિંગ પર ડાઇવ લગાવ્યો, પરંતુ કેચ ચૂકી ગયો.
7. અભિષેકનો 106 મીટર લાંબો છગ્ગો
અભિષેક શર્માએ 55 બોલમાં 141 રન બનાવ્યા. તેણે ઇનિંગ્સમાં 10 છગ્ગા અને 14 ચોગ્ગા પણ ફટકાર્યા.
10મી ઓવરમાં અભિષેક શર્માએ માર્કો જેનસેનને 106 મીટર લાંબો સિક્સર ફટકાર્યો. ઓવરના ત્રીજા બોલ પર, અભિષેકે ઓફ સ્ટમ્પની બહાર આવીને મિડવિકેટ પર સિક્સર ફટકારી.
8. અભિષેકે ઓરેન્જ આર્મીને સદી સમર્પિત કરી
સદી ફટકાર્યા પછી, અભિષેકે ચાહકોને આ કાગળ બતાવ્યો.
અભિષેકે 13મી ઓવરના છેલ્લા બોલ પર યુઝવેન્દ્ર ચહલ સામે એક સિંગલ રન લીધો અને પોતાની સદી પૂર્ણ કરી. પછી તેણે પોતાના ખિસ્સામાંથી એક કાગળ કાઢ્યો જેના પર લખ્યું હતું ‘આ ઓરેન્જ આર્મી માટે છે’. ઓરેન્જ આર્મી સનરાઇઝર્સ હૈદરાબાદનો ચાહક વર્ગ છે.
અભિષેક શર્માએ 40 બોલમાં પોતાની સદી પૂર્ણ કરી.
રેકોર્ડ્સ અને ફેક્ટ્સ:
- શ્રેયસ ઐયરે આઈપીએલમાં તેની સૌથી ઝડપી અડધી સદી ફટકારી. તેણે આ અડધી સદી માત્ર 22 બોલમાં પૂર્ણ કરી. આ પહેલા 2024માં શ્રેયસે 23 બોલમાં અડધી સદી ફટકારી હતી.
- મોહમ્મદ શમીએ આઈપીએલના ઇતિહાસમાં બીજી સૌથી મોંઘી બોલિંગ કરી. શમીએ ગઈકાલે એક પણ વિકેટ લીધા વિના 75 રન આપ્યા. આ વર્ષે હૈદરાબાદમાં રમાયેલી મેચમાં જોફ્રા આર્ચરે 76 રન આપ્યા અને કોઈ વિકેટ લીધી નહીં, જે IPLના ઇતિહાસમાં સૌથી મોંઘું બોલિંગ પ્રદર્શન હતું.
- પંજાબે IPLમાં તેનો બીજો સૌથી મોટો પાવરપ્લે સ્કોર બનાવ્યો. ટીમે પ્રથમ 6 ઓવરમાં 89/1 રન બનાવ્યા. આ પહેલા 2024માં પંજાબે કોલકાતા નાઈટ રાઈડર્સ સામે 93/1 રન બનાવ્યા હતા. હૈદરાબાદ સામે કોઈપણ ટીમ દ્વારા બનાવેલ આ સૌથી વધુ પાવરપ્લે સ્કોર છે. 2024માં પંજાબે દિલ્હીના 88/2ના સ્કોરને વટાવી દીધો.
- સનરાઇઝર્સ હૈદરાબાદના ટ્રેવિસ હેડ અને અભિષેક શર્માએ ગઈકાલે બીજી સૌથી મોટી ઓપનિંગ ભાગીદારી કરી. બંનેએ મળીને 171 રન ઉમેર્યા. 2019ની શરૂઆતમાં, જોની બેયરસ્ટો અને ડેવિડ વોર્નરે રોયલ ચેલેન્જર્સ બેંગ્લુરુ (RCB) સામે 185 રનની શાનદાર ભાગીદારી કરી હતી.
- અભિષેક શર્મા ભારતીય ખેલાડી તરીકે IPLની એક ઇનિંગમાં સૌથી વધુ રન બનાવનાર ખેલાડી બન્યો. તેણે ગઈકાલે 141 રનની ઇનિંગ રમી હતી. આ પહેલા 2020માં કેએલ રાહુલે બેંગ્લુરુ સામે પંજાબ તરફથી રમતી વખતે અણનમ 132 રન બનાવ્યા હતા. આ IPLમાં ત્રીજો સૌથી મોટો વ્યક્તિગત સ્કોર છે.
- સનરાઇઝર્સ હૈદરાબાદ માટે અભિષેક શર્માએ એક ઇનિંગમાં સૌથી વધુ છગ્ગા ફટકારવાનો રેકોર્ડ બનાવ્યો. ગઈકાલે તેણે પોતાની ઇનિંગમાં 10 છગ્ગા ફટકાર્યા. આ પહેલા આ રેકોર્ડ ડેવિડ વોર્નર અને જોની બેયરસ્ટોના નામે હતો.
1. આઈપીએલમાં પંજાબનો બીજો સૌથી મોટો સ્કોર પંજાબ કિંગ્સે IPLમાં પોતાનો બીજો સૌથી મોટો સ્કોર બનાવ્યો. ટીમે ગઈકાલે હૈદરાબાદ સામે 245/6 રન બનાવ્યા હતા. આ પહેલા ટીમે 2024માં કોલકાતા નાઈટ રાઈડર્સ સામે 262/2 રન બનાવ્યા હતા.
2. હૈદરાબાદે IPLમાં બીજો સૌથી મોટો રન ચેઝ કર્યો સનરાઇઝર્સ હૈદરાબાદે IPLના ઇતિહાસમાં બીજો સૌથી મોટો રન ચેઝ કર્યો. પંજાબ કિંગ્સ સામેના 246 રનના જવાબમાં ટીમે 247/2 રન બનાવ્યા. આ પહેલા, સૌથી મોટો સફળ રન ચેઝ પંજાબ કિંગ્સના નામે હતો. ટીમે 2024માં કોલકાતા નાઈટ રાઈડર્સ સામે 262 રન બનાવ્યા હતા.
,
મેચના આ સમાચાર પણ વાંચો…
હૈદરાબાદે IPLના ઇતિહાસનો બીજો હાઇએસ્ટ ટાર્ગેટ ચેઝ કર્યો:પંજાબ સામે 18.3 ઓવરમાં જ 247 રન ફટકાર્યા, અભિષેક શર્માએ 40 બોલમાં સદી ફટકારી
સનરાઈઝર્સ હૈદરાબાદે IPL ઇતિહાસનો બીજો સૌથી મોટો રન ચેઝ કર્યો છે. શનિવારે બીજી મેચમાં ટીમે પંજાબ કિંગ્સ સામે 246 રનના ટાર્ગેટને 2 વિકેટ ગુમાવીને 18.3 ઓવરમાં જ ચેઝ કરી લીધો. ટીમના ઓપનર અભિષેક શર્માએ પહેલી સદી ફટકારી. તેણે 55 બોવમાં 141 રન ફટકાર્યા. સંપૂર્ણ સમાચાર
