Related posts
8 મિનિટ પેહલા
- કૉપી લિંક
સાઉથ આફ્રિકા સામેની ટેસ્ટ સિરીઝ પહેલા ભારતીય કેપ્ટન રોહિત શર્માએ કહ્યું કે, વર્લ્ડ કપ ફાઈનલની હારને ભૂલીને આગળ વધવું જરૂરી છે. આ હાર બાદ આખી ટીમ નિરાશ થઈ ગઈ હતી.
ભારતીય કેપ્ટન ગયા મહિને વર્લ્ડ કપ ફાઇનલમાં હાર બાદ સોમવારે પહેલીવાર મીડિયાના સવાલોના જવાબ આપી રહ્યા હતા. રોહિતે કહ્યું- ‘અમે વર્લ્ડ કપ માટે ખૂબ મહેનત કરી હતી. 10 મેચમાં ખૂબ સારું પ્રદર્શન કર્યું. ફાઇનલમાં પણ ઘણી બાબતો સારી રહી, પરંતુ શું ખોટું થયું અને શું સાચું થયું તે વિશે અમે શું કહી શકીએ.
એક વર્ષના જવાબમાં રોહિતે કહ્યું હતું કે હું બેટર તરીકે આગામી બે વર્ષ સુધી રમવા માટે તૈયાર છું. તે જ સમયે, કેએલ રાહુલની સ્થિતિ પર, કેપ્ટને કહ્યું – ‘મને કેએલ રાહુલ પર વિશ્વાસ છે. તે નંબર 4 અને 5 પર સારી બેટિંગ કરે છે. રાહુલ ટેસ્ટમાં વિકેટકીપિંગ કરી શકે છે.
રોહિત શર્માની પ્રેસ કોન્ફરન્સની ખાસ વાતો…
- શમીને મિસ કરીશ, યુવાનો માટે ચેલેન્જ આસાન નથી છેલ્લા 5-7 વર્ષમાં ભારતીય ફાસ્ટ બોલર્સે વિદેશમાં સારું પ્રદર્શન કર્યું છે. અમે મોહમ્મદ શમીને ખૂબ મિસ કરીશું, પરંતુ યુવાનો તેમની જગ્યા લેવાનો પ્રયાસ કરશે, જોકે તે આસાન નહીં હોય.
- સાઉથ આફ્રિકામાં બેટર ક્યારેય સેટ અનુભવી શકતા નથી જ્યારે પણ તમે બેટિંગ કરો છો, પછી ભલે તમે 100 કે 70-80 પર રમી રહ્યા હોવ, એ યાદ રાખવું જરૂરી છે કે તમે સેટ નથી. ઇંગ્લેન્ડમાં પણ આવી જ સ્થિતિ છે. અહીં રમી ચૂકેલા પ્લેયર્સે તેમના અનુભવો શેર કર્યા. છોકરાઓએ સમજવું પડશે કે તમારી સ્ટ્રેન્થ શું છે. તમારે રન બનાવવા માટે પણ જોવું પડશે, કારણ કે અહીં રન મહત્વપૂર્ણ છે.
- ખેલાડીઓ દેશને ગૌરવ અપાવવા માગે છે અમે દક્ષિણ આફ્રિકામાં ક્યારેય સિરીઝ જીતી નથી. અહીં જીત મહત્વપૂર્ણ રહેશે. મને નથી લાગતું કે અહીં જીતવું વિશ્વ કપની હાર માટે મલમ બની રહેશે. કારણ કે વર્લ્ડ કપ એ વર્લ્ડ કપ છે. અમારી પાસે જીતવા માટેના તમામ ટૂલ છે, અમે ફ્રી સ્ટાઇલમાં રમવાનો પ્રયત્ન કરીશું.
- પ્રસિદ્ધ- મુકેશમાંથી એકને જ તક મળશે છેલ્લી વાર અમે અહીં આવ્યા ત્યારે અમે જીતની નજીક આવ્યા હતા. મેં રાહુલ ભાઈ (કોચ) અને રાહુલ (વિકેટકીપર) સાથે વાત કરી. રાહુલે ગયા પ્રવાસમાં સદી ફટકારી હતી. પ્રસિદ્ધ અને મુકેશે સારું પ્રદર્શન કર્યું છે. અમારી પાસે સિરાજ અને બુમરાહ પણ છે.
- આપણે માત્ર એ જોવાનું છે કે અમારે સ્વિંગ બોલર જોઈએ છે કે સીમ બોલર જોઈએ છે. અમે આ જ બાબતની ચર્ચા કરી રહ્યા છીએ. અમે પિચ જોયા બાદ આ અંગે નિર્ણય લેવાના હતા, પરંતુ હવામાનના કારણે અમે વિકેટ જોઈ શક્યા ન હતા.
- ખેલાડીઓ ટેસ્ટ રમવા માંગે છે કારણ કે આ સૌથી મુશ્કેલ ફોર્મેટ છે મેં તમામ ખેલાડીઓની આંખોમાં જુસ્સો જોયો, ખેલાડીઓ ટેસ્ટ ક્રિકેટ રમવા માંગે છે. હું ઈચ્છું છું કે ખેલાડીઓ શક્ય એટલું ટેસ્ટ ક્રિકેટ રમે કારણ કે આ સૌથી મુશ્કેલ ફોર્મેટ છે અને આ રીતે ખેલાડીઓની કુશળતા જાણી શકાય છે.
વર્લ્ડ કપ બાદ રોહિત પહેલીવાર મીડિયા સામે આવ્યો હતો
વર્લ્ડ કપ ફાઇનલમાં હાર બાદ ભારતીય કેપ્ટન રોહિત શર્મા પહેલીવાર મીડિયા સામે જોવા મળ્યો હતો. વર્લ્ડ કપ બાદ તે ફેમિલી હોલિડે પર ઈંગ્લેન્ડ ગયો હતો અને મીડિયાથી અંતર રાખ્યું હતું.
રોહિત શર્માએ થોડા દિવસો પહેલા આ ફોટો પોસ્ટ કર્યો હતો.
રોહિત વનડે વર્લ્ડ કપની ફાઇનલમાં હાર બાદ વેકેશન પર ગયો હતો.
હેડ-લાબુશેનની ઇનિંગ્સને કારણે ભારત હારી ગયું
વર્લ્ડ કપ 2023ની ફાઇનલમાં ભારતને 6 વિકેટે હારનો સામનો કરવો પડ્યો હતો. અમદાવાદમાં ટોસ હારીને પ્રથમ બેટિંગ કરતા ટીમ ઈન્ડિયા 240 રનમાં ઓલઆઉટ થઈ ગઈ હતી. ઓસ્ટ્રેલિયાના બેટર્સે 43 ઓવરમાં 4 વિકેટ ગુમાવીને 241 રનનો લક્ષ્યાંક હાંસલ કર્યો હતો.
ટ્રેવિસ હેડે 137 રનની સદી ફટકારી હતી, જ્યારે માર્નસ લાબુશેને અણનમ 58 રન બનાવ્યા હતા. મિચેલ સ્ટાર્કે 3 વિકેટ લીધી હતી જ્યારે કેપ્ટન પેટ કમિન્સ અને જોશ હેઝલવુડને 2-2 વિકેટ મળી હતી. ટ્રેવિસ હેડ પ્લેયર ઓફ ધ મેચ રહ્યો હતો.
